rojane

15:01

Koçberiya ji ber êrîş, rageşiyên siyasî, jin, zarok û extiyaran û bi hezaran malbatan neçar ku ji mal taxên xwe carek din koçber bibin. Malbat di nava serma, birçîbûn û tirsê de mal û milkên xwe li pey xwe dihêlin û ji neçarî koçber dibin.

14:20

Navenda Ragihandinê ya QSD’ê, ragihand ku ruxmê peymanên agirbestê jî çekdarên rêveberiya demkî li Eyn Îsa, Şedadê û Reqayê êrîşên xwe li ser QSD’ê didomînin.

14:17

Çeteyên cîhadîstên HTŞ êrîşî girtîgeha Eqtan a çeteyên DAIŞ’ê tê de ne kir.

14:01

Rejîma Îranê bi êrîşên bi çek dijî xwepêşanderên li Îran û Rojhilatê Kurdistanê didomîne. Hejmara kuştî û birîndaran her diçe zêde dibe, hat zanîn ku Îran ji bo cenazeyên xwepêşanderan radestî malbatan bike, belgeyek dide îmzekirin.

13:58

Komîteya Koçberên Serêkaniyê, bang li raya giştî û rêxistinên alîkariya mirovî kir ku berpirsiyariyên xwe bi cih bînin û alîkariya pêwist bidin bi hezaran malbatên ji ber êrîşan ji Reqa, Tebqa û Helebê koçî herêma Cizîrê bûne.

13:55

Sûdan bi koçberiyê re bi felaketek mezin a cîhanê re rûbirû ye. Li eyaleta başûrê Kordofan û bakurê Darfurê rageşiya leşkerî didome. Piştî amadekariyên RSF’ê hat tesbîtkirin ku hişyarî tê kirin demek nêz bajarê El-Obeîd were dorpêçkirin.

12:24

Desteka ji bo Rojava ne ji bo hikumetek ku hatiye diyarkirin an jî herêmek e; piştgiriya bi tevgerên di lêgerîna maf û azadiyê re ye. Rojava vê yekê li ber me hîn dike: Azadî tenê daxwazek nîn e, awayê jiyan, rêxistinbûn û pratîka siyasî ye.

11:30

Rêveberiya Xweser a Kantona Cizîrê li bajarê Qamişlo-Bakur û Rojhilatê Sûriyeyê, li dijî êrîşên komên çete yên li ser herêmê seferberiya giştî duh ragihand û îro bi daxuyaniyekê banga ‘Tevlî cenga parastina rûmetê bibin’ kir.

09:26

QSD, YPJ û Hêzên Ewlekariya Hundirîn gelek êrîşên çeteyên HTŞ yên cîhadî li dijî Herêma Xweser a Bakur û Rojhilatê Sûriyeyê şikandin. Di êrîşên van çeteyan de li Reqayê du jin hatin kuştin.

09:18

Li Zîvala Xezayê ji ber bandora şer û dorpêçê, di warê aborî de tiştek nemaye. Ekonomîst Samar Harun, got ku ji ber krîzên heyî gel neçar maye bi tiştên heyî bijî da zanîn ku ji bo pergalek domdar tedbîrên lezgîn werin girtin.

09:04

Hevseroka Daîreya Têkiliyên Derve ya Rêveberiya Xweser Îlham Ehmed, bang li gelê Kantona Cizîre kir ku baldar bin û got: “Hemû nûçeyên der barê ‘Komkujiyên Hesekê’ de bê bingeh in.

08:56

Berdevka Kongra Star a Qamişloya Bakur û Rojhilatê Sûriyeyê Rihan Loqo diyar kir ku li hember gelan komployek hatiye plankirin û got ku “Îradeya gel dê ji hemû komployan xurttir bimîne.”

07:56

Çalakvan Kelsûm Hesên diyar kir ku her tim mêr ji hêza jinan tirsiyaye û got “Ji ber hêza jinê ji ya mêr zêdetir e, mêr êrîşî jinê dike. Ev ne ji ber bê îrade ye, berovajî wê jin ji dîrokê ve gelek bi hêz in û sembola xwedawendiyê ne.”

07:30

Li dijî êrîşên dagirkeriyê yên li ser Bakur û Rojhilatê Sûriyeyê, jinên ji bajarê Kobanê helwesta xwe bi gotinên “Hebûna me rastî tunekirinê tê, weke jin em ji bo hemû şert û mercan amade ne” anîn ziman.

07:18

Lêkolîner û pispora di karûbarên terorîzmê de Lamar Erkendî nasnameyên çete û komên ku êrîşî Şêx Meqsûd û Eşrefiyê kiribûn û hûrguliyên din eşkere kir.

18:13

Êrîşên komên çete yên HTŞ’ê û dewleta Tirk ê li dijî herêmên Bakur û Rojhilatê Sûriyeyê bi dijwarî didomin. Rêveberiya Xweseriya, li Cizîrê bi armanca parastina ewlehî û aramiyê, îro qedexeya giştî li tevahî bajar û bajarokên kantonê ragihand.

15:15

Li navçeya Koye xwendevanên amadeyî ji bo piştgiriya şervanên Rojavayê Kurdistanê û şervanên jin şanoyek nîşan dan.

14:51

Piştî banga seferberiya giştî ya li dijî êrîşên li ser Bakur û Rojhilatê Sûriyeyê, li gelek bajarên kantona Cizîrê ji bo şermezarkirina êrîşên hikumeta demkî û piştgiriya bi QSD’ê re meşên girseyî hatin lidarxistin.

14:47

Di xwepêşandana berfireh ên li Parîsê de, komkujî û serdegirtinên ewlehiyê yên li dijî xwepêşanderan li Îranê hatin protesto kirin. Girtiya siyasî ya berê Leyla Huseyînzade, bang li civaka navneteweyî kir û got: "Gelê Îranê bi tenê tê hiştin."

14:44

Aktîvîsta mafên jinan Şehrazad Rezaeî ya ji Sine û girtiya siyasî ya berê û aktîvîsta mafên jin û zarokan Kejal Vatanpour, ji aliyê hêzên ewlehiyê ve hatin binçavkirin.