rojane

09:29

Parêzer û parlementera berê ya Iraqê Rêzan Şêx Dilêr dibêje: “Emê ji bo lêkolîna sedemê şehîdbûna Xezal Mewlan, lijneyek zagonî ava bikin û em ê wek parêzer mafê Xezal Mewlan bi dest bixin.”

08:40

Peyman Mihemed ku yekem rêvebera jin a li Hacîava ya Silêmaniyê ye, diyar kir ku guh nade pirsgirêk û astengiyan û got ku dixwaze ku jin ji odeyên girtî derkevin û xwe bi xwendinê nîşan bidin.

07:41

Hevseroka KURDÎGEH’ê Arîfe Aslan der heqê zimanê Kurdî de axivî û got: “Pêwîst e zimanê Kurdî bibe zimanê perwerdeyê. Kurdî nasnameya gelê Kurd e ger zimanê Kurdî tune were hesibandin wê pêvajo nemeşe. Kurdî rastiya vî gelî ye.”

07:00

Jinên ji bajarê Kobanê li dijî feraseta hikûmeta demkî ya Sûriyeyê ya li hember jinan, helwesta xwe nîşan dan. Jinan bi biryardarî anîn ziman ku çarçoveya ji bo jinên Sûriyeyê tê amedekirin, nûnertiya wan nake.

18:34

Di lêpirsîna Gülistan Doku de pêşketinek nû hate jiyîn. Mustafa Turkay Sonel, kurê Tuncay Sonel, walîyê berê yê Dêrsîmê, ku di çarçoveya lêpirsînê de hatibû binçavkirin, hate girtin.

15:43

Meclîsa Jin a Partiya Yekitiya Demokratîk (PYD) û Kongra Star têkildarî pêşmergeya birîndar Xezal Mewlanî ku hinek nexweşxaneyên taybet ew negirtin û jiyana xwe ji dest da daxuyanî da.

14:57

Tevî pêvajoya agirbestê, daneyên ji qadê û raporên mafê mirovan tên, nîşan dide ku li Îranê polîtîkayên zextê kêm nebûne, berûvajî binçavkirin, îtirafa bi zorê, tecrîd û biryarên darvekirinê berfireh bûye.

14:30

Konferansa Jinan a Rêveberiyên Xwecihî hate li darxistin. Di konferansê de peyama; “Li dijî qatilê qastîk, emê pergala azadiya jinê bi hevre bi hûnin.” hate dayîn.

14:22

Di sewqên ji nişka ve li girtîhên Îranê tê pêkanîn de, têkiliya girtiyan bi malbatên wan re hate qutkirin. Li gorî raporên mafên mirovan ev pêkanîn, xeteriya tecrîd, sirgûna bi zorê, zexta sîstematîk û binpêkirinên mafan hildigre.

14:10

Di dîroka Xaneqînê de ev cara yekem e ku sê jinên Kurd ên parêzer û yasanasên niştecihên bajarê Xaneqînê ne, peywira dadweriyê bi dest xistin.

13:12

Jinên ku ji bo meşa Gemlîkê bi rojan e amadakariyan dikirin ji Amedê ber bi Gemlikê ve bi rê ketin.

11:38

Navenda Rojhilata Navîn a Lêkolînên Jîneolojiyê çapkirina hejmara yekem a kovara "Vîzyona Jinan" li Qahîreya Misrê ragihand. Ev kovar weke yekem kovara akademîk, çandî û siyasî tê hesibandin.

09:56

Li Tertûsê endamekî Wezareta Parastinê ya hikumeta demkî bi wesayîda xwe pê li xwandekara bi navê Hedîl Mihemed a 18 salî kir. Xwandekar li cihê bûyerê jiyana xwe ji dest da.

09:52

Di hembêza xwezayê û di bin siya daran de, komek jin ne tenê ji bo meşê, di heman demê de ji bo ji nû ve kifşkirina nasname û aramiya xwe ya hundurîn, ku pir caran di nav tevliheviyên jiyanê û karên malê de winda dibin, hatin cem hev.

09:35

Komîsyonên Edaletê yên Gulistan Doku, planeke çalakiya lezgîn ragihandin û bang li hemû jinan kirin ku ji bo edaletê derkevin kolanan. Şevîn Ozden, daxwaza lêpirsîneke bi bandor ji bo doza Gulistan Doku kir.

09:19

Ji ber sînordarkirin û zextên Talîbanê hejmara jinan di qada medyayê de her diçe kêmtir dibe. Ji ber gefên Talîbanê wekî gelek qadan, di xebatên medyayê de jî jin di xeterê de ne û pêşeroja wan di bin metirsiyê de ye.

07:26

Jinên Kurd ên misilman ku ji çar aliyê Kurdistan, Tirkiye û Ewropayê beşdarî pîrozbahiya Çarşema Sor a li Gundê Kîwexa Hezexê bûn, diyar kirin ku dixwazin li ser axa xwe, pîrozbahiyên xwe bi awayek azad pêk bînin.

19:32

Wezareta Tenduristiyê ya Lubnanê ragihand ku ji destpêka şerê Îsraîlê û Hizbullahê heta dema ragihandina agirbestê nêzî 2 hezar û 300 kes li Lubnanê hatine kuştin.

18:52

Rejîma Îranê Kampa Alan ya ser bi Balîsan bombebaran kir û di encamê de 2 jinên pêşmerge bi navê Neda Mîrî û Semîra Elayarî yên PDK-Î jiyana xwe ji dest dan.

17:56

Berdevka Jinan ya NYˊyê Sophia Kaltroup, ragihand ku li Şerîda Xezayê zêdetirî 38 hezar jin di nava du salan de hatine qetilkirin.