rojane

07:14

Endama Koordînasyona YRJ’ê Yara Mihemed û Nûçegîhana Rojnemeya Ronahî Viyan Egîd dan zanîn ku rêveberiya demkî û çeteyên dewleta Tirk bi riya şerê taybet wê nikaribin dengê rastiyê qut bikin û gotin “Pêwîst e ragihandin destê xwe deyne ser birînên gelan.”

07:08

Jinên ji bajarê Qamişloyê nerazîbûna xwe li dijî dorpêçkirina li ser bajarê Kobanê nîşan dan û gotin ku Kobanê sembola berxwedana neteweyî ye, ew ê heta dawî piştgiriyê bidin Kobanê.

17:27

Li peravên Yewnanistanê ya Deryaya Ege, di encama bin avbûna keştiya koçberan de zarokek û jinekê jiyana xwe ji dest dan.

17:15

li Taxa Xerbî ya bajarê Qamişlo, li ser bingeha şerê gelê şoreşgerî Tabûrek ji ciwanên Taxê hat avakirin.

15:50

Çavdêriya Sûriyeyê ya Mafên Mirovan (SOHR) hişyarî da ku li Kobanî ji ber dorpêça dijwar a çeteyên HTŞ û şert û mercên dijwar ên zivistanê qeyrana mirovî girantir bûye û daxwaza mudaxeleya mirovî ya lezgîn kir.

15:26

Yekîtiya Ragihandina Azad balkişand ser dorpêça li ser Kobanê û birîna înternetê û wiha got: “Werin em hemû bibin çapemeniya Kobanê, em bi hev re eniya ragihandina azad ava bikin ku heqîqetê û mafê gelan ê jiyanê biparêze, sûc û tawanan eşkera bike.”

15:22

Li Suweydayê jineke 58 salî bi gulebaranê hat qetilkirin. Her wiha di teqîna bombeyek li herêma Sîna ya Suweydayê de 2 zarok hatin qetilkirin û 6 kes jî birîndar bûn.

15:11

Rêveberiya Xweser a Demokratîk a Kantona Firatê, bang li Kurdên li hemû beşên Kurdistanê û yên li dîasporayê kir ku li kêleka berxwedana gelê Rojava bisekinin û bang li civaka navneteweyî û rêxistinên navnetewî kir ku destwerdanê bikin.

14:51

Meclîsa Parastina Mafên Zarokan a Kantona Cizîrê, diyar kir ku domandina dorpêçkirina Kobanê ya di şert û mercên hewayê yên dijwar de, zarokan dike xetereyek mezin û bang li civaka navneteweyî kir ku pêşî mirinên zarokan bigirin.

14:34

OHD’ê ji bo Rojava cara duyem bang li NY’ê û Saziyên Navneteweyî kir û got: “Kurd û hemû gelên li Rojava dijîn bi xetera tunebûnê re rûbirû ne. Bila êrîş tavilê bên sekinandin.”

14:30

Di xwepêşandanên berfireh ên li seranserê Îranê de, mudaxeleyên hêzên ewlehiyê didomin. Di xwepêşadanan de qutbûna înternetê, binçavkirinên girseyî û darvekirin didome mirov hewl didim xizmên xwe li stadyuman teşxîs bikin.

14:16

Bi milyonan jin tevlî kampanyeya hûnandina keziyan bûn û porê xwe kirin kezî. Li Kocaeliyê jineke hemşîre y ku tevlî kampanyaya hûnandina keziyan bû, Wezareta Tenduristiyê der barê wê de lêpirsîn da destpêkirin.

13:51

Girtiya siyasî ya berê û aktivîsta mafên mirovan Nasrîn Sotudeh, mudaxeleya li dijî xwepêşandanên Îranê şiband Elmanyaya dema Naziyan, Yugoslavyaya berê û Afrîkaya Başûr destnîşan kir ku divê sûcdar werin cezakirin.

13:47

Komîserê Giştî yê UNRWA’yê, destnîşan kir astengkirina ketina rojnamevanan a Xezayê kampanyayên dezenformasyonê xurt dike. Her wiha diyar kir ku Xeza êdî ji bo rojnamevan û xebatkarên alîkariya mirovî bûye cihê herî xeternak ê cîhanê.

13:04

Di çarçoveya çalakiyên ji bo piştevaniya ji bo Rojavayê Kurdistanê de, waneya yekem a xwendekaran ji bo berxwedana li Rojava hat veqetandin.

12:06

Li Yemenê di warê mafên mirovan de, binpêkirinên mafên mirovan zêde dibin. Ji ber tunebûna dewletê û pevçûnên çekdar, sûcên li dijî jinan zêde dibin. Hûsî rojnameger û aktivîstan digrin, kes nizane aqubeta wan çi ye.

11:29

Fatemeh Erdeşîr Larijanî ku keça Alî Larijanî ye û li Zanîngeha Emory hîndekar e, li ser daxwaza Îraniyan ji zanîngehê hat avêtin.

09:43

Hejmara 152'emîn a Kovara Jin bi berga ‘Ne esasgirtina dewletê esasgirtina civkê’ hat weşandin.

09:37

Kobanê ne tenê bajarekî dorpêçkirî bû; di heman demê de sembola îradeya jinên Kurd bû. Jinan keziyênporê xwe veguherandin alên berxwedanê; li dijî zilmê, van keziyan şahidiya rûmet û têkçûna tarîtiyê kirin.

09:03

Jinên Koye li dijî birîna keziya şervaneke jin ji aliyê çeteyên HTŞ’ê ve, bertek nîşan dan û gotin: “Ger keziyek were birîn, em ê bi hezaran bihûnin”.