rojane

16:08

Rejîma Îranê, di meha Tîrmehê de 9 jê girtiyên siyasî û 2 jin, bi giştî 67 kes darve kirin. 22 ji vana Faris, 10 Kurd, 10 Azerî (Tirk), 6 Lor, 5 Belûc, 5 Gîlek, 2 Tirkmen, yek Ereb û yek jî Efgan e.

15:00

REPAK’ê diyar kir têkoşîna ku jinên Êzîdî dimeşînin xwedî cihekî dîrokî û mafdar e û got: “Jinên Êzîdî bi xwe-rêxistinkirinê re teqez wê azadiya xwe û ya gelê xwe mîsoger bikin.”

14:30

Fermandariya Giştî ya YPJ’ê got ku “Garantiya tekane û pênasa rastîn a parastina civaka me ya Êzidî, tenê bi kûrkirina pergala xwerêveberiya demokratîk û naskirina fermî ya mafên wan ên siyasî û çandî pêkan e.”

14:10

Bandorên pevçûna Sûdanê bi zêdebûna êrîşên bi dronan berdewam dikin. Bombekirina dadgeheke eşîrî ya li Bakurê Darfûrê bû sedema kuştin û birîndarbûna bi dehan sivîlan.

13:50

Li bajarê Qamişloyê Kongra Star di daxuyaniya ji bo bîranîna 12`emîn salvegera fermana Şengalê de got ku “Carek din bila qirkirin neyê jiyîn. Rojhilata Navînek azad, demokratîk û wekhev tenê bi têkoşîna hevpar a gelan dê pêkan be.”

13:20

Navenda Lêkolînên Girtiyan a Filistînê eşkere kir ku di Tîrmeha borî de 600 kesên di nav de jin û zarok jî hene, li Zîvala Rojava û Orşelîmê hatine girtin û hejmara giştî ya girtinan ji destpêka şerê Xezayê ve gihîştiye 24 hezar û 600’î.

13:00

Mala Sînemayê ya Îranê, di nameya xwe ya ji Serokomar Mesûd Pezeşkiyan re şand de, daxwaz kir ku zextên dadwerî yên li ser sînemevan û xebatkarên çand û hunerê werin rawestandin û ji bo şopandina pêvajoyê komîteyek serbixwe bê damezrandin.

12:45

Di salvegera 3’ê Tebaxa 2014’an de ji bo bîranîna şehîdên fermanê li bîrdariya şehîdan a Solaxê merasîm hat lidarxistin. Di seat 10’an de jî li her derê Şengalê 5 deqe rêz hate girtin.

12:34

Rêberê Gelê Kurd Abdullah Ocalan, got ku “Hîn her tişt çareser nebûye. Ya girîng ew e ku ev gav rast bê fêhmkirin û ji bo serketina pêvajoyê herkes bi berpirsyarî rabe.”

11:00

Bi boneya salvegera 12'emîn a komkujiya Şengalê, PYD û Kongra Star li Lubnanê sûcê ku ji aliyê DAIŞ'ê ve li dijî Êzidiyan hatiye kirin, şermezar kirin û gotin: “Eşkerekirina çarenûsa kesên hatine revandin û parastina jinan, pêwîstiyek lezgîn e.”

10:30

Rêxistina Bijîşkên Sînornenas, ragihand ku zêdetirî hezar jinên ducanî û şîrdêr ên li kampên penaberên Sûdanî yên li Rojhilatê Çadê, astên cûda yên kêmxwarinê dijîn. Rêxistinê, ji bo berdewamiya xebatên alîkariya mirovî banga piştgiriya lezgîn kir.

09:40

Haniy Karasû ya dayîka Mustafa Karasu ye, li nexweşxaneya li Çanakkaleyê ku lê dihat dermankirin,koça dawî kir.

08:50

Tevî ku 12 sal di ser Fermana 74’an de derbas bû jî aqubeta jinên Êzidî hê nayê zanîn. Siyasetmedar û aktîvîst Sara Reza, wiha got: "Jinên Êzidî hê li hinek welatan tên kirîn û firotin."

08:25

Komeleya Mafên Mirovan a "di tarîtiya 12’ê Îlonê de" hat damezrandin, 40 salî ye. Endama Lijneya Rêveber a Navendî (MYK) ya ÎHD'ê Gulseren Yolerî, diyar kir 40 sal in ji bo parastina mafên mirovan têkoşîna xwe didomînin.

08:00

Siyasetmedar Feleknas Uca di 12’emîn salvegera fermanê de diyar kir ku tevî berxwedana xweser û hewldana ji bo jiyaneke nû, statuya Şengalê hîn jî ji ber polîtîkayên hikûmetan di nava qeyran û bêdengiyê de hatiye hiştin.

19:49

Bi boneya 12’emîn salvegera Fermana 3’ê Tebaxê û di çarçoveya bîranînên ferman, komkujî û cangoriyên 3’ê Tebaxa 2014’an a li Şengalê de, bi pêşengtiya Yekîtiya Ciwan û Jinên Ciwan a Êzîdxanê meşeke dirêj tê lidarxistin.

18:54

Heyeta Îmraliyê ya DEM Partiyê piştî hevdîtina 3 seatan a bi Rêber Abdullah Ocalan re vegeriya. Hat ragihandin ku dê sibê derbarê hevdîtinê de daxuyaniya nivîskî bê dayîn.

16:00

TJA'yê, bi boneya salvegera êrişên qirkirinê ya li ser Êzidiyan, li ser platforma X’ê #3êTebaxêJiBîrNekin da destpêkirin.

14:25

Heyeta Îmraliyê ya DEM Partiyê, ji bo bi Rêberê Gelê Kurd Abdullah Ocalan re hevdîtinê bike, çû Girava Îmraliyê. Piştî hevdîtinê tê payîn ku heyet daxuyaniyê bide.

14:00

Lîstikvana Îranî û girtiya siyasî ya berê Mesûme Qasimîpûr, bertek nîşanî gefên dadwerî yên li dijî dijberên cezayên darvekirinê da û got: "Hûn nikarin dengê ji bo parastina rûmeta mirovan bibirin.