زەینەب خەلیف

 

دێرەزوور-سووریا لە ساڵانی ڕابردوودا گۆڕانکاری گەورەی بەخۆیەوە بینی، دوای ئەوەی ناوچەیەکی بەرفراوان لە چنگی تیرۆریزمی داعش و ڕژێمە تاکڕەوەکان ڕزگارکران، ئەمەش ڕێگەی خۆشکرد بۆ سەردەمێکی نوێ کە لەسەر بنەمای فرەیی و دیموکراتیکی و بەشداری کۆمەڵگە لە باکوور و ڕۆژهەڵاتی سووریا دامەزراوە، لەم دیمەنە گۆڕاوەدا ژنان وەک توخمێکی چالاک دەردەکەون، نەک تەنها وەک وەرگری گۆڕانکارییەکان، بەڵکو وەک هێزێک کە باجێکی زۆری داوە بۆ پێگەی بڕیاردان لەمڕۆدا.

 

ژنانی سووریا لە قۆناغی گواستنەوەدا

ختام حدو، ئەندامی لیژنەی ژنان لە ئەنجومەنی گەل لە شاری هەجین لە گوندەکانی ڕۆژهەڵاتی دێرەزوور، جەختی لەوە کردەوە کە ژنان لە شەڕی دژی تیرۆر و لە پشتیوانیکردنی پڕۆژەی سووریایەکی دیموکراتیک کە هەموو پێکهاتە نەتەوەیی و ئایینییەکانی لەخۆ بگرێت، لەسەر بنەمای یەکسانی و دادپەروەری کۆمەڵایەتی، "پایەی بنەڕەتی" بووە و بەردەوامیشی هەیە.

 

جەختیشی لەوە کردەوە کە ژنان بەردی بناغەی پرۆسەی ڕزگاری و ئاوەدانکردنەوەن، سووریای نوێ دەبێت هەموو پێکهاتەکانی گشتگیر بێت، لەسەر بنەمای دیموکراتیک و یەکسانی کاریگەر لە نێوان ژن و پیاودا، ئەمڕۆ باس لە سووریایەکی نوێ دەکەین کە لە تیرۆر و دیکتاتۆریەت و ستەمکاری ڕزگاری بووە، بۆ ئەوەی ببێتە نیشتمانێک کە هەموو پێکهاتەکان و ئایینەکان و نەتەوەکانی گەلی سووریا یەکبخات، کە بە خۆشەویستی ژیان و پێکەوە ژیان و بەرگریکردن لە ئازادی ناسراون.

 

وتیشی: ئێمە ڕووبەڕووی ستەمکاران بووینەوە و شەڕی کوتلە تیرۆریستییەکانمان کردووە لەپێناو بنیاتنانی نیشتمانێک کە بە بیروباوەڕی و کراوەیی دیموکراتی بەڕێوەدەبرێت، نیشتمانێک کە شایەنی قوربانیدانی گەلێکی بەرخۆدێر بێت کە باجێکی قورسیان داوە.

 

ڕۆڵی ژن لە بەرخۆدان و بونیادنان

ختام حدو ئاماژەی بەوەدا کە ژنانی سووری تەنیا زیانبەرکەوتووی شەڕ نەبوون، بەڵکو هاوبەشی ڕاستەقینەی خەبات بوون، منداڵەکانیان کردە قوربانی لە پێناو ڕزگارکردنی وڵاتدا. وتی: ناتوانین باسی سەرکەوتنێک بکەین کە بەدەست هاتووە بەبێ داننان بە ڕۆڵی ژنان، ئەوان دایک و ژن و شەڕڤانن کە سەرەڕای هەموو ئەو شتانەی لەدەستیان داوە پاشەکشەیان نەکردووە، بەو پێیەش دەبێت ڕۆڵێکی بنەڕەتی لە سووریای نوێدا بگێڕن و نابێت پەراوێز بخرێن یان لە هیچ قۆناغێکی بونیادنانی ئایندە دوور بخرێنەوە.

 

ئاماژەی بەوەدا کە ئەزموونی خۆبەڕێوەبەری لە باکوور و ڕۆژهەڵاتی سووریا نوێنەرایەتی مۆدێلێکی سەرکەوتوو دەکات بۆ بەشداریکردنی ژنان لە ژیانی گشتیدا، ژنان توانای خۆیان سەلماندووە بۆ پێشەنگایەتیکردنی چالاکی سیاسی و بەشداریکردن لە بڕیاردان و بەڕێوەبردنی پڕۆژەکان و بونیادنانی دامەزراوەکانی کۆمەڵگەیەکی دیموکراتیک.

 

جەختیشی لەوە کردەوە کە "ژنانی ئەو ناوچانە لە ئەنجومەن و ئەندامی سیاسییەکان چالاکن و بەشدارییەکی بەرچاویان کردووە لە داڕشتنی ئەو بڕیارانەی کە ڕاستەوخۆ کاریگەرییان لەسەر ژیانی هاوڵاتیان هەبووە، ئامادەبوونیان ڕەمزی یان فەرمی نەبووە، بەڵکو ڕاستەقینە و کاریگەر بووە.

 

هۆشداریدا لە مەترسی پاشەکشەکردن یان پەراوێزخستنی ژنان دوای ئەوەی قوربانییەکی زۆریان داوە وتی: تەنها دروشممان ناوێت، نە نوێنەرایەتیکردنی ڕووکەشی ژنانمان ئەوێت، ئێمە ئەو کارانەمان دەوێت کە دووپاتی بکەنەوە ژنان هاوبەشن لە بڕیاردانی سیاسیدا.

 

ژنانی سووریا، کە ئاگری ئازایانەیان هەبووە، لە بەرەکانی پێشەوە وەستاون، ماڵەکانیان لە ژێر بۆردووماندا بەڕێوەبردووە، سەرپێچی لە دەسەڵاتی چەک و دەرکردنیان کردووە، ئەمڕۆ ڕەتیدەکەنەوە دووربخرێنەوە یان ڕۆڵیان کەمبکرێتەوە، بەرخۆدانی خۆیان لە شەڕدا سەلماندووە، ئێستاش لە ئاشتیدا توانای پێشەنگایەتیکردنیان دەسەلمێنن.

 

بۆیە پشتیوانیکردن و بەهێزکردنی ژنان لە سووریای نوێدا تەنها فەرمانێکی ڕەوشتینییە، بەردی بناغەیە بۆ بونیادنانی نەتەوەیەکی یەکگرتوو و دیموکراتیک کە ستەمکاری بە فۆڕمی نوێ بەرهەم ناهێنێتەوە، لە ناوەوەی ئازارەوە پێشەنگەکان ساختە دەکرێن، لە داروپەردووی وێرانکارییەوە ژن وەک هاوبەشێک لە داهاتوویەکدا دەردەکەون کە کەس بەدەر ناکات.