ڕۆژانە

07:43

کورد و عەرەب و سریانییەکان جەختیان لەوە کردەوە کە گەلی ناوچەکە بە پڕۆسەی بوون و لەناوچووندا تێدەپەڕن و ڕایانگەیاند، کات کاتی پاراستنی خاک و هەبوونیانە.

07:29

ڕووبار ئەحمەد، ئەندامی بەرەی پشتیوانی ڕۆژئاوا، سەبارەت بە هەوڵەکان بۆ سوکایەتییکردن بە ژنانی ڕۆژئاوا وتی: دەوڵەتانی سەردەست لە هێزی ژنان دەترسن و ژنانی ڕۆژئاوا بە دروشمی "گیانێکمان هەیە، بەختی دەکەین بۆ نیشتیمان" بەرخۆدان دەکەن.

15:38

کۆنگرەی ستار بەیاننامەیەکی سەبارەت بە لەسێدارەدانی وریشە مورادی بڵاوکردەوە و ڕایگەیاند، "ژن ژیانە، بەئاماجکردنی وریشە بەئامانجکردنی هەموو مرۆڤایەتییە، ناهێڵین تاریکی سەربکەوێت، ئازادی هەمیشە بۆ ژنانی بەرخۆدێرە".

15:29

نزیکەی ٥٠ پاس کە لە ڕێگادا بوون بۆ گواستنەوەی کۆچبەرانی دیکە، کە لە شەهبا و شێراوە مابوونەوە، لەلایەن چەتەکانی سەر بە دەوڵەتی تورکەوە ڕێگرییان لێکرا.

14:22

کەجەدەپە لە ڕاپۆرتی مانگی تشرینی دووەمی خۆیدا ڕایگەیاند کە ٣٢ ژن کوژراون و ٢٦ ژنیش بە شێوەیەکی گوماناوی گیانیان لەدەستداوە.

13:11

نەتەوە یەکگرتووەکان ئیدانەی بۆردوومانێکی کرد کە کامپی زمزمی ئاوارەکانی کردە ئامانج، کامپەکە یەکێکە لە گەورەترین کامپەکانی ئاوارە لە ناوخۆی سودان.

12:47

لە درێژەی توندوتیژییەکان و هاندانی ژنان بۆ خۆکوشتن، ژنێک لە دادگای سلێمانی لە نهۆمی یەکەمەوە خۆی هەڵدایە خوارەوە و بریندار بوو.

12:45

منداڵێکی ساوای تەمەن ٤ مانگ، بەهۆی هێرشە داگیرکارییەکانی بەکرێگیراوانی سەر بە دەوڵەتی داگیرکەری تورک، بەهۆی سەرمای ڕێگای کۆچەوە گیانی لەدەستدا.

10:59

بە بڕیاری سەرۆکی حکومەتی تاڵیبان خوێندنی ژنان لە پەیمانگای بواری مامانی و پەرستاری قەدەغە کراو ئەمەش لە ناوەوە و دەرەوەی وڵاتەکە کاردانەوەی لێکەوتەوە و باڵیۆزخانەی بەریتانیا ئەمە بە پێشێلکارییەکی دیکە بۆ مافەکانی ژنانی ئەفغانستان پێناسە دەكات.

10:52

ڕۆژدا عوسمان، ئەندامی ئەکادیمیاکانی کۆمەڵگەی دیموکراتیک، ئاماژەی بە هێرشەکانی هێزە ئەمنییەکانی تورکیا و چەتەکانی سەر بە تورکیا کرد، ئاماژەی بە بانگەوازی کۆکردنەوەی ئیدارەی خۆبەڕێوەبەری کرد و وتی: هێرشەکە دژی دەستکەوتەکانی شۆڕشی ژنانە.

09:09

ژنانی کانتۆنی ڕەقە لە باکوور و ڕۆژهەڵاتی سووریا پشتیوانی خۆیان بۆ ژنانی شاری حەلەب دەربڕی. ئەو ژنانە داوایان لە ڕێکخراوەکانی مافی مرۆڤ کردووە، دەستبەجێ داگیرکارییەکان ڕابگرن و لێپرسینەوە لە دەوڵەتی تورکیا بکەن.

08:50

ژنانی ئێزدی سەبارەت بە هەڵمەتی ناساندنی جینۆساید ڕایانگەیاندووە، پێویستە حکومەتی عێراق ناچاربکرێت دان بەو جینۆسایدەدا بنێت کە دژی پێکهاتەی ئێزدی ئەنجامدراوە، هەروەها داوایان لە هەموو ئێزدییەکان کرد بچنە ناو تەڤگەرەکە.

08:03

بەرەی ژنانی باشووری کوردستان ڕایانگەیاند، پێویستە لە سەرەتادا هەموو گەلەکەمان و مرۆڤایەتی و بە تایبەتی ژنان و ئازادیخوازانی جیهان خاوەن هەڵوێست بن و بڕژێنە سەر شەقامەکان و ڕێگری بکەن لەم پیلانە و کۆمەڵکوژی سەر گەلەکەمان پووچەڵ بکەنەوە.

07:20

نوێنەرایەتی خۆبەڕێوبەری باکوور و ڕۆژئاوای سووریا لە باشووری کوردستان و بەرەی پشتیوانی ڕۆژئاوا، ئیدانەی هێرشەکانی چەتەکانی دەوڵەتی تورکیایان کرد و لە کۆنگرەیەکی ڕۆژنامەوانیدا ڕایانگەیاند، پێویستە گەلی کورد پێکەوە بن و پارێزگاری لە ڕۆژئاوای کوردستان بکەن.

14:44

تەنیا لە مانگی تشرینی دووەمدا ١٢٦ کەس لە ئێران لە سێدارە دراون کە ٢٥ کەسیان ژن بوون.

14:13

ژنانی باکوور و ڕۆژهەڵاتی سووریا وەڵامی بانگەوازی خۆبەڕێوەبەری دیموکراتیکی باکوور و ڕۆژهەڵاتی سووریایان دایەوە و ڕایانگەیاند کە لە ڕێگەی شەڕی گەلی شۆڕشگێڕییەوە، خاوەنداری لە کەرامەت و ئازادی گەل دەکەن.

13:43

بە مەبەستی گەیاندنی دەنگی گەلی ڕۆژئاوای کوردستان بە سەرتاسەری جیهان، ژنانی عێراق لە ڕاگەیەندراوێکدا ئاماژەیان بەوەکرد ئەمشەو لە تۆڕە کۆمەڵایەتییەکان هەڵمەتێکی هاشتاگ دەستپێدەکات.

13:17

بیرسەن ئۆرهان، هاوسەرۆکی شارەوانی دێرسیم لەسەر ناڕەزایی پارێزەران ئازاد کرا.

12:50

جارێکی دیکە فڕۆکە جەنگییەکانی دەوڵەتی داگیرکەری تورک بۆردوومانی شێخانی سنووری پارێزگای دهۆکیان کردەوە، تا ئێستاش زیانەکانی بۆردوومانەکە نەزاندراوە.

12:21

دوای هێرشی چەتەکانی دەوڵەتی تورکیا بۆ سەر حەلەب و کانتۆنی شەهبا-عەفرین، سەدان خێزانی کۆچبەر گەیشتنە کانتۆنی ڕەققە.