ڕۆژانە

16:19

خۆبەڕێوەبەری باکوور و ڕۆژهەڵاتی سووریا ڕێکارەکانی گەڕانەوەی ٢٢٤ خێزانی عێراقی لە کامپی هۆلەوە بۆ وڵاتەکەیان تەواوکردووە، کە داواکاریی گەڕانەوەیان پێشکەشکردبوو.

15:30

لەگەڕەکی قەندیل لە شارۆچکەی چوارقوڕنە، پیاوێک دەستڕێژی گولـلـەی لە ماڵی باوکی هاوژینەکەی کردو ژنێک گیانی لەدەستداوە و سێ کەسێکی دیکەش بریندارن.

15:22

بزووتنەوەی "السبت الأرجواني" پشتڕاستی کردەوە کە دیاردەی هاوسەرگیری منداڵ و دایکایەتی زوو لە ئەفغانستان بە ڕێژەیەکی مەترسیدار لە زیادبووندایە.

14:40

لە هەنگاوێکی سیاسی گرنگدا کە ڕەنگدانەوەی ڕۆڵی دیار و بەرچاوی ژنانە لە پێشەنگایەتیکردنی هەوڵە دیپلۆماسییەکان، شاندێکی خۆبەڕێوەبەری دیموکراتیکی باکوور و ڕۆژهەڵاتی سووریا بۆ یەکەمین دیدار لەگەڵ حکومەتی کاتی گەشتیان کرد بۆ دیمەشقی پایتەختی سووریا.

14:15

لە میانی یاری تۆپی باسکە لە نێوان "عنابە" و"سريع علی منجلی" لە جەزائیر، توندوتیژی سەریهەڵدا، لە نێوان خراپی ڕێکخستن و نەبوونی ڕێوشوێنی ئاسایشی پێویستدا، دەستدرێژی جەستەیی کرایە سەر یاریزانان.

13:25

دوو ژن لە ئێران سزای زیندانیی کردنیان بەسەردا سەپێندرا و سێ ژنی دیکەش دەستبەسەر کران.

13:06

لە ئەفغانستانی ئەمڕۆدا ژن بوون نەک تەنها بە واتای بەرەنگاربوونەوەی نەریتە پیاوسالارییە چەسپاوەکانە، بەڵکو ڕزگاربوون لە توندوتیژییە ئاشکراکانی گروپە بناژۆخوازەکانیش. ئەم توندوتیژییە تەنیا جەستەیی نییە بەڵکو دەروونییە.

11:20

جوانرود لە ڕۆژهەڵاتی کوردستان کە بە پێکەوەژیانی نێوان ئایینەکان ناسراوە، ئەمڕۆ ڕووبەڕووی ئاڵەنگاریەکی نوێ دەبێتەوە، ئەویش بڵاوبوونەوەی ئایدۆلۆژیای سەلەفیی توندڕەو، کە نەک هەر کولتووری ناوخۆیی دەکاتە ئامانج بەڵکو هەڕەشە لە پەیوەندییە خێزانییەکان دەکات.

10:11

کوشتنی ژنان بەدەستی پیاوان بەردەوامی هەیەو لە بەغدا ژنێکی گەنج بەدەستی براکەی کوژرا.

09:59

کوردی خەبات، مامۆستای ڕەگەز لە ئەکادیمیای خولی پەروەردەی پارێزگای فورات لە باکوور و ڕۆژهەڵاتی سووریا، جەختی لەوە کردەوە کە فێرکردنی ڕەگەز گرنگ و مانادارە بۆ بنیاتنانی عەقڵ و کۆمەڵگەیەکی ئازاد و دیموکراتی و ژینگەدۆست.

08:53

لە دانیشتنی دۆسیەی کوشتنی نارین گۆرانی تەمەن ٨ ساڵ، بۆ ١٥کەس لە تاوانباران سزا بڕایەوە.

15:14

ئاژانسی فریاگوزاری و كارەكانی نەتەوەیەكگرتووەكان بۆ پەنابەرانی فەڵەستین بڵاویكردەوە، كەلوپەلی پێویست لە كۆگاكەیان لە ئوردن هەیەو داوا دەکات ێداویستییەكان بەبێ بەربەست بگەیەنرێتە غەززە.

14:38

شیرین عەبادی خاوەن خەڵاتی نۆبڵی ئاشتی ڕەخنەی لە بێهەڵوێستی و بێدەنگی نوسینگەی یونیسێف لە ئێران سەبارەت بە پێشێلکارییە قورسەکانی مافەکانی منداڵان لەوان لەسێدارەدانی منداڵان گرت.

13:46

هاوپەیمانیی نادا ڕایگەیاند، لە غەززە و سودان ئاوارەبوونی زۆرەملێ وەک ئامرازی سەرکوتکردن بۆ داڕشتنەوەی ڕۆژهەڵاتی ناوەڕاستی نوێیە.

13:25

ڕیحان مۆبینی وەرزشکاری ئێرانی بە بازدانی ٦.٤٠مەتر نازناوی بازدانی درێژی پاڵەوانێتی وەرزشی ئاسیای لە کۆریای باشوور بەدەستهێنا.

12:09

دەرسیم زێرەڤان، سەرۆکی کۆمەڵەی کەزی و دەرهێنەری فیلمی سوارەکانی شەنگال ڕایگەیاند کە سینەما باشترین ڕێگایە بۆ ئەوەی ژنان خۆیان دەرببڕن و داوای لە ژنان کردخاوەنداری بکەن.

09:32

فادیلە تۆک ئەندامی ئەنجومەنی عشتار کە بەشداریی لە ئێشکگری کامپی مەخمووردا کرد، دەڵێت: چالاکییەکانمان بەردەوام دەبن تا ڕێبەر ئاپۆ بە شێوەیەکی جەستەیی ئازاد دەکرێت.

08:58

ئەنجامنامەی یەکەمین کۆنفرانسی ژنانی پەرلەمانتارانی کورد بڵاوکرایەوەو ئاماژە بەوەکرا، یەکگرتوویی ژنانی پەرلەمانتاری کورد لە چوار بەشی کوردستان دەبێتە پاڵپشتی یەکڕیزی کورد.

15:44

دانیشتووانی شاری سوەیدای سووریا بۆ تاوانبارکردنی پێشێلکارییەکانی دژی کارمەندانی پزیشکی، داوای پاراستنی کارمەندانی تەندروستی، خۆپیشاندانێکی ناڕەزایەتییان ڕێکخست.

14:42

لە هەنگاوێکی بوێرانەدا بۆ هۆشیارکردنەوەی هاوڵاتیان سەبارەت بە تەندروستی سوڕی مانگانە و شکاندنی ئەو تابوانەی پەیوەستن بەوەوە، دامەزراوەی ژنانی جەزائیر بە هاوبەشی لەگەڵ مۆڵپێد هەڵمەتێکی نیشتمانی بە ناوی "من حقی" دەستپێکرد.