قامیشلۆ

 

یەکێتی ڕاگەیاندنی ژن "یەرەژە" سەبارەت بەو هێرشە ئەلیکترۆنییەی شەوی ڕابردوو دژی ئاژانسی نوژنها ڕوویدا، ڕاگەیاندراوێکی بڵاوکردەوە. ئەم لێدوانە لە ناوەندی کولتووری و هونەریمحەمەد شێخۆ لە شاری قامیشلۆ دراوە و ڕۆژنامەنووسان وشەڕڤانانی یەپەژە ئامادەی بوون.

 

ڕاگەیاندراوەکە بە زمانی کوردی لە لایەن ڕۆژنامەنووس ئاڤاشین هێلین و بە زمانی عەرەبی لە لایەن ڕۆژنامەنووس یارا محەمەد خوێندرایەوەو تێیدا هاتووە: ئەم هێرشە هێرشێکە بۆ سەر ئازادی ڕۆژنامەگەری ئازاد.

 

ڕاگەیاندراوەکە بەم شێوەیەیە:

ئێمە وەک یەکێتی ڕاگەیاندنی ژن "یەرەژە" بە توندی ئیدانەی ئەو هێرشە ئەلیکترۆنییە دەکەین کە ئاژانسی (نوژنهای)ی کردە ئامانج، وەک یەرەژە ئەم هێرشە وەک هێرشێک بۆ سەر ئازادی ڕۆژنامەگەری و مافی دەستڕاگەیشتن بە زانیاری و وەک هەوڵێک بۆ بێدەنگکردنی دەنگی ئازادی ئەو راگەیاندنە دەبینین کە ڕاستییەکان دەگەیەنن و ڕەنگدانەوەی داواکارییەکانی ژنان و کۆمەڵگەن.

 

"ئامانج پەکخستنی کاری دامەزراوە میدیاییەکانە"

ئاژانسی نوژنها کەوتە بەر هێرشێکی ئەلیکترۆنی کە لە ئەنجامدا ژمارەیەکی زۆر هەواڵ بە زمانەکانی فارسی و عەرەبی و ئینگلیزی سڕایەوەو بڵاوکردنەوەی هەواڵەکان بۆ ماوەیەکی کاتی ڕاگیرا پێش ئەوەی تیمە تەکنیکیەکان بتوانن ماڵپەڕەکە بگەڕێننەوە. بەئامانجگرتنی دامودەزگاکانی ڕاگەیاندن لە ڕێگەی هێرشی ئەلیکترۆنیەوە مەترسی ڕاستەوخۆ بۆ سەر کاری ڕۆژنامەوانی پیشەیی دروست دەکات، ئامانج لێی پەکخستنی کاری دامودەزگاکانی ڕاگەیاندنە بەمەبەستی ڕێگریکردن لە بڵاوکردنەوەی هەواڵ و زانیاری بۆ ڕای گشتی.

 

ئەو گروپەی کە بەرپرسیارێتی ئەم هێرشەیان لە ئەستۆ گرت و خۆیان بە “هەنزاڵە” و “ئەکسەنا بەرخۆدان” ناوبرد، هەڕەشەیان لە کورد و دەزگاکانی ڕاگەیاندن و ڕۆژنامەنووسان (چ ژن و پیاو) کردووە. گروپەکە ڕایگەیاندووە کە بەردەوام دەبن لە هێرشە ئەلیکترۆنییەکانی و بانگەشەیان کردووە کە زانیارییەکانی ئاژانسەکەیان لەلایە.

 

"ئاژانس جەخت لەوە دەکاتەوە کە بەردەوام دەبێت لە هەموو کارە ڕۆژنامەوانیەکان"

لەلایەکی دیکەوە ئاژانسی نوژنها جەختی لەوە کردەوە کە ئەم هێرشە نەک تەنها تەکنیکی، بەڵکو داواکارییەکی سیاسییە بۆ بێدەنگکردنی دەنگی ژنان و ڕۆژنامەگەری سەربەخۆ و ئازاد، ه سەرەڕای هەموو هەڕەشەکان، بەردەوام دەبێت لە هەوڵەکانی بۆ ڕاپۆرتکردن لەسەر کەیسەکانی ژنان و بەرزڕاگرتنی کەرامەتی ڕاستی و پاراستنی ئازادی ڕادەربڕین.

 

"هیچ هێرشێک ناتوانێت سەردەمی ڕاستی ڕابگرێت"

لەسەر ئەم بنەمایە ئێمە وەک یەرەژە پاڵپشتی خۆمان بۆ ئاژانس (NUJINHA) و سەرجەم کارمەندەکانی دەردەبڕین. داوا لە لایەن و ڕێکخراوە پەیوەندیدارەکان دەکەین کە بەرگری لە ئازادی ڕادەربڕین دەکەن، ڕێوشوێنی پێویست بگرنەبەر بۆ پاراستنی دامودەزگاکانی ڕاگەیاندن لەم هێرشانە و لێپرسینەوە لە بەرپرسان بکەن، ئێمە جەخت لەوە دەکەینەوە کە ئەم جۆرە هێرشانە ناتوانن ڕێگری لە ژنانی ڕۆژنامەنووس و کارمەندانی ڕاگەیاندن بکەن کە بەردەوام بن لە پەیامی پیشەیی خۆیان، بە پێچەوانەوە، ئیرادەی خۆیان بۆ پاراستنی ئازادی ڕادەربڕین و مافی زانینی کۆمەڵگە بەهێزتر دەکەن.

 

"ئازادی بۆ ئازادی ڕادەربڕین"

شایانی باسە کە ئاژانسی نوژنها هەمیشە هەوڵدەدات تیشک بخاتە سەر ئەزموونەکانی ژنان، خەباتی ژنان بۆ ئازادی بەڵگەدار بکات و سەرنج بۆ ئەو دەنگانە ڕابکێشێت کە لەلایەن عەقڵیەتی باڵادەستەوە پشتگوێ دەخرێن.