مەدینە مامەدئۆغڵو

 

چەولیگ- قەیرانی ئابووری لە تورکیا ڕۆژ بە ڕۆژ خراپتر دەبێت، بە شێوەیەکی نەرێنی کاریگەری نەرێنی لەسەر هەموو بەشەکانی کۆمەڵگا دەکات، بەتایبەتی خەڵکی داهات کەم و خاوەن بزنسی بچووک، هەروەها لە گولیچ، ژنان کە بژێوی ژیانی خۆیان دەستەبەر دەکەن بە کردنەوەی دوکانێک بۆ فرۆشتنی نانی تەندۆر، بەهۆی بەرزی نرخی ئارد و دار ڕووبەڕووی کێشە دەبنەوە.

 

موشەرەف کلچ، کە بۆ ماوەی ١٠ ساڵە بە کارکردن لە نانی تەنوور خەرجی ژیانی دابین دەکات، وتی: بۆ ماوەی پێنج ساڵ لە فرۆشگە جیاوازەکان کارم کردووە و ئێستا پێنج ساڵە لە دوکانەکەی خۆم کار دەکەم، کاتێک ئەم فرۆشگەیەم کردەوە هیچ پاڵپشتییەکم لەلایەن کەسەوە وەرنەگرت، ڕووبەڕووی زۆر کێشە بوومەتەوە، بەڵام سەرەڕای هەموو شتێک توانیم دوکانی خۆم بکەمەوە.

 

"ئەوەی ئێمە لێرە دەستمان دەکەوێت خەرجییەکانمان پڕ ناکاتەوە"

موشەرەف  ڕوونیکردەوە لەگەڵ سێ ژنی دیکە لە دوکانەکەیدا کار دەکات و وتی: ئێمە نان بۆ ئەم ناوچەیە لە تەنوور دروست دەکەین و دەیفرۆشین، کاتژمێر ٧ی بەیانی تا کاتژمێر ٧ی ئێوارە کاردەکەین، واتە ئێمە لە کەش و هەوایەکی گەرمدا لەبەردەم تەنوور کار دەکەین بۆ ماوەی ١٢  کاتژمێر لە ڕۆژێکدا، سەرەڕای هەموو ئەو کارە سەختە، تێچووە بەرزەکە کاریگەری زۆری لەسەر ئێمە کردووە، کار دەکەین، بەڵام هیچ شتێک بەدەست ناهێنین، ئەو داهاتەی دەستمان دەکەوێت خەرجییەکانمان پڕ ناکاتەوە.

 

وتیشی: بەهۆی بەرزبوونەوەی نرخەکانەوە، زۆربەی کات ناتوانین کرێ بدەین، نرخی ئارد و دار هەموو ڕۆژێک بەرز دەبێتەوە، کاتێک نرخەکان بەرز دەبنەوە، ناچارین نرخی نان بەرز بکەینەوە، ئێمە و بەکاربەران هەردووکمان لە دۆخێکی زۆر سەختداین، ئێمە نانێک بە ١٠ لیرە دەفرۆشین کە پێشتر نرخی ٤ لیرەی تورکی بوو، هەرزانترین نان کە هەمانە ٨ لیرەی تورکییە، ئێمە لەم بازرگانییەدا کار دەکەین بەبێ ئەوەی هیچ پاڵپشتییەک لە کەس وەربگرین، لەم حاڵەتەدا ئەو پارەیەی دەستمان دەکەوێت بەس نییە بۆ دابینکردنی خەرجییەکان.

 

"من دوکانەکەم داناخەم و لە ماڵەوە دابنیشم"

ئاماژەی بەوەکرد، ئەوان کاتژمێرێکی زۆر کار دەکەن بەڵام هیچ شتێکیان بەدەستنەهێناوە بۆ هەوڵەکانیان، وتی: چی لەمە خراپتر و ئازاربەخشتر دەبێت؟ پێویستە دەستبەجێ دەستێوەردان لەم بارودۆخەدا بکەن و ئەم زیادبوونە کەم بکەنەوە، جگە لەمەش پێویستە نرخی بەرهەمەکانیش کەم بکرێنەوە.

 

سەرەڕای سەختییەکان، جا بۆ خۆی بێت یان بۆ ئەو ژنانەی لەگەڵیدا کار دەکەن، وتی: هەموو شتێک زۆر سەختە، بەڵام سەرەڕای ئەمە، دوکانەکەم دانادەم و بەبێ کار لە ماڵەوە نامێنمەوە، کۆڵ نادەم و بەردەوام دەبم لە تێکۆشان، بۆچی دوکانەکەم دابخەم؟"  با نرخەکانیان کەم بکەنەوە و چارەسەرێک بدۆزنەوە بۆ ئەم قەیرانە، من لێرەم و شوێنی خۆم بەجێناهێڵم و بەردەوام دەبم لە کارەکانم بەبێ وەستان.