ڕۆژانە

14:30

بڕیاربوو ئەمڕۆ بە مەبەستى دەربڕینی ناڕەزایەتی بەرامبەر دانەمەزراندنیان خوێندکارە یەکەمەکانی زانکۆ و پەیمانگاکانی سنوورى سلێمانی، کۆیە و ڕانیە بچنە هەولێر و لە بەردەم ئەنجومەنی وەزیرانی هەرێمی کوردستان گردببنەوە، بەڵام لە بازگەی دێگەڵە ڕێگرییان لێکرا.

13:21

دایکانی ئاشتی و ئەنجومەنی بنەماڵەی شەهیدانی عەفرین-شەهبا، هێرشە داگیرکارییەکانی سەر کامپی مەخموور و کوشتنی نارین گۆرانی ٨ ساڵیان لە ئامەد، شەرمەزار کرد.

12:12

دوای ئەوەی سێ ژن لە لە شاری خەلیل لە باشووری کەناری ڕۆژئاوا گواسترانەوە بۆ دەستبەسەرکردنی ئیداری، ژمارەی ئەو ژنە فەلەستینیانەی لە زیندانەکانی هێزەکانی ئیسرائیلدا دەستبەسەر کراون بۆ ٢٤ ژن بەرزبووەوە.

11:55

حەورا نیکبەخت لە ناڕەزایەتی دەربڕین بە قەدەغەکردنی سەردانی و پەیوەندی کردن، لە زیندانی ئەڤین دەستی بە مانگرتن کردووە.

10:41

بەڕێوەبەرایەتی کار و ڕاهێنانی پیشەیی هەڵەبجە لە ماوەی دوو ساڵی دامەزراندنیدا چەندین خولی پیشەیی کردووەتەوە و تەنها لەم ساڵیشدا ٤٥ خول کراوەتەوە، کە ژنان تیایدا بەشداری سەرەکی بوون.

09:37

شەڕ لە کەرتی غەززە پێی ناوەتە ٣٤٠هەمین ڕۆژی خۆیەوە، سەرەڕای بڕیاری ئەنجومەنی ئاسایشی نەتەوە یەکگرتووەکان بۆ وەستاندنی دەستبەجێی هێرشەکان و فەرمانەکانی دادگای نێودەوڵەتی بۆ گرتنەبەری ڕێوشوێنی ڕێگریکردن لە کردەوەکانی جینۆساید، بەڵام شەڕ بەردەوامە.

09:30

نەوزات بەختیار، کە دەڵێت تەرمی نارین گۆرانی فڕێداوەتە ناو ڕووبارەکەوە، دەستگیر کرا.

08:54

دانیشتوانی کامپی پەنابەرانی ڕۆستەم جودی-مەخموور بە ڕێپێوانێک بۆردوومانی ماڵێکی کامپەکەیان لەلایەن فڕۆکەی بێفڕۆکەوانی دەوڵەتی تورکیاوە شەرمەزار کرد، کە بەهۆیەوە ٣ ژن بریندار بوون. لە ڕێپێوانەکەشدا بانگەوازی بۆ بەرزکردنەوەی تێکۆشان کرا.

16:33

لە درێژەی ناڕەزایەتییەکان دژی هەمووارکردنەوەی یاسای باری کەسێتی ژمارە ١٨٨ی ساڵی ١٩٥٩ ئەمڕۆ، بەڕێوەبەری نەخۆشخانەی منداڵبوون ئاماری سەبارەت بە منداڵبوونی ژنانی خوار ١٨ ساڵ خستەڕوو.

15:45

پێش یەکلاکردنەوەی دانیشتنی دۆسیەی ئەو کچە ئێزدیەی کە لەلایەن داعشەوە ڕفێندرا و لە تورکیا فرۆشرا، لێدوانێک درا و وترا: "ژمارەی ئەو منداڵانەی کە دەبنە قوربانی تاوانی سێکسی لە ماوەی ١٠ ساڵدا ٣ هێندە زیادیکردووە".

