ناوەندی هەواڵ

 

ناوەندی ڕاگەیاندنی هێزەکانی سووریای دیموکراتیک  "هەسەدە" زانیاری نوێی لەبارەی هێرشی گرووپە چەتەکانی سەر بە حکومەتیی کاتی سووریا و دەوڵەتی تورک لە بەنداوی تشرین بڵاوکردەوە.

 

هەسەدە وتی: هێزەکانمان بە هاوبەشی یەکینەکانی پاراستنی ژنان "یەپەژە"، سێ هێرشی چەتەکانی سەر بە دیمەشقیان لە بەرەی بەنداوی تشرین تێکشکاندووە.

 

سەبارەت بە زیانەکانی چەتەکانیش ئاماژەی بەوەداوە، دوو تانک، زرێپۆشێک و دوو ئۆتۆمبێلی دۆشکەهەڵگر و بلدۆزەرێک تێکشکێندران، پێکدادانەکان ئێستاش بەردەوامن.

 

ئەمە لە کاتێکدایە کە دوو ڕۆژە گرووپە چەتەکان ڕێککەوتنی جێگۆڕکێی هێزەکانی هەسەدەیان پێشێلکردووە، بەهۆیەوە شەڕو پێدادانی سەخت دروست بووە.