ناوەندی هەواڵ

 

نوسینگەی هەماهەنگی کاروباری مرۆیی نەتەوە یەکگرتووەکان "OCHA" ڕاپۆرتێکی سەبارەت بە دۆخی مرۆیی سووریا لە دوای دووەمین لافاوەکەی بڵاوکردەوەو ئاماژەی بەوەشکردووە، زریانەکە قەیرانی مرۆیی زیاتر کردووە و زیانێکی زۆری لێکەوتووەتەوە.

 

نوسینگەکە ئاماژەی بەوەشکردووە، لافاوەکە کاریگەری لەسەر ٣٧ شوێنی ئاوارەبوون لە باکوری سووریا هەبووە و ڕاستەوخۆ کاریگەری لەسەر نزیکەی دوو ملیۆن و ٨٠٠ هەزار ئاوارە هەبووە، جگە لە بەفربارینی زۆر و داخستنی ڕێگاکان، هەزاران خێزان لە حەلەب، ئیدلب، حەما، حومس، لازقیە و تەرتووس زیانیان بەرکەوتووە.

 

زۆرێک لە خێزانەکان لە هەژارییدا ئاوارە بوون

بەگوێرەی نوسینگەکە، هەزار و ٧٥٨ چادر زیانیان بەرکەوتووە، لافاو بووەتە هۆی ئاوارەبوونی زۆرێک لە خێزانەکان بۆ شوێنی پشوودانی  کاتی.

 

نوسینگەکە ئاماژەی بەوەشکردووە، هێشتا هەندێک ڕێگای شاخاوییە لە ناوچە بەرزەکانی کەنار دەریاکان داخراون، بەفر و قوڕیش ڕێگرن لە گەیاندنی هاوکارییە مرۆییەکان بۆ کامپەکان.