ناوەندی هەواڵ

 

هەفتە بازاڕی گەڕۆک لە شاری سلێمانی، هەفتەی چوار ڕۆژ چەترەکانیان لە چوار شوینی جیاواز هەڵدەدەن، ڕۆژانی هەینی لە هەواری شارن، ڕۆژانی دووشەممە، ئازادی ـ عەلوە کۆنەکە، ڕۆژانی پێنج شەممە لە کارێزە وشکن و ئەمڕۆش لە بەردەم باخی شەهیدانی کوردی فەیلی کاڵاکانیان نمایش دەکەن.

 

بەشێکی زۆری بەرهەمەکان لە بابەتی ئێکسسواراتی خانمان، جلوبەرگی کوردی و خواردن پێکهاتبوو، کە زۆرینەیان کاری دەستی ژنان بووە.

هاوڕاز ستار، یەکێک لە ژنانی ناو هەفتە بازاڕەکە و دەڵێت ئەم هەفتە بازاڕە ئەگەر سوودێکی ماددیشی نەبێت، ئەوا هاوکارییان دەکات بۆ ناساندنی بەرهەمەکانیان،  کردنەوەی ئەم بەرهەمانە هاوکارێکی باشە بۆ ژنان تا خۆیان بناسێنن و نیشانی بدەن دەتوانن کاربکەن.

 

ت.پ