ڕۆژانە

19:25

١٣ ساڵ بەسەر کۆمەڵکوژیی پاریس تێدەپەڕێت کە تێیدا سێ پێشەنگی کورد تیرۆر کران، بە سیمینارێک لە کامپی پەنابەرانی مەخموور بە سەرۆکایەتی ئەنجومەنی عشتاریاد کرایەوە.

19:03

ڕێکخراوی ژنانی کورد لە ڕووسیا سەبارەت بە هێرشەکان بۆ سەر گەڕەکەکانی شێخ مەقسود و ئەشرەفیە و بەرخۆدان لە ڕۆژهەڵاتی کوردستان و ئێران ڕاگەیاەدراوێکی بڵاوکردەوەو تێیدا هاتووە: پشتیوانی لە گەلەکەمان دەکەین کە بە ئیرادەی خۆیان ژیانێکی ئازاد بنیات دەنێن.

18:17

لە شاری سلێمانی، بەرەی پشتیوانی ڕۆژئاوا بۆ شەرمەزارکردنی هێرشەکانی سەر گەڕەکە کوردییەکانی شێخ مەقسوود و ئەشرەفیە، کۆنگرەیەکی ڕۆژنامەوانییان سازکرد و داوای وەستاندنی دەستبەجێی هێرشەکانیان کرد.

18:02

لیژنەی دیپلۆماسی کۆنگرەی ستار لە باکوwر و ڕۆژهەڵاتی سوwریا چوار نامەی ئاراستەی کۆمیساریای باڵای مافی مرۆڤی نەتەوە یەکگرتووەکان و ئەنجومەنی ئاسایشی نەتەوە یەکگرتووەکان و نوسینگەی نێردەی تایبەتی سکرتێری گشتی نەتەوە یەکگرتووەکان لە سووریا و سی پی تی کرد.

14:31

تەڤگەری ژنانی ئازاد "تەژەئا" و ئەنجومەنی ژنانی دەم پارتی هێرشەکانی سەر گەڕەکە کوردنشینەکانی شاری حەلەبی سووریایان شەرمەزار کرد، داوایان لە هەموو گەلان و هێزە دیموکراتیەکان کرد کە شۆڕشی ژنان وەک نموونەیەکی ناوازەی ڕزگاری و بەرخۆدان بپارێزن.

13:17

دانیشتووانی شاری قامیشلۆ بۆ پشتیوانی لە گەلی شێخ مەقسوود و ئەشرەفییە وبەنی زەید ڕێپێوانێکیان ڕێکخست. ئەو دانیشتووانە دەڵێن: وەک چۆن لە کۆبانی شکستیان هێنا، لە شێخ مەقسوود و ئەشرەفییەش شکستیان پێدەهێنن.

13:03

ژنانی کۆچبەری عەفرین کە ئێستا لە قامیشلۆ لە باکوور و ڕۆژهەڵاتی سووریا نیشتەجێن، ئەو هێرشانەیان شەرمەزار کرد کە جیهادیەکانی هەتەشە بۆ سەر گەڕەکەکانی شێخ مەقسود و ئەشرەفیە و بەنی زەید لە شاری حەلەب دەستیان پێکرد، دەڵێن: ئیرادەی گەلەکەمان ناشکێت.

12:24

کەژەکە سەبارەت بە هێرشەکانی سەر گەڕەکی شێخ مەقسود و ئەشرەفیەی شاری حەلەب و بەرخۆدانی ڕۆژهەكڵاتی کوردستان و ئێران ڕاگەیەندراوێکی بڵاوکردەوە و داوای هاودەنگی لەگەڵ گەلی ڕۆژئاواو خەڵکی ئێران کرد.

11:25

ئەمڕۆ دوای زیاتر لە ١٠ ساڵ بەسەر تیرۆرکردنی ساکینە جانسز و فیدان دۆغان و لەیلا شایلمز ناسراو بە "ئەفسانەی قژسوورەکان" لە نێو ژنانی کورددا، کە دەچنە سەر شەقامەکان و داوای ڕاستی دەکەن، وێنەکانیان بەرز دەکەنەوە وەک ئەوەی هێشتا لە نێویاندا بڕۆن.

