ناوەندی هەواڵ

 

شەپۆلی توندوتیژی لە زۆرێک لە ناوچەکانی سووریادا بێ وەستان بەردەوامە، وڵاتەکە شایەتی زیادبوونی بەرچاوی کوشتن و تیرۆر و تەقینەوەکانە، لە کاتێکدا، هاوڵاتیانی مەدەنی لە ژێر قورسایی ئاژاوەی ئاسایشی بەربڵاو و نەبوونی نزیکەی تەواوەتی سەروەری یاسادا دەناڵێنن.

 

ڕوانگەی سووریا بۆ مافەکانی مرۆڤ ڕۆژی ١٩ی تشرینی یەکەم ئاشکرایکرد، کە لە ماوەی ٧٢ کاتژمێردا لە  ٢١ کەس لە ناوچە جۆربەجۆرەکانی سووریا گیانیان لەدەستداوە، هەموو ئەو کوژراوانە لە ژێر بارودۆخی جیاوازدا ڕوویانداوە، لەوانە کوشتنی تۆڵەسەندنەوە، تیرۆرکردن، تەقینەوە و پێکدادانی چەکداری، کە هاوڵاتیانی مەدەنی و کارمەندانی سەربازی لایەنە جیاوازەکانی کۆنترۆڵکەر تێیدا بەشداربوون.

 

ڕاپۆرتەکانی ڕوانگە ئاماژە بە هەڵکشانی مەترسیدار لە خێرای توندوتیژییەکان لە سووریا دەکەن و لە چەند ڕۆژی ڕابردوودا کوشتار لە ناوچە جۆربەجۆرەکانی ئەو وڵاتە ڕوویانداوە، کە ئەمەش ڕەنگدانەوەی بەردەوامی دۆخی ئاژاوەی ئاسایشی و فرەی ئەنجامدەرانی توندوتیژییە، لە نێوان نەبوونی لێپرسینەوە یان خۆپاراستنێکی ڕوون.

 

لە ڕاپۆرتەکەدا، ئاماژە بەوە کراوە، کە لە ١٦ی تشرینی یەکەمدا ١٤ کەس کوژراون، کە حەوت کەسیان کوشتنی تۆڵەسەندنەوە بوون، پێنج کەسیان لە ئەنجامی تەقینەوەی بۆمبی چێندراو و کوشتنێک و قوربانییەکی ئەشکەنجەدان لەناو زیندانێکی حکومەتی کاتی سووریادا، لە ١٧ی تشرینی یەکەمدا دوو کەس کوژران، یەکێکیان لە تاوانێکدا و ئەوی دیکەیان لە کوشتنی تۆڵەسەندنەوە.

 

بەپێی ڕاپۆرتەکە، دوو ڕۆژ لەمەوبەر پێنج کەس کوژراون، کە یەکێکیان بە تەقەی هەڕەمەکی، دوو کەس بە کوشتن و دوو کەسیش بە کوشتنی تۆڵەسەندنەوە.

 

ڕوانگەی سووریا لە ڕاپۆرتەکەیدا، بانگەوازی خۆی بۆ کۆمەڵگەی نێودەوڵەتی نوێکردەوە بۆ ڕێوشوێنی بەپەلە، هەروەها ڕاستەقینە بۆ ڕاگرتنی خوێنڕشتن و پاراستنی هاوڵاتیانی مەدەنی لە سووڕی بەردەوامی توندوتیژی.