ڕۆژانە

07:30

ژنانی کورد وەک پێشەنگی پاراستنی کلتوور و بەگژداچوونەوەی تاریکی ڕۆڵێکی مێژوویی دەگێڕن لە پیرۆزکردنی نەورۆزو بە داگیرساندنی مەشخەڵی ئاگر پەیامی ئاشتی و ئازادی دەگەیەننە جیهان، عەتاو عەبدولڕەحمان، کەسایەتی سلێمانی دەڵێت: داوا لە خەڵک دەکەم جلی کوردی بپۆشن.

15:41

بە درێژایی مێژوو ئەو ژنانەی جەستەی خۆیان کردۆتە مەشخەڵ، وەک سیمبولی خەباتی ئازادی ماونەتەوە، لە مەیدانەکاندا نەورۆزیان بە دروشمی "ژن، ژیان، ئازادی" داگیرساند.

15:31

کۆمەڵەی ژنانی ئازادی کوردستان "کژار" بە پەیامێک جەژنی نەورۆزی پیرۆز کرد و وتی: پەیوەندی نەورۆز بە فەلسەفەی 'ژن، ژیان، ئازادی'ـیەوە لەسەر بنەمای ئازادیی ژن و ژیانی ئازادە، ئەمەش دەتوانێت ببێتە بەستەرێک بۆ پەرەدان بە تێکۆشانی ژنان.

13:13

کۆردیناسیۆنی کەژەکە بە بۆنەی نەورۆزەوە ڕاگەیاندراوێکی بڵاوکردەوەو دەلێت: کاتی ئەوە هاتووە ئەم دەرفەتە بۆ ژیانێکی ئازاد لەگەڵ ڕێبەر ئاپۆ بگۆڕین بۆ تەڤگەریەکی هاوپشتی، ناوچەیی، جیهانی و نیشتمانی.

12:16

هێلین ئومێد، ئەندامی تەڤگەری ئازادیی کوردستان ئاماژەی بەوەدا هێرشەکانی ئەمریکا و ئیسرائیل لەسەر ڕۆژهەڵاتی ناوەڕاست لە پەرەسەندندایە و وتی: تاکە هێزێک کە بتوانێت ڕێگە لە شەڕی نێوان گەلان و هێرشی دەوڵەت-نەتەوەکان لەسەر ڕۆژئاوا بگرێت، خودی ڕێبەر ئاپۆیە.

11:57

شەریفە محەمەدی، چالاکوانی کرێکاریی و زیندانیی سیاسیی، لە گرتووخانەی لاکانی ڕەشت مۆڵەتی پشووی کاتیی وەرگرت و بەشێوەیەکی کاتیی ئازاد کرا.

09:11

دایکان و ژنانی ئەو شەڕڤانانەی کە لەلایەن چەتەکانی هەتەشەەوە بە دیل گیراون، هەڵوێستی خۆیان لە دژی ئازادنەکردنی دیلەکان دەربڕی و دەڵێن: دیلەکان لە هەموو شەڕێکدا هەن، بەڵام مرۆڤ ناتوانێت متمانە بە پێوەر و نزیکبوونەوەی چەتەکانی هەتەشە بکات.

08:39

ڕۆکسان محەمەد، وتەبێژی یەپەژە ل، دەڵێت: خەباتی ژنان لە ڕۆژئاوای کوردستان تەنها بەشدارییەکی زوو تێپەڕ نەبووە لە بەرەکانی شەڕدا، بەڵکو ڕێگایەکی یەکگرتووی بەرخۆدان و بەرگریکردنە لە ناسنامە و بوونی ژن.

08:00

نەورۆز لە کەمپی پەنابەرانی مەخموور بە جۆش و خرۆشێکی زۆرەوە بەڕێوەچوو. مەیدانی نەورۆز بە ڕەنگەکانی ئاڵای کوردستان ڕازاوەتەوە.

07:35

لە گوندی چیمەنی سنووری پارێزگای کەرکوک، لەلایەن هێزەکانی پۆلیسی شارەکەوە تەرمی ژنێکی گەنج دۆزرایەوە، کە جەستەی شێوێندراوە.