15:17

بەپێی ئەو زانیارییانەی لە میدیاکانی ئێران بڵاوکراونەتەوە، زیندانی سیاسی سارا دڵدار کە بە برینی سەختەوە لە زیندان ڕاگیرابوو، بەهۆی چارەسەرنەکردنی برینەکانیەوە گیانی لەدەستدا.

15:01

لە ئەنجامی هێرشی هێزەکانی ئیسرائیل لە ناوچەی ئەلمەواس لە خان یونس بۆ سەر چادری ئاوارەکان ٤٠ هاوڵاتی گیانیان لەدەستدا و ٦٠ کەسی دیکەش بریندار بوون.

14:23

ناهید نەقشبەندی، توێژەرى ئێران و ئەندامی ڕێکخراوی مافی مرۆڤی جیهانی ڕاپۆرتێکی لە بارەی دوو ساڵ لە دەستپێکردنی  سەرهەڵدانی شۆڕشی "ژن، ژیان، ئازادیی" بڵاوکردەوە، تیایدا داوا دەکات، دەسەڵاتی دادوەری، دەستگیرکراوان ئازاد بکات و دادگای دادپەروەرانە بەڕێوەببات.

14:15

ئەنجومەنی کانتۆنی عەفرین-شەهبا بە ڕاگەیاندراوێک هێرشەکانی دەوڵەتی تورکی بۆ سەر شەهبا و شارۆچکەی شێراوای عەفرین شەرمەزار کرد.

13:37

لە ڕۆژی جیهانی خوێندەواریدا، تاڵیبان بە دانانی پۆستەری پڕوپاگەندە ویستویەتی نیشان بدات کە لەگەڵ خوێندەواریدا، شەهلا وەسیل دەڵێت: تاڵیبان دەیەوێت بەم کردەوانە ئەو تاوانانەی بەرامبەر ژنان ئەنجامی دەدەن بسڕێتەوە، بەڵام ئێمە هەرگیز خۆمان بەدەست نەزانییەوە ناد

12:58

کۆنگرەی ستار ڕاگەیەندراوێکی سەبارەت بە کوشتنی نارین گۆرانی تەمەن ٨ ساڵان بڵاوکردەوە و دەڵێت: "ئەو دڕندەییەی بەسەر تەرمی نارینی تەمەن ٨ ساڵدا کراوە، گورز و هێرشێکە لە دژی بەها و کەرامەتی مرۆڤایەتی".

11:29

دوای ململانێیەکی زۆر لەگەڵ نەخۆشی، ئەنیسە خەمیس بن جوبەیر کە بە یەکێک لە گرنگترین کەسایەتییە میدیایی و هونەریەکانی یەمەن دادەنرێت، لە قاهیرە کۆچی دوایی کرد.

10:52

لە تورکیا توندوتیژی و دەستدرێژیکردنە سەر منداڵان زیادی کردووە، بەپێی داتاکانی پەیمانگای ئاماری تورکیا لە ساڵی ٢٠٢٣دا ٢٥٩ هەزار و ١٠٦ منداڵ دەستدرێژییان کراوەتە سەر، ئەمەش بە واتای زیادبوونی ٪٨٩.٨.

09:49

ساڵی نوێی خوێندنی قوتابخانەکانی خۆبەڕێوەبەری لە باکوور و ڕۆژهەڵاتی سووریا دەستی پێکرد، قوتابیانی قوتابخانەکانی قامیشلۆ دڵخۆشی خۆیان دەربڕی و ڕایانگەیاند: خۆشحاڵین بە زمانی دایکی دەخوێنین و بۆ سەرکەوتن تێکۆشان دەکەین.

09:08

٢٦ ڕێکخراوی مافی مرۆڤ بەیاننامەیەکی هاوبەشیان بڵاوکردەوە و سزای لەسێدارەدانی پەخشان عەزیزی، ڕۆژنامەنووس، توێژەری کۆمەڵایەتی و داکۆکیکاری مافی ژنانیان شەرمەزار کرد و داوای ئازادکردنی دەستبەجێ و بێ مەرجیان کرد.