rojane

10:00

Ji Înîsiyatîfa Yekîtiya Demokratîk Nevîn Daşdemîr Dagkiran diyar kir ku yekîtiya neteweyî ya Kurd di pêvajoya aştiyê de pir girîng e û got, "Di vê wateyê de parçebûn hene ku Kurdan paşve dixin. Feydeya vê yekê ji bo me di pêşerojê de windahî ye."

09:40

Wêje û lêkolînên zayendî li şûna raporên hiqûqî dibin qadeke mirovî, ew lêçûna rastîn a şeran, koçberiyê û şahidiyên jin û zarokan ji hejmarên tazî vediguherînin tawanbarkirinên eşkere.

09:10

Li Başûrê Kurdistanê hêj di navbera partiyên siyasî de aştî nehatiye mîsogerkirin. Jin jî ji ber ku di mekanîzmayên biryargirtinê de cih nagirin û girêdayî biryarên rêveberên mêr in, nikarin di pêvajoya aştiyê de rolek bibandor bilîzin.

08:15

Endama Koordînasyona Kongra Star Jiyan Hisên bi bîr xist ku Kongra Star a 21 sal berê hat avakirin, ji bo jinan bûye sîwan û ragihand ku dixwazin bi konferansên nûbûnê, ji pêvajoya heyî re bibin bersiv.

08:02

Berdevka YPJ’ê Rûksen Mihemed statû, nasnameya fermî û pêşeroja YPJ’ê nirxand, diyar kir ku derengxistina naskirina fermî ya YPJ’ê paşguhkirina mafên jinan e û bang li hikûmeta demkî ya Sûriyeyê kir ku statû û mafên jinan misoger bike.

22:25

Helbestvan û romannivîsa Kurd Yıldız Çakar, helbasta xwe ya bivanê "Mohra Reş" di Festîvala Helbesta Femînîst a Julia Vive ya li DYA'yê de xelata "Nîşana Navneteweyî ya Taybet" wergirt.

18:36

Xwepêşandanê li Fransayê berdewam dikin. Tevî ku hikûmet qedexeya xwe ya li ser xwepêşandanan li navendên bajaran didomîne jî, xwepêşander daxwazên xwe tînin ziman.

15:34

Dayîkên Şemiyê di hefteya hezar û 128’an a çalakiya xwe de li aqûbeta Alî Tekdag ê ku di 13’ê Mijdara sala 1993’yan de hatibû binçavkirin û windakirin, pirsîn.

13:46

Bi hezaran xwendekar li Îranê, di bin çavdêriya Pasdarên Şoreşê de birin qadên şer ên berê. Parêzvanên mafan diyar dikin ku ev kamp ku tê de propagandayên leşkerî û îdeolojîk tên kirin, Peymana Neteweyên Yekbûyî ya li ser Mafên Zarokan binpêdike.

13:41

Guherîna avhewayê li Efganistanê krîza koçberiyê kûrtir dike û çavkaniyên jiyanê wêran dike. Di vê çarçoveyê de, Neteweyên Yekbûyî ji xirabûna binesaziya bajaran û kêmbûna alîkariyê ya navneteweyî ya ji bo piştgiriya kesên zirar dîtî, hişyarî dide.

13:05

Jinek li bajarokê Kelarê yê nêzîkî Silêmaniyê li başûrê Kurdistanê di şert û mercên gumanbar de jiyana xwe ji dest da.

11:44

Di encama êrîşa ku ji aliyê yekîneyên leşkerî ve li xala kontrolê ya Mehrezê li hember malbatek Belûc pêk hat de bav hat kuştin, hevjîn û du keçên wî yên 10 salî jî bi giranî birîndar bûn.

10:15

Li Yemenê ji Tebaxa borî ve, nêzî 313 hezar kesan ji ber şer koç kiriye. Li gorî daneyên Ofîsa Koordînasyona Karên Mirovî ya Neteweyên Yekbûyî (OCHA), bajarê Taîzê rêjeya herî mezin a koçberan tomar kiriye.

08:49

Rojnamevan Viyan Kemal, diyar kir ku çareseriya parastina zarokan ji bandorên neyînî yên teknolojiyê ne dûrxistina wan a ji cîhazên elektronîk, hevsengiya di navbera perwerde, çavdêrî û bikaranîna teknolojiyê ye.

08:25

Şaredariya Rêya Armûşê ya Wanê ku ji bo jinan çalakiyên werzîşê, hişyarkirina li ser penceşêrê, baxçeyên bajarî û piştgiriya psîkolojîk pêk tîne, armanc dike ku navendên werzîşê li taxên nû veke û kontrolkirina penceşêrê berfireh bike.

20:20

Li ser çalakiya nobetê ya li wargeha penaberan a Mexmûrê ku ji bo azadiya fîzîkî ya Rêberê Gelê Kurd Abdullah Ocalan hatibû destpê kirin, hezar û 206 roj derbas bûn. Koma nû ya 230’an nobet dewirgirt.

19:52

Li gorî Rapora Kuştinên Jinan a KCDP’ê ya Cotmeha 2026’an, li Tirkiyeyê herî kêm 20 jin hatine kuştin û 39 jin jî di şert û mercên gumanbar de mirine. Ji sedî 45’ê jinan li malên xwe hatine kuştin.

18:57

Du ajansên Neteweyên Yekbûyî hişyarî dan ku dabînkirina alîkariya awarte li Sûdanê kêm dibe û kêmbûyîneke giran a darayî mîlyonan mirovan bê war dihêle.

15:10

MKG'ê, rapora xwe ya binpêkirina mafên jinên rojnameger a di Cotmehê de weşand, ragihand ku darizandina rojnamegeran Cotmehê jî dewam kiriye û 9 jinên rojnameger hê jî di girtîgehê de ne.

14:50

Tora Azadiya Jinên Efganî, ragihand ku îro bi beşdariya komek jinan a di çarçoveya çalakiyên perwerde, hişyarî, piştgirî û protestoyê yên torê de civînek bi sernavê ‘Jinên Efgan: Dengê hêviyê yê di nava zehmetiyan de’ li dar xist.