rojane

09:28

Jinên Efganî yên ku di enstîtuyên perwerdehiyê de dixwînin, ji ber ku enstîtu bi biryara Talîbanê hatin girtin, çalakiyên protestoyî li dar dixin. Jin dibêjin “Talîban ji hêz û çeka di destê xwe de bawer e lê ewê rojek bê, ev tarîtî bidawî bibe.”

05:15

Endama Komîteya Têkilî û Tifaqên Demokratîk a Kongra Star Emîne Osê têkildarî geşedanên li Sûriyeyê destnîşan kir ku ji ber kiryarên komên cîhadîst li Sûriyeyê pêşeroja jinan di xeterê de ye û got ku yekane riya çareseriyê, pergala Rêveberiya Xweser e.

05:00

Irûba El Keno (Avaşîn Ristem Cûdî) ku ji bo pêkhateyên Ereb ji feraseta zilamperwer rizgar bibin têkoşiya, di encama êrîşa dewleta Tirk de jiyana xwe ji dest da. Malbata Irûba diyar kir ku ew bi keça xwe serbilind in.

21:32

Şîrketa Gizingî Berbeyan ku produksiyona çêkirina bernameyan ji bo JIN TV’yê ye bertek nîşanî êrîşê Asayişa Silêmanî da û got: “Ev biryar nîşana hişmendiya şikandina îradeya jin, nasname û hebûna jinê ye.”

20:56

Asayîşa Silêmanî êrişî navendên RJAK, Şîrketa Gizingî Berbeyan, Rêxistina Niwêger û Rêxistina Merziye kir.

17:40

Muhsîne Mihêsawî wek Waliyê Suweydayê hat tayînkirin.

14:20

Hat ragihandin ku girtiya siyasî Şerîfe Mihemedî ya li girtîgeha Lakan a bajarê Reşd ê Îranê tê girtin, ji bo tedawiyê şandine nexweşxaneyê.

14:16

Li Wargeha Penaberan a Mexmûrê ji aliyê Stêra Zêrîn û Navenda Çand û Hunera Mexmûrê ve sala nû di nava wargehê de bi gerandina kosegerî hat pîrozkirin. Koseger li hemû sazî, dikan û malên wargehê geriyan û diyariyan kom kirin.

13:58

Rêxistina Efûyê ya Navneteweyî bi bîr xist ku rojnamevan Cîhan Bîlgîn û Nazim Daştan di êrişa hewayî ya dewleta Tirk de hatine qetilkirin û wiha got: “Divê binpêkirinên li dijî rojnamegeran bên lêkolînkirin.”

13:50

Hevseroka Konseya Rêveber a KCK'ê Besê Hozat destnîşan kir ku tecrîda li Îmraliyê berdewam dike û got: “Ger Tirkiye polîtîkayên xwe yên niha bidomîne, wê li herêmê bibe hêza herî mezin a wenda kiriye. Rêber Apo şansê dawî yê Tirkiyê ye.”

13:39

Di rapora sala 2024'an a IFJ'ê de hate ragihandin 122 rojnamevan û xebatkarên çapemeniyê hatin qetilkirin.

13:13

Mamosteyên li Idibê ji ber hikumeta ku ji aliyê HTŞ’ê ve hatiye avakirin, nîvî ji mehaneyên wan ên Cotmeh û Mijdarê birî bertek nîşan dan û dest bi grevê kirin.

12:29

Jinên Iraqê diyar kirin ku sala 2024’an salek hem zor bû hem jî jin di warê rola xwe ya civakî de bi hêz bûn, da zanîn ku ji bo di her astê de serkeftin çêbibe divê xebat û hewldan zêdetir bibin.

10:19

Li Tirkiyeyê di sala 2024'an de ji bo pêşîgirtina li tundiya li ser jinê tu gav nehatin avêtin. Li Tirkiyeyê di sala 2024’an de 358 jin û 43 zarok hatin qetilkirin, 221 jin û 31 zarok jî bi guman jiyana xwe ji dest dane.

09:48

Lêkolîner Nesîbe Hisên bal kişand ser tundiya li dijî jinan û wiha got: “Zêdebûna tundiya li dijî jinan, ji ber tunebûna zagon û serdestbûna çanda mêrsalariyê ye. Li dijî vê yekê pêdivî bi têkoşînek xurt heye.”

09:41

Di sala 2024’an de jî rêzebûyerên bi lez û tije nakokî li ser rûyê Rojhilata Navîn berdewam kirin. Yên herî zêde ji van mijar û nakokiyan para xwe girtin û zirar dîtin, jin bûn.

08:47

Şervanên Yekîneyên Parastina Jin (YPJ) yên di berxwedana bendava Tişrînê de cih digirin dibêjin: “Heya serkeftinê dê berxwedana me bidome.”

08:36

Safînaz El-Louh a li Xezayê rojnamegeriyê dike, Ronak Şiheîkî ya ji Bakur Rojhilatê Sûriyeyê û ji Lubnanê Amal Khalîl, gotin ku ew bi biryar in sûcên şer ên ji aliyê dewletan ve tên kirin ji cîhanê re ragihînin.

07:19

Gelê Nisêbînê ku ji bo piştgiriya gelê Bakur û Rojhilatê Sûriyê li ser sînorê Qamişlo nobetê digre, peyama “Sînor nikare Kurdan parçe bike, gotina Rojava gotina me ye” dan û gotin ku ew ê Rojava û destkeftiyên wê biparêzin.

05:00

Berdevka Yekîtiya Jinên Êzîdî ya Rojava Hediya Şemo balkişand ser xeteriya kiryarên ku li Sûriyê li dijî ol û baweriyan de pêk tê û got: “Ev kiryarên ku li dijî baweriyan pêk tên, li ser pêşeroja Sûriyê xeteriyek mezin in. Divê maf, ol û bawerî bên paras