ڕۆژانە

10:15

بە بۆنەی دووەمین ساڵیادی کوشتنی دەوڵەتیی ژینا ئەمینی و ڕاپەڕینی شۆڕشگێڕانەی "ژن، ژیان، ئازادی"، لە شاری ئامەدی باکووری کوردستان ڕێپێوانێک بەڕێوەچوو.

08:30

نەسیم غوڵامی سیمیاری، یەکێک لە ناڕازیانی ڕاپەڕینی شۆڕشگێڕانەی "ژن، ژیان، ئازادی"، سزای ٦ ساڵ زیندانی و ٢٠ ساڵ دوورخستنەوە بۆ ئەنگورانی زەنجان و ٧٤ قامچیی بەسەردا سەپێندرا، ئەم سزایە دوای چەند مانگێک لە دەستبەسەرکردن و فشار بۆ دانپێدانانی زۆرەملێ دەرچوو.

16:00

کۆردیناسیۆنی کوردستان لە ڕێپێوانی جیهانی ژنان-باکووری ئەفریقا و ڕۆژهەڵاتی ناوەڕاست لە ساڵیادی سەرهەڵدانی "ژن، ژیان، ئازادی" ڕاگەیەندراوێکی بڵاوکردەوە و ڕایگەیاند: دروشمی "ژن، ژیان، ئازادی" بووەتە هێمایەکی شۆڕشگێڕانە، ئیلهامبەخشە بۆ تێکۆشانمان.

15:38

بە بۆنەی ساڵیادی شۆڕشی "ژن، ژیان، ئازادی" کۆنگرەی ستار ڕایگەیاند، "با جیهان بزانێت کە گەڕانەوە بۆ دواوە لە هەنگاوی "ژن، ژیان، ئازادی" نییە، ژنان سەریان هەڵدا و سەدەی بیست و یەکەم دەکەینە سەدەی ئازادی ژنان.

14:42

مەلالە یوسفزای، چالاکوانی مافەکانی ژنان و براوەی خەڵاتی نۆبڵی ئاشتی لە هەژماری خۆیدا گرتەیەکی ڤیدیۆیی لە وەڵامی بەردەوامی بێبەشکردنی کچانی ئەفغانستان لە خوێندن بڵاوکردەوە و وتی: ئازایەتی ژنانی ئەفغانستان لە دژی تاڵیبان سەرچاوەیەکی ئیلهامبەخشە بۆ خەڵک.

13:40

دەوڵەتی تورکیا جارێکی دیکە کامپی پەنابەرانی مەخمووری بۆردوومان کرد، ئامانجەکەشی باخچەی ماڵێکی ناو کامپەکەیە.

12:05

تاژێ لە دووەمین ساڵیادی ڕاپەڕینی "ژن، ژیان، ئازادی"دا ڕاگەیەندراوێکی بڵاوکردەوە و داوای لە هەموو ژنان کرد، بە تێکۆشانێکی هاوبەش لە دژی سیستمی دەوڵەتی پیاوانە ڕاپەڕن.

11:36

نێرگس محەمەدی، لە دووەمین ساڵیادی ڕاپەڕینی شۆڕشگێڕانەی " ژن، ژیان ئازادی"، داوای لە کۆمەڵگەی جیهانی و خەڵکی هەموو جیهان کرد "نەک تەنها چاودێری بکەن بەڵکو چالاکانە مامەڵە بکەن".

11:13

یەپەژە جەختی لەسەر درێژەدان بە خەبات دژی پیاوسالاری کردەوە، هەروەها پشتیوانی لە خەباتی ژنان لە ڕۆژهەڵاتی کوردستان، ئێران و لە سەرتاسەری جیهان کرد و ڕایگەیاند، "داوا لە ژنان دەکەین کە لە ڕێگەی فەلسەفەی ژن، ژیان، ئازادییەوە ڕۆحی شۆڕش بەهێز بکەن.

08:30

لە دووەمین ساڵیادی کوشتنی ژینا ئەمینی، فایلێکی دەنگی نوێی دایە مینا سوڵتانی، بڵاوکراوەتەوە، تیایدا داوا لە خێزان و دایکان دەکات، ڕێبازی منداڵەکانیان بگرنەبەر و لە کەس نەترسن.

16:03

لە زۆرێک لە شارەکانی فەرەنسا، هەزاران کەس ڕژانە شەقامەکان بۆ پشتیوانی لە جیسەل پەلجۆتا کە بووەتە هێمایەک لە شەڕی دژی دەستدرێژی سێکسی و ئەو ژنانەی دەستدرێژییان کراوەتە سەر.

15:29

لە دووەمین ساڵڕۆژی کوشتنی ژینا ئەمینی لەلایەن ڕژێمی ئێرانەوە، بنەماڵەکەی لە ماڵەوە لەلایەن هێزە ئەمنییەکانی ڕژێمی ئێرانەوە لە سەقز دەستبەسەرکراون.

15:18

"ژن، ژیان، ئازادی" شۆڕشێکی زانستییە لەگەڵ ژنۆلۆژییدا، دواین نامەی پەخشان عەزیزی، ڕۆژنامەنووس و زیندانی سیاسی کوردە، کە لە زیندانی ژنانی ئەڤین سزای سێدارەی بەسەردا سەپێندراوە، ئەمڕۆ ١٥ی ئەیلوولی ٢٠٢٤ لە کەناڵی تەلەگرامی "بیداری زەنی" بڵاو کراوەتەوە.

14:12

ڕێکخراوی مافی مرۆڤی ئێران ڕایگەیاند، لە سەرەتای ئەمساڵەوە ٤٢٧ کەس کە ٢٥یان ژنن، لە سێدارەدراون.

14:07

لەسەر بانگەوازی پژاک و کەژار و چەندین لایەنی سیاسی دیکە، مانگرتنێکی گشتی بە داخستنی دوکان و بازاڕەکانی شارەکانی ڕۆژهەڵاتی کوردستان لە ساڵڕۆژی دووەمین ساڵیادی شۆڕشی "ژن، ژیان، ئازادی" دەستی پێکرد.

11:58

هەندێ جار ڕژێمی ئیخوان و فاشیستی لە بیری دەچێتەوە کە مێژووی ئێران پڕە لە خەبات و ئیرادەی ژن و پیاوی ئێرانی کە بە چاو نەترسانەوە درێژەیان بە خەبات و تێکۆشانیان داوە و بچوکترین لەرزین لە بیر و هزریاندا نەبووە.

11:44

هاوکات لەگەڵ دووەمین ساڵڕۆژی ڕاپەڕینی شۆڕشگێڕانەی "ژن، ژیان، ئازادی" ڕێگا لاوەکییەکانی بەرەو گۆڕستانی ئایچی سەقز کە شوێنی ناشتنی ژینا ئەمینییە، لەلایەن حکومەتی ئێرانەوە بە کردنەوەی دەروازەکانی ڕارەوی ئاوی بەنداوی چراغ وەیس گیران.

11:25

کۆمەڵەی نووسەرانی ئێران، لە سەروبەندی دووەمین ساڵڕۆژی کوشتنی دەوڵەتی  ژینا ئەمینی، ڕاگەیاندراوێکیان بڵاوکردەوە و جەختیان لەوە کردەوە: ڕۆژ نییە شەقامەکان دوور بن لە بەرخۆدانی ژنان.

11:01

لە کۆتایی کۆنفرانسی ئەنجومەنی ژنانی دەم پارتی، پەیامی "ئەو شەڕەی لە هەرێمی فیدراڵی کوردستان بەڕێوەدەچێت، لکاندن و داگیرکارییە، گرنگترین نیشانەی فاشیزم گۆشەگیرییە، ئێمە بەهێزترین ڕێکخستن مسۆگەر دەکەین"یان دا.

10:45

پەردە لەسەر مۆنۆمێنتی ‘پارێزەرانی حەقیقەت’، بۆ شەهیدانی ڕۆژنامەنووسی هەرێمی کوردستان و عێراق لادرا و هەریەک لە هێرۆ بەهادین و گوڵیستان تارا لەو ڕۆژنامەنووسانەن کە لە مۆنۆمێنتەکەدا ناویان نووسراوە.