rojane

19:46

Welatiyên ku gihiştin bendava Tişrînê bang li Koalîsyona Navneteweyî kirin ku berpirsyariya xwe bi cih bîne û êrîşan rawestîne.

18:59

Tevgera Jinên Kurd a Ewropayê (TJK-E) bertek nîşanî êrîşên dewleta Tirk a ên li dijî gelê ku li Bakur û Rojhilatê Sûriyeyê li dijî êrîşa li ser Bendava Tişrînê bi rê ketin da û got: Ev êrîş bi taybet li dijî destkeftiyên şoreşa jinê ye.”

17:55

TAJÊ Sakîne Cansiz, Fîdan Dogan û Leyla Şaylemez ku di 9’ê Çileya 2013’an de li Navenda Enformasyona Kurdistanê ya Parîsê ji aliyê îstîxbarata dewleta Tirk ve hatin qetilkirin bibîranî.

16:43

Dadgeha Bilind a Îranê cezayê darvekirinê ya ku li Pexşan Ezîzî hatibû birîn erê kir. Parêzerê Pexlan Ezîzî diyarkir ku belgeyên pêşkêş kiribûn, ji aliyê dadgehê ve hat redkirin.

16:12

Bi hezaran kesên ku ji bo xwedî derketina li ax, av û şervanên QSD û YPJ xwe ber bi Tişrînê ve birê ketin, ruxmê êrişên dewleta Tirk û birîndariyên çêbûn jî bi coşekê mezin gihiştin bendavê.

15:15

Dewleta Tirk êrişî girseya ku berê xwe da Bendava Tişrînê kir. Li gor agahiyan birîndar hene.

14:47

Rojnamevana Îtalî Cecilia Sala ya di 19’ê Kanûna 2024’an de ji aliyê Îranê ve hatibû girtin, hat berdan.

13:52

Bi hezaran kesên ji Tebqa, Reqa û Kantona Cizîrê bi rê ketin, ji bo protestokirina êrişên dewleta tirk û çeteyên wî ber bi Bendava Tişrînê ve bi rê ketin.

13:26

MKG û DFG ji bo cenazeyên rojnamegerên hatin qetilkirin bigrin, ji bo desteka bi malbat û heyata li ser Deriyê Sînor ê Xabûr tên rawestandin re bi etîketa “#OpenHaburBorderGate” li ser medyaya dijîtal kampanya da destpê kirin.

12:55

Berpirsa Saziya Têkoşîna Li Hember Tundiya Li Ser Jin û Zarokan û çalakger Salima Ishaq Mohamed Al-Khalifa da zanîn ku li Sûdanê ji destpêka pevçûnan heta niha ji 550'yî zêdetir jin rastî destdirêjiya Hêzên Piştgiriya Lezgîn (RSF) hatine.

12:27

Heyeta ku dê cenazeyên rojnameger Cîhan Bîlgîn û Nazîm Daştan bigire 2 roj in li Deriyê Sînor ê Xabûrê li bendê ye. Heyetê got: “Me got ger zêdetir bi israr bin, em ê çalakiya rûniştinê li dar bixin."

11:52

Girtiyên jin ên li Girtîgeha Bakirkoyê li dijî lêgerîna tazî û rakirina pêlavan derneketin hevdîtinê.

11:21

TJA’yê, nêzîkatiyên hinek saziyên çapemeniyê li hemberî Rêberê Gelê Kurd Abdullah Ocalan rexne kir û da zanîn ku divê li dijî zimanê nefretê, gotinên aştî, azadî û wekheviyê werin bihêzkirin.

09:26

Di êrîşên Îsraîlê yên li ser başûrê Zîvala Xezayê de, herî kêm 13 kesên ku 7 ji wan zarok bûn jiyana xwe ji dest dan û bi dehan kes jî birîndar bûn.

08:45

Jinên kantona Kobanê ji bo seferberiya ku ji hêla Rêveberiya Xweser ve hatiye ragihandin karûbarên xwe dimeşînin. Jinên Kobanê yên bi amadekirina xwarinan piştgiriyê didin şervanan dibêjin: “Kes nikare vîn û îradeya me bişkîne.”

08:26

Hevseroka Rêveberiya Xweseriya Demokratîk a Şengalê Cîhan Celo û Berdevka TAJÊ Rîham Heco bal kişandin ser kiryarên dewleta Tirk ên li Şehba û Efrînê û gotin: “Dewleta tirk senaryoya fermana Şengalê li Efrîn û Şehbayê dubare dike.”

07:37

Parêzgeha Laxman a Efganistanê tevî hemû zoriyên rêveberiya Talîbanê, şahidiyê ji têkoşîna jinên bi cesaret ên ji bo mafê xwe yê perwerdê û azadiyê têdikoşin dike. Mamoste Marzieh Tarik dibêje: “Azadî mafê me ye, em ê têbikoşin.”

05:35

Çalakvan Lîna Şeref bal kişand êrişên Îsraîlê yê li ser Xezayê û got: “Îsraîl ji hilweşanîna sîstema tendirustiyê ya Zîvala Xezayê berpisiyar e. Li ser sivîlên bêparastin di nava bêdengiyek navnetewî de her roj sînor tên danîn.”

05:20

Rojnamegerên ku di televîzyona Ronahî de dixebitin, biryara girtina saziyên Kurd li Herêma Federal a Kurdistanê rexne kirin û gotin: “Em ê tu carî dest ji lêgerîna heqîqetê û ragihandina deng û gotinên bi hêvî yên jinên Başûr bernedin.”

05:15

Berdevka TJK-E Ayten Kaplan diyar kir ku mîrateya Sakîne Cansiz ji Tevgera Jinan a Kurd re hiştiye dê bi serkeftinê tacîdar bikin û got: “Sakîne Cansiz sembola azadiyê ye.”