rojane

13:44

SOHR ragihand ku di pevçûnên di navbera eşîrên bedewî û şervanên xwecihî de li bajarokê Suweyda yê Sûriyeyê ku niştecihên wê Durzî ne, 37 kes hatine kuştin.

13:05

Rêxistina Save the Children diyar kir ku di nav 6 mehên destpêkê yên vê salê de li Yemenê mayîn û teqemeniyên bermayiyên şer 107 sivîl kuştin û birîndar kirin, ji nav wan 40 zarok in.

12:56

Di nava civaka pergala mêrsalar de, hevberdan ji bo jinan deriyê redkirina, biçûkxistin û zextên civakê diveke. Jin dibin hedefa her cûrê êrîşên wek tacîz û tecawîzan, li dijî vê rêyên têkoşînê pêşdixin.

12:40

Parêzer Aştî Mihemed diyar kir ku jin piştî hevberdanê bi gelek astengiyan re rû bi rû û got: “Civak bi çavek kêm temaşeyî jinên ku hevjînê xwe berdane dike.”

11:05

Hevseroka Meclisa Gelan a Demokratîk a Bakur û Rojhilatê Sûriyeyê Sîham Qeryo girîngiya Hevpeymana Civakî anî ziman û got: "Ew mafên jinan wek prensîbeke bingehîn diyar dike û azadiya wan îfade dike."

10:11

Rojnamevan Hîlal Seven a ji Londonê beşdarî merasîma dîrokî ya li Silêmaniyê bû, diyar kir ku tevgera Kurd gavên jidil davêje û got: "Gelo dewlet dê gavên çawa bavêje? Bêguman em hemû bi meraq li bendê ne.”

08:53

Mala Jin li gundewaran Zagona Malbatê bi jinan dide nasîn. Rêvebera Mala Jin Sediya Îdo da zanîn ku wan kampanyaya danesîna zagona malbatê daye destpêkirin û weke pêwistiyeke pêvajoyê bi nav kir.

08:28

Li wargeha penaberan a Mexmûrê di bin sîwana Akademiya Şehîd Jiyan de jin tên perwerdekirin û ji bo wan derfetên xweîfadekirinê tên avakirin. Jin li ser manîfestoya ‘Aştî û Civaka Demokratîk’ û bîrdoziya rizgariya jinan xwe perwerde dikin.

08:03

Hevseroka OHD’a Amedê Zeyneb Karayilan, li ser pêvajoyê û merasîma şewitandina çekan a PKK’ê nirxandin kir û got: “Ji bo avakirina civaka demokratîk û aştiya mayînde divê hemû guherînên hiqûqî werin kirin.”

19:36

Li Zîvala Xezayê di encama êrîşên artêşa Îsraîlê de di 24 saetên dawî de herî kêm 139 Fîlîstînî jiyana xwe ji dest dan û bi giştî hejmara kesên jiyana xwe ji dest dan bû 58 hezar 26.

19:33

EŞÎK’ê, di daxuyaniya xwe de bertek nîşanî guherîna betlaneya heftane da û destnîşan kir ku wê herî zêde kedkarên jin ji vê guherînê bandor bibin.

14:58

Zohreh Sarv ku ji ber redkirina ferzkirina hîcabê cezayê hucreya yekkesî lê hatibû birîn û dest bi greva birçîbûnê kiribû. Piştî nerazîbûna raya giştî, rêveberiya girtîgehê paşve gav avêt. Zohreh Sarv dîsa hate veguhestin qawişa giştî.

14:51

Di êrîşa Îsraîlê li dijî navendên belavkirina alîkariyê yên li Xezayê de 805 Filistînî hatin qetilkirin.

14:29

Beşdarên panêla "Rola Jinên Cezayir di Serhildana Rizgariyê ya Rûmetdar de” tekez kirin ku serxwebûna Cezayir ne dawiya têkoşînê bû, ew destpêkek nû bû.

13:41

Meclisa Edaleta Civakî ya Jin a Kantona Cizîrê piştgirî da banga Rêber Abdullah Ocalan û got “Xwestina aştiyê wêrekiyeke mezin û erkeke dîrokî ye.”

13:27

Beşdarvanên panela jinan diyarkirin ku têgîna bihêzkirina jinan dem bi dem di navbera wekhevî û edaletê de xelet tê analîzkirin û ev rewş rê li ber wê yekê vedike ku jin ji her qadê civakê werin dûrxistin.

13:10

Kongra Star a taxa Giwêran ya Hesekê qetilkirina Rewa Yasir Ebûd bi daxuyaniyekê şermezar kir û banga darzandina kujerê wê kirin.

11:49

Hate ragihandin ku di encama êrîşên Îsraîlê yê li ser kampên ku mirovên koçberbûyî lê bûn de jin û zarok jî di nav de herî kêm 27 Fîlîstînî jiyana xwe ji dest dane.

11:25

Jinên rojnamevan ên Helebceyê hewldana ji bo parastina ji êrîşên zayendî, gef û zextan girîng dibînin û dibêjin: “Divê zagonên ku jinên rojnamevan biparêzin hebin da ku bikaribin di erk û mafan de wekhev bin.”

10:54

Hejmara dawî ya Kovara Jin, bi berga “Jin tên kuştin edaleta mêr bêdeng e” derket pêşberî xwendevanên xwe.