10:48

وەک پشتیوانییەک بۆ خۆپیشاندەرانی ڕۆژهەكاتی کوردستان و ئێران وریشە مورادی و زەینەب جەلالیان و سێ زیندانیی سیاسیی دیکە دەستیان بە مانگرتن لە خواردن کرد.

10:18

ئەمڕۆ لە شارەکانی ڕۆژهەڵاتی کوردستان بۆ پشتیوانییکردنی خۆپیشاندەرانی گەلانی ئێران دەست بە مانگرتنی گشتی کرا و هەموو بازار و شوێنە گشتییەکان داخراون.

09:55

‎‎لە سێیەم ڕۆژدا هێرشی گرووپە چەتەکانی سەر بە حکومەتی کاتی سووریا بۆسەر گەڕەکەکانی شێخ مەقسود، ئەشەرەفیە بەردەوامە، بەهۆیەوە هەشت هاوڵاتیی شەهید و ٥٥ی دیکەش برینداربوون.

09:38

هاوکات لەگەڵ بەرزبوونەوەی ژمارەی کوژراوانی مەدەنی، ڕێکخراوی لێبوردنی نێودەوڵەتی داوای کردووە دەستبەجێ هێرشەکان لە حەلەب کۆتایی پێبهێندرێت و ڕێگە بدرێت هاوکارییە مرۆییەکان بەبێ دواکەوتن بگاتە دانیشتووانی زیانلێکەوتوو.

09:03

وریشە مورادی، زیندانیی سیاسیی کورد لە پەیامێکدا لە زیندانی ئێڤینەوە بەناونیشانی نە دیکتاتۆریەتی دینی، نە سەڵتەنەت، بەڵکوو ژن، ژیان، ئازادی، پشتیوانی خۆی بۆ سەرهەڵدانی گەلان ڕاگەیەند.

08:54

لە دهۆک منداڵێکی کچی ١٤ ساڵان، پاش مانەوەی بۆ ماوەی ١٠ ڕۆژ لە نەخۆشخانە، بە سووتان گیانی لەدەستدا، بەگوێرەی زانیارییەکان، بەهۆی هەڕەشەی بەڕێوەبەری خوێندنگەکەیەوە خۆی سووتاندووە.

07:55

پلاتفۆڕمی یەکێتی ژنی کورد سەبارەت بە خۆپیشاندانەکانی ڕۆژهەڵاتی کوردستان و هێرشەکانی هەتەشە لەسەر گەڕەکی شێخ مەقسودو ئەشرەفیە دەڵێت: خوشک و براکانمان لە ڕۆژهەڵات و ڕۆژئاوا لەژێر هەڕەشەی کوشتندان و ژنان ڕۆڵی سەرەکی لە خۆپیشاندانەکاندا دەگێڕن.

07:31

بەسمە محەمەد، بەڕێوبەری ئەکادیمیای ژنان بۆ سەرکردایەتی لە عێراق، دەڵێت: پێویستە ژن خۆی کار لەسەر خۆی بکات و ئاستی هۆشیاری خۆی بگەیەنێتە ئاستێک کە بزانێت مافەکانی چین، بە جۆرێک دانیشتووی هەر وڵاتێک بێت دەبێت خوێندنەوە بۆ یاساکان بکات.

15:23

دوابەدوای شەپۆلی نوێی ناڕەزایەتییەکان لە سەرانسەری ڕۆژهەڵاتی کوردستان و ئێران، سەرچاوە سەربەخۆکانی مافی مرۆڤ باس لەوە دەکەن کە دەیان ژن لەوان منداڵانی کچ دەستبەسەر کراون و تووشی مامەڵەی خراپ و لێدان و هەڕەشە بوونەتەوە.

15:19

لە ١٣ ساڵەی کۆمەڵکوژی پاریس، کۆنگرەی ستار سیمینارێکی بۆ ژنانی گوندی ئوم هەرمێلا لە شاری زرگان سازکرد.

15:08

کۆنگرەی ستار لە کانتۆنی فورات یادی ١٣ ساڵەی کۆمەڵکوژی پاریس سازکرد، جەختی لەوە کردەوە کە میراسی ساکینە جانسز، فیدان دۆغان و لەیلا شایلەمز بە زیندووی دەهێڵنەوە.