ناوەندی هەواڵ

 

نوسینگەی نەتەوە یەکگرتووەکان بۆ هەماهەنگی کاروباری مرۆیی "OCHA"  لەبارەی دۆخی كۆبانێ لە ڕۆژئاوای كوردستان ڕاگەیەاندراوێكی بڵاوكردەوە.

 

لە ڕاگەیاندراوەكەدا هاتووە: هۆشداریی لەبارەی دۆخی کۆبانێ دەدەین چونكە ئەو شارە لە جیهان دابڕاوە و نزیکە لەوەی کارەسات تێیدا ڕووبدات، لە ئێستادا سەرجەم ڕێگاکانی بەرەو کۆبانێ داخراون، لەگەڵ ئەوەشدا پچڕانی کارەبا و ئاو و هێڵەكانی ئینتەرنێت ڕێگری لە دەستڕاگەیشتن بە خزمەتگوزارییە سەرەتاییەکانی دانیشتووان دەكەن.

 

ئاماژەی بەوەشکراوە، هەرچەندە ناوەندە تەندرووستییەکان بەردەوامن لە کارکردن، بەڵام دەرمان و پێدوایستیی زۆر کەمە، تیمەكان لە گفتوگۆدان لەگەڵ دەسەڵاتدارانی شاری حەلەب بۆ ئەوەی هاوكارییە مرۆییەكان بگەیەندرێتە ئەو شارە.