Navenda Nûçeyan – Rûxmê ku li Xezayê piraniya wan zarok û jin 193 hezar Filîstinî jiyana xwe ji dest dan û birîndarbûn û zêdetirê 10 hezar kes jî windabûn jî, hêzên Îsraîlê şerê xwe ya qirkirinê li dijî gelê Zîvala Xezayê didomîne û bangên navneteweyî yên rawestina şer jî paşguh dike.

Ajansa nûçeyan a fermî ya Filistînê WAFA'yê, di daxuyaniya îro de ragihand ku di encama êrîşên topbaranê ya li dijî navend û rojavaya Xan Yûnisê û herêmên din ên Zîvala Xezayê de, zarok jî di nav de 14 Filîstinî jiyana xwe ji dest dan û dehan kes jî birîndar bûn.

Bernameya Xûrekê ya Cîhanê jî, ji bo gihandina alîkariya mirovî ya ji bo hemû sivîlên Zîvala Xezayê banga avakirina rêyên ewle kir û destnîşan kir ku divê rêyên kamyonan û xalên belavkirina alîkariya mirovî ji hemû çalakiyên leşkerî bên paqijkirin. Her wiha banga li Xezayê pêkanîna agirbestek lezgîn û mayînde kir.

Qeyrana mirovî kûrtir dibe

Bernameyê, di mijara qeyrana mirovî ya li Xezayê kûrtir dibe de hişyarî da û diyar kir ku li Xezayê her ji sê kesan kesek bi rojan ji xwegihandina xûrekê bêpar dibînin. Bername, diyar kir ku rûxmê rewşa ewlehiyê ya xirab, gihandina bisînor û zêdebûna bêhêvîtiya di navbera civakên xwedî pêdiviyên alîkariya xûrekê jî, mîsogerkirina alîkariya xûrekê bidomînin.

Şerê di navbera hêzên Îsraîl û Hamasê ya Cotmeha 2023’an de dest pê kir û di encamê de 57 hezar kes jiyana xwe ji dest dan û 136 hezar kes jî birîndar bûn. Cenazeyê bi hezaran kesan hê di bin kavilan de ne û ekîbên ambulansê nikarin xwe bigihînin.