ناوەندی هەواڵ

 

لە پەیمانگای هونەرە جوانەکانی چەمچەماڵی سەر بە سلێمانی، بە ئامادەبوونی بەرپرسانی پەروەردە و خوێندکاران، چەند چالاکییەکی هونەری بۆ پشتیوانی لە بەرخۆدانی ڕۆژئاوای کوردستان بەڕێوە چوون. 

 

چالاکییەکان بە خولەکێک ڕێزگرتن بۆ گیانی شەهیدانی بەرخودانی ڕۆژئاوای کوردستان و سەرجەم شەهیدانی تێکۆشانی ئازادیی گەلی کورد و بە وتنەوەی سرودی نەتەوەیی "ئەی ڕەقیب" دەستیان پێکرد. 

 

دواتر بەڕێوەبەری پەروەردەی چەمچەماڵ قاسم عەلی و ڕاگری پەیمانگای هونەرە جوانەکانی چەمچەماڵ دارا عەلی، پەردەیان لەسەر پەیکەری "کەزی" لابرد کە درێژییەکەی پێنج مەتر بوو و لەلایەن خوێندکارانەوە دروست کرابوو.  

 

چەند خوێندکارێکی دیکەی پەیمانگاکەش بە خوێندنەوەی هۆنراوە بەشدارییان لە چالاکییەکە کرد.