rojane

11:34

Spîde Qilyan bi nameyek vekirî bertek nîşanî erêkirina cezayê darvekirinê ya li ser girtiya siyasî Pexşan Ezîzî, da û got: “Ger îro em dengê xwe bilind nekin, wê sibê çîroka mirina kesek din were vegotin.”

10:44

Cîgira Rêveberiya Perwerdeyê ya Herêma Bakur û Rojhilatê Sûriyê Hadiya Şêx Hesen têkildarî ji aliyê komên cîhadîst ên HTŞ ve guhertina bernameya perwerdê de axivî û got ku dixwazin dîrokê berevajî bikin.

10:22

Hejmara 98’emîn a kovara Jin bi berga ‘Komkujer dê li dijî Şoreşa Jinê têk biçin’ derket pêşberî xwendevanên xwe.

10:21

Ji ber şer û pevçûnên li Xezayê ku zêdeyî salek e didomin, êş û zehmetiyên jinan dijwartir dibin. Bi taybetî di warê avê û qirêjiyên ku dibin sedama belavbûna gelek nexweşiyan, rewşê dijwartir dike.

09:19

Li seranserî herama Bakur û Rojhilatê Sûriyê ji ber êrişa dewleta Tirk û çeteyên girêdayî wê ji Mijdara 2024ˈan heya destpêka 2025ˈan de 92 sîvîl jiyana xwe ji dest dan. 43 jî birîndar bûne û 300 kes hatin revandin.

05:37

Seroka Yekitiya Têkoşîna bi Şîdeta li Hemberî Jin û Zarokan Salima Îshaq, got ku hatiye belgekirin li Sûdanê 556 êrîşên tecawizê ji aliyê Hêzên Piştgiriya Lezgîn ve hatine kirin û diyar kir ku vê rewşê jinan ber bi întiharê ve biriye.

05:21

Beşdarên Konferansa Jinên Ciwan ên Şengalê, biryardariya xwe ya ji bo bihêzkirina rêxistinbûna xwe wiha anîn ziman: “Jinên Êzidî rastî 74 fermanan hatin û niha jî şerekî mezin li ser hemû jinan tê kirin. Em ê li hemberî vê şerî rêxistina xwe mezin bikin.”

05:12

Parêzer Ayşe Şehrîban Demîrel der barê nehiştina anîna cenazeyên rojnameger Cîhan û Bîlgîn Nazim Daştan de axivî û got: “Mafe malbatan ê definkirin û girtina şînê hat binpêkirin. Ev biryar siyasî ye û ji derveyî hiqûqê ye.”

05:08

Rêvebera Desteya Jinê ya Kantona Cizîrê ya Bakur û Rojhilatê Sûriyê Rohat Xelîl got: “Pergala Rêveberiya Xweser a bi hemû pêkhate, komîn, meclîs û pêşengiya jinan bi rêve diçe ji bo jinan û tevahiya Rojhilata Navin ya herî guncav e.”

05:00

Endamên Navenda Stêra Zêrîn a Wargeha Mexmûrê, biryara girtina sazî û rêxistinên jinan ên li Başûrê Kurdistanê şermezar kirin û wiha gotin: “Divê em tu car dev ji berxwedan û têkoşîna xwe bernedin û bi nasname, çand û hunera xwe li dijî êrişan têbikoşîn.”

21:34

Dewleta Tirk li gundê Mesreb ê bajarê Sirînê maleke sivîlan bombebaran kir û komkujiyek pêk anî. Di encamê de 2 jê zarok 3 kesên ji heman malbatê hatin qetilkirin û 5 kes jî birîndar bûn.

20:13

Li Wargeha Penaberan a Mexmûrê, bi mijara pergala hevserokatiyê komxebatek hate li dar xistin. Di komxebatê de ji bo xurtkirina pergala hevserokatiyê riyên çareseriyê hatin nîqaşkirin.

15:30

Birayê girtiya siyasî ya kurd Pexşan Ezîzî, Aso Ezîzî da zanîn ku ji bo bicihanîna cezayê darvekirinê yê Pexşan Ezîzî dosye ji bo daîreya înfazê ya ceza re hatiye şandin û saziyên ewlehiyê zextan li ser dadwer dikin da ku biryar were erêkirin.

15:19

Cenazeyên rojnameger Cîhan Bîlgîn û Nazin Daştan ku li Bakur û Rojhilatê Sûriye ji aliyê dewleta Tirk ve hatin qetilkirin, li Qamişlo spartin axê.

14:56

Bi hezaran kes beşdarî meşa li dijî komkujiyên Parîsê bûn. Meşa Kurdistaniyê û dostên wan a ku ber bi Qada Republique ve destpê kir banga divê dewleta Fransayê ji kujeran hesab bipirse hat kirin.

14:55

Meclisa Kongra Star bi daxuyaniyekê dagihand ku endama Rêveberiya Kongra Star Şehnaz Emer di êrişa dewleta Tirk jiyana xwe ji dest daye. Kongra Star got: “Armanc û xeyalê Şehnaz em ê di tekoşîna xwe de bidin jiyîn.”

14:10

Dayikên Şemiyê di çalakiya xwe ya hefteya 1033’an de, carekî din ji bo 11 kesên ku li Basan hatin qetilkirin banga edaletê kirin.

14:09

Hate hînbûn ku rojnamegerên di roja rojnamegeran de sirgûnî Girtîgeha Marmarayê hatin kirin di hucreyan de tên ragirtin.

13:53

Dewleta Tirk û çeteyên wî li gundê Bîr Hiso yê nêzî Pira Qereqozaqê malek topbaran kir. Di encama topbaranê de du zarok birîndar bûn.

13:36

Rewşenbîr û nivîskarên jin ên ji Reqayê diyar kirin ku girîng e jin têkoşîna xwe bidomînin û hişmendî û çanda xwe bilind bikin heta ku bigihêjin armancên xwe yên azadî, dadmendî û wekheviyê da ku di siberoja Sûriya nû de bi bandor bin.