rojane

13:22

Aktîvîsta avhewayê ya Swêdî Greta Thunberg ku ji bo COP31’ê li Antalyayê bû, lûtkeyên avhewayê yên NY’ê rexne kir û got ku konferans di avêtina gavên berbiçav ji bo pêşîgirtina krîza avhewayê de bi ser neketine.

12:24

Di encama êrîşên zêde yên dronan de, nêzî 270 zarok hatine kuştin û birîndarkirin. Ev êrîş ewlehî, perwerde û gihîştina avê, ji niştecîhan distînin. Di heman demê de, hişyarî li ser firehbûna qada pevçûnê û zehmetiya gihandina alîkariyên mirovî, tê kirin.

11:08

Navenda Jineolojî çalakiyên roja duyemîn a atolyeya nivîsandina zagonî bi dawî kir. Di çalakiyê de rêyên bilindkirina hişmendiya destûrî û beşdariya siyasî ya jinan hatin nîqaşkirin.

10:55

Kiryarên Talîbanê û astengkirina beşdarbûna jinên karsaz ji bo pêşangeha Kabulê didomin. Ji bilî afirandina qadeke leşkerî, careke din hate dîtin ku li Efganistanê mafên jinan çiqas tên binpêkirin û jin çawa bi awayekî sîstematîk rastî zextan tên.

09:50

Keştiyek ku 13 penaberên Kurd dibir Yewnanistanê, di Çemê Merîça li Edîrneyê de binav bû. 2 zarok winda ne.

08:45

Ozden Unal, xelkê herêma Deryaya Reş e, projeyên biratiyê gelan di navber gelê Kurd û Tirk de û anîna ba hev a civakê û got ku ew ê bi şikandina pêşdaraziyan jiyana nû ava bikin.

08:00

Dîwarên sînor ên di navbera Rojava û Bakurê Kurdistanê de bi salan e rê li ber gihîştina malbat û xizman digrin. Hilat Çelîk û Xada Mihyedîn dixwazin sînor bên rakirin, deriyên sînor bên vekirin û bi awayekî azad çûnhatin çêbibe.

20:37

Di êrîşên Îsraîlê yên li ser deverên cuda yên Zîvala Xezayê de, zarokek jî di nav de 4 Filistinî hatin kuştin.

20:10

Li Bakurê Darfûrê, 571 malbatên koçber ên ji ber kêmbûna xurek û xizmetên tenduristiyê bi şert û mercên mirovî yên giran re rûbirû ne. Koordînasyonê, ji bo alîkariya zarok û jinan banga alîkariya lezgîn kir.

18:07

Li gorî daneyên Navenda Îstatîstîkê ya Îranê, cudahiya di navbera beşdariya jin û mêran a di hêza kar de hêj kûr e û di 5 salên dawî de di rêjeya beşdariya aborî ya jinan de tu guhertinek girîng çênebûye.

17:30

Li gorî rapora Budceya Karbonê ya Cîhanî, tê payîn ku di sala 2026’an de belavbûna karbonê ya ji sotemeniyên fosîl ji sedî 0,4 kêm bibe. Lêkolîner, dibêjin ku çareseriya mayînde derbasbûna enerjiya paqij e.

17:07

Rêxistina Sara, bi boneya 25’ê Mijdarê daxuyaniyek weşand û xwest ku li dijî kuştina jinan, destdirêjiya zayendî û tundiya navmalbatê, garantiyên qanûnî bên xurtkirin, sûcdar bên darizandin û gihîştina jinan a edaletê bê misoger kirin.

15:50

Rêxistina Çavdêriya Mafên Mirovan, ji Hûsiyan daxwaz kir ku dorpeça 11 sal li ser Taîzê didome rake û riyên bingehîn ên ku çûnhatina sivîlan û sewqiyeta xurek û dermanan mîsoger dike veke.

15:25

Komeleya Mafên Mirovan (ÎHD), ji bo Pêvajoya Aştî û Civaka Demokratîk bigihîje qonaxeke aştiya mayînde, 5 gavên ku divê bên avêtin ragihand.

15:00

UNRWA ragihand ku ji ber baranên li Xezayê zêdetirî du hezar malbatên koçber ên li kon û stargehan de zirar dîtin.

14:50

Civîna navnetewî bi navê ‘Jin ji bo Azadî û Ewlehiyê’ bi beşdariya çalakvanên Îran û Efgan li Parlamentoya Elmanyayê hat lidarxistin. Di civînê de behsa zordestiya li ser jinan, berxwedana li dijî rejîmên otorîter û mafên jinan hat kirin.

12:58

Kampanyaya ‘Sêşema ji darvekirinan re na’ grevên birçîbûnê yên heftane li 66 girtîgehên Îranê didomîne. Kampanyayê bi gotinên; “Makîneya darazê kuştinê didomîne” diyar kir ku di mehek de ji 40’î zêdetir mirov hatine darvekirin.

12:35

Bermahiyên şer û yên neteqiyayî jiyana zarokan li Efganistanê dixin metirsiyê û dibin sedema mirin û astengdariya wan.

12:00

Golparêza berê ya tîma neteweyî ya futbolê ya jinan a Efganistanê Elaheh Safdarî bi merasîmek ku serokwezîra berê ya Brîtanyayê Theresa May beşdar bûyî de, li ser navê jinên Efganistanê xelat girt.

11:35

Li dijî biryara hikûmeta demkî ya derbarê zimanê Kurdî de, xwendekarên Qamişlo meşeke nerazîbûnê lidarxistin û daxwaza parastina mafê xwe yê perwerdehiya bi zimanê dayikê kirin.