rojane

13:32

Li gorî daxuyaniya nivîskî ya Sendîkaya Rojnamegerên Filistînê, di meha Kanûna 2024’an de di êrişên artêşa Îsraîlê yên li ser Xezayê de 10 rojnamegeran jiyana xwe ji dest dane.

12:39

Gaziyên Jin ên Bakur û Rojhilatê Sûriyeyê bi daxuyaniyê Sêvê Demîr, Pakize Nayir û Fatma Ûyar ên ji aliyê dewleta Tirk ve hatin qetilkirin bi bîr anîn û gotin: “Em ê hêvî û xeyalên wan bi serketina herî pîroz û watedar tacîdar bikin.”

12:01

Wezîrê Dadê yê hikumeta demborî ya Sûriyeyê Şadî El-Weysî, di vîdyoyeke ku dema du jin li Idlibê tên înfazkirini, hukum dixwîne de tê dîtin. Bi vîdyoya ku li ser medyaya dîjîtal hat weşandin, bûyer derket holê û rêveberiya HTŞ’ê diyar kir ku vîdyo rast e.

10:00

Kombûna Jinan a Zenûbiya bertek nîşanî bernameya nû ya perwerdeyê ku ji aliyê hikûmeta demkî ya Sûriyeyê ve hat danîn da û got: “Guhertinên di bernameya perwerdê de li dijî dîrok û çanda gelên Sûriyeyê ye.”

09:43

Jinên Tûnisê tabuyan dişkînin, karê ku tenê ji bo mêran hatiye diyarkirin, dikin û hebûna xwe di hemû warên jiyanê de nîşan didin. Jinên xwedî pîşeyên cur bi cur dibêjin ku tevî bertekan jî karê ku dixwazin bi serkeftî dikin.

09:06

Çalakvan Dilsoz Zengene der barê girtina saziyên jinan da, anî ziman ku divê tavilê ji vê biryarê bê vegerandin û got: “JIN TV tekane televizyona çalake ku hemû jin, çalakvan û siyasetmedaran dikarîn dengê xwe bidin bihîstin.”

08:43

Di hejmara dawî ya Kovara Jin de bi sernavê “Jiyana me her tim şer bû” bi xwendevanan re hat ba hev.

07:25

Talîbana ku li Efganistanê rêveberiya welat desteser kir, hewl dide jiyanê li wan bike dojeh. Jinên Efganî yên li dijî qedexeyên Talîbanê axivîn, gotin: “Tevî hemû zextan jî em teslîm nabin. Ji bo azadiya xwe em ê gavên bi biryar û saxlem bavêjin.”

05:20

Jinên Xezayê ji ber kêmasiyan ku li cihên koçberiyê di nava şert û mercên dijwar de dijîn, gazinan dikin û diyar dikin ku bi gelek zehmetiyên jiyanê re di nava konên koçberiyê de rûbirû dimînin û tu mehremiyeta jiyana wan nemaye.

05:11

Rojnamevanên jin biryara girtina çar dezgehên jinan ên li Silêmaniyê şermezar kirin û bang li hemû jinên rojnamevan kirin ku li sazî û dezgehên jinan ên ku dibin hedefa êrişên siyasî de ne xwedî derkevin.

05:07

Şêniyên Bajarê Kobanê diyar kirin ku ew bi şervanên xwe yên QSD, YPG û YPJ’ê re ne û diyar kirin ku li dijî êrişên dewleta Tirk û çeteyên wî şervan berxwedaneke dîrokî dimeşînin.

19:55

Li Wargeha Penaberan a Mexmûrê jinên Kurd Sêvê Demîr, Pakize Nayir, Fatma Ûyar ên li navçeya Silopiyayê ya Şirnexê hatin qetilkirin û cangoriyên komkujiyên Parîsê Sakîne Cansiz, Fîdan Dogan, Leyla Şaylemez û Evîn Goyî bi rêzeçalakiyan hatin bibîranîn.

19:35

Rêxistinên Elewiyan ên li bajarê Strasboûrg ê Fransayê li hev civiyan, bertek nîşanî qetlîamên li dijî bawerî û etnîkên cuda yên li Sûriyeyê bi taybet Elewiyan dan û gotin, "Bêdengiya li hemberî vê rewşê tê wateya hevparê sûc."

15:07

Wezareta Tendirustiyê ya Hemasê, rapora rojane ya der barê êrişên li ser Zîvala Xezayê di roja 456’an de weşand.

14:34

Jinan li Tûnisê ji bo berdana Seroka Komeleya Tûnis ‘Welatekî Stargeh E’ Şerîfa Riahî bang kirin.

14:10

ÎHD û Xizmên Windayan çalakiya xwe ya ‘Bila winda bên dîtin û fail bên darizandin’ di hefteya 830’an de berdewam. Xizmên Windayan peyama ku heta hesab ji failan neye pirsîn wê têkoşîna xwe bidomînin dan.

14:06

DFG'ê rapora binpêkirina mafên rojnamegeran a sala 2024'an eşkere kir û got: “91 hevpîşeyên me dema nûçeyê dişopandin hatin astengkirin, 118 rojnameger hatin binçavkirin û ji vana 26 kes hatin girtin."

13:48

Pakîze Nayir, Fatma Uyar û Sêvê Demîr ên di sala 2015'an de li Sîlopiyayê di qedexeyên derketina derve de hatibûn qetilkirin, li navçeya Sîlopya Şirnexê hatin bibîranîn.

13:14

Dayikên Şemiyê li aqûbeta birayên hev Ayhan Efeoglû û Alî Efeoglû yên ku di sala 1994’an de hatin windakirin pirsîn û xwestin kujerên wan bên cezakirin.

10:58

Hikûmeta demkî ya Sûriyê hîzarê li jinan ferz dike. Vîdeoyên ku nîşan didin çawa bang li xelkê tê kirin û tê gotin ku divê jin li taxeke Xiristiyanan a li bajarê Helebê hîzar û cilên reş li xwe bikin, fikarên li ser kiryarên li dijî pêkhateyan zêde kir.