rojane

19:02

Cîhadîstên Heyet Tehrîr El-Şam (HTŞ), bi piştgiriya Tirkiyeyê bi çekên giran Bendava Tişrînê bombebaran dike.

19:01

Hejmara kesên ku di xwepêşandanan de tên qetilkirin roj bi roj zêde dibe Li gorî hinek dezgehên medyayê yên bi zimanê Farisî, 3 hezar û 500 kes û li gorî hinek dezgehên din jî hejmara kesên jiyana xwe ji dest dane di navbera 7 hezar û 12 hezar de ye.

18:43

Pitikê 8 mehî Mihemed Ebdurehman Berekat ê ku di êrişên li ser Nexweşxaneya Şehîd Xalid Fecr a li taxa Şêxmeqsûd a Helebê de birîndar bûbû, jiyana xwe ji dest da.

15:06

Xwepêşandanên li seranserê Îranê ketin roja xwe ya 17’an. Raporên der barê qutkirina înternetê de, dorpêça leşkerî û qetilkirina sivîlan, nîşan didin ku li welat zexta sîstematîk û pêvajoya komkujiyan didome.

14:47

Ofîsa Medyayê ya Hikûmetê ya li Xezayê, ragihand ku ji ber şert û mercên hewayê nêzî 127 hezar kon zirar dîtine û êdî nayên bikaranîn. NY, ragihand ku ji destpêka agirbestê ve herî kêm 100 zarokan di encama bombebaranê de jiyana xwe ji dest dane.

14:33

Pêkhateyên bajarê Til Temir û Zirganê Kurd, Ereb û Aşûr berxwedana fermandarê berxwedana Şêx Meqsûd û hevalên wî bi meşeke girseyî silav kirin û komkujiyên li ser herdu taxan şermezar kirin.

14:26

Şêniyên bajarê Qamişlo yên Bakur û Rojhilatê Sûriyeyê, ji bo berxwedana taxên Şêx Meqsûd û Eşrefiyê û ji bo bîranîna şehîd Ziyad Heleb meşiyan. Meşvanan anîn ziman ku ew ê li dijî her cûre dagirkeriyê rêxistinbûna xwe xûrtir bikin.

14:11

Şêniyên bajarê Hesekê, li dijî êrîşên li ser taxên Şêx Meqsûd û Eşrefiyê meşek li dar xistin. Ji bo şehîdên Şêx Meqsûd û Eşrefiyê jiyan deqeyek rawestiya.

14:06

Gelek parêzer, aktîvîst û pêşmergeyên jin, li dijî bêrêziya li beramberî şervanên jin ya ji aliyê hin melayên Başûr ve li ber serokatiya Dadgeha Silêmaniyê kombûn û ragihandin ku der barê Mela Mezher Xuresanî de gilî kirine.

13:18

Li navçeya Dalaho ya girêdayî eyaleta Kirmaşanê ya Rojhilatê Kurdistanê ji malbatek 3 kes bi hinceta beşdarî xwepêşandanan bûne, hatin binçavkirin. Binçavkirin bêyî biryara darazê hatine pêkanîn û derbarê malbatê de ti agahî nahetin parvekirin.

13:16

Meclîsa Jinan a PYD’ê, diyar kir ku êrîş û dorpêça li ser taxên Şêx Meqsûd û Eşrefiyê yên Helebê perçeyek ji polîtîkaya îmhakirinê ye û bang li civaka giştî ya navneteweyî kir ku bi lezgînî lêpirsîn vekin û berpirsan bidarizînin.

13:15

Xwediya Xelata Aştiyê ya Nobelê Malala Yusufzay, diyar kir ku xwepêşandanên li Îranê encama zextên ku bi salan e li ser jinan in û banga naskirina mafê gel ê diyarkirina pêşeroja siyasî ya bi awayek azad kir.

13:13

Di xwepêşandanên Îranê de jin di çeperên herî pêş de cih digrin. Şukriye Novabî ya Afganî anî ziman ku pirsgirêkên wan hevpar in û got: “Berxwedana jinên Îranê hêviyê dide me. Ev hêviyek e ku di nava şertên giran ê zextê de bi zorê nefes digre.”

12:28

Dayîkên Aştiyê ku li dijî êrîşên li ser taxên Şêxmeqsûd û Eşrefiyê berê xwe dan Enqerê, diyar kirin ku çeteyên HTŞ berdewamiya çeteyên DAÎŞ'ê ye û dê ev çete di demên pêş de bibin belaya serê Tirkiyeyê jî.

10:35

Parêzvana Mafê Jinan Bihar Mûnzir têkildarî têkoşîna jinan a li taxên Şêx Meqsûd û Eşrefiye daye û bêrêziya melayê bi navê ‘Mezeher Xûrsanî’ li hemberî şervanên jin, got: “Şervanên jin bi têkoşîn û çalakiyên xwe wêneyê jinê, herêm û cîhanê guhert.”

09:56

Dayîkên Aştiyê bertek nîşanî êrîşên li ser Helebê dan bi gotinên; “Kurdan li dijî hovîtiya DAIŞ’ê şer kirin lê cîhan li dijî hovîtiya li ser Kurdan bêdeng e” bang li qada navneteweyî kirin ku li dijî vê hovîtiyê bêdeng neminin.

09:30

Hêzên Taîzê çalakvana mafên mirovan Arwa Al-Şûmeyrî bi hincetên wek "medya û weşanê" girtin û bêyî ku daxuyaniyek fermî ya ku bûyerê vebêje bidin, ew kirin zîndana Daîreya Lêpirsîna Sûcan.

09:19

Hêzên Ewlekariya Hundirîn-Jin ên Bakur û Rojhilatê Sûriyeyê diyar kir ku jinên Şêxmeqsûd û Eşrefiyê modeleke pêşketî ya fedakarî û berxwedanê nîşan da. Her wiha destnîşan kir ku der barê sûcên li her du taxan hatine kirin hesab bê xwestin.

08:24

Ji ber ku rejîma Îranê bi gelek qeyranan re rû bi rû ye, mercên şoreşeke demokratîk çêbûn. Di bin van mercan de tevger û rêxistinên demokratîk ên li Rojhilatê Kurdistanê, dikarin bi koordînasyon, hevkarî û bernameyên şênber pêvajoyê şêwe bikin.

07:44

Endama Meclîsa TAJÊ ya Tilazêrê Leyla Şeref têkildarî êrişên Şêx Meqsûd û Eşrefiye û got “Van çeteyan bi awayekî hovane êrîşî gelê sivîl kirin, heta êrîşî nexweşxaneyan kirin ku nehîştin kesên birîndar bên dermankirin. Ev êrîşek li derveyî mirovahiyê ye.