15:37

بە دروشمی "داگیرکاری شەرمەزار دەکەین، دەگەڕێینەوە عەفرین"، سەدان کەس لە دانیشتووانی کۆبانێ و کۆچبەرانی عەفرین خۆپیشاندانێکیان ئەنجامدا و ئیرادەی خۆیان بۆ ئاوەدانکردنەوەی ناوچەکەیان و وەرگرتنەوەی ماڵ و حاڵی خۆیان دووپاتکردەوە.

15:10

ئامینە ئۆسێ جەختی لەسەر پێویستی بەهێزکردنی تەواوەتی ژنان لە سەرجەم دامەزراوەکانی حکومەت و بڕیاردان و دەستەبەرکردنی بەشداری چالاکانەیان لە داڕشتنی دەستووری سووریا و یاسا و یاساکانی پەیوەست بە مافەکانیان کردەوە.

14:16

ماڵپەری دەنگی دەستگیرکراوانی کورد و ئێران دەربارەی دەستبەسەرکردنی ژنان و کوشتنیان لەلایەن ڕژێمی ئێرانەوە ڕایگەیاند، لە پارێزگاکانی ئێران دوو ژنی چالاکوان دەستبەسەر کران و ژنێکیش کوژرا.

11:40

سەرەڕای چەوساندنەوە و توندوتیژی، ژنانی ئەفغانستان جارێکی دیکە خۆیان سەلماندەوە کە بڕبڕەی پشتی ئابووری خێزان و کۆمەڵگەن، لە ڕێگەی چنینی فەرش و لێهاتووییە نەریتییەکانیانەوە، تایەی بژێوی ژیانیان بە سوڕانەوە دەهێڵنەوە.

11:15

شاری سور شاهیدی شەپۆلێکی نوێی ئاوارەبوونە بەرەو سیداو ناوچەکانی دەوروبەری، کە دەگاتە باکووری لوبنان، ئەمەش دوای هۆشدارییەکی بەپەلە لەلایەن هێزەکانی ئیسرائیلەوە کە داوای چۆڵکردنی دانیشتووانی شارەکە و کامپەکانی فەڵەستین و گەڕەکەکانی دەوروبەری دەکەن.

10:21

دایکانی ئاشتی کە ڕۆڵەکانیان لە خەباتدا لەدەستدا، ئەمساڵ داواکارییەکانیان بۆ ئاشتی و ئازادی جەستەیی ڕێبەری گەلی کورد عەبدوڵا ئۆجالان نوێ دەکەنەوەو ئاهەنگی نەورۆز دەگێڕن، دەڵێن: کلیلی گەیشتن بە ئاشتی و هەنگاوی بناغەی بەرەو چارەسەری دیموکراتیک ڕێبەرە.

09:12

ساڵیحە کەلەش، کە لە شاری قامیشلۆ نیشتەجێیە، دەڵێت: سەرەڕای فشار و ستەمەکانی دەوڵەتی بەعس، بە بەردەوامی جەژنی نەورۆزیان پیرۆز کردووە، ئەمساڵیش بە جۆش و خرۆشەوە جەژنی نەورۆزیان دەگێڕن، لە سایەی ماندووبوون و تێکۆشانیان لە ماوەی ساڵانی ڕابردوودا.

08:35

لە کامپی پەنابەرانی مەخموور ئاگری نەورۆز بە وێنەی مەزڵوم دۆغان داگیرسا، ئەو هونەرەی خوێندکارەکان دروستیان کردبوو، بوو بە ڕووناکی دیمەنەکە و هەزاران دڵ لە سایەی تابلۆیەکدا یەکگرتبوون.

07:21

ژنان بە پێداگیرییەوە بەرەو ناوەندەکانی بڕیارو پۆستە باڵاکان ڕۆیشتوون، بەڵام عەقڵیەتی پیاوسالاری لەمپەر لەبەردەم بڕیارەکان دادەنێت، مەهاباد شێخ حەمەئەمین، چالاکوانی ژنان دەڵێت: ژن کاتێک دەچێتە ناوەندی بریار پێویستە بە ئەقڵیەتێکی ژنانە بچێتە ئەوێ.

15:27

دوابەدوای دەستپێکردنی جەنگی نێوان ئیسرائیل-ئەمریکا و ئێران، ڕژێمی ئێران ئەشکەنجەدانی زیندانییانی زیاتر کردووە و بارودۆخی ناجێگری زیندانییان، نیگەرانیی خێزانەکانیانی لێ کەوتووەتەوە.