ناوەندی هەواڵ

 

دەستپێشخەری کۆمەڵایەتی بۆ ئاشتی لە یەکێک لە هۆتێلەکانی شاری تەقسیم لە تورکیا کۆنگرەیەکی ڕۆژنامەوانی ئەنجامدا و ڕایگەیاند، کە هەزار و ٣٨١ کەس ڕاگەیانراوێکیان واژۆ کردووە کە ناڕەزایەتیان بەرامبەر هێرشەکانی ڕۆژئاوای کوردستان دەربڕی.

 

ئەو کۆنگرە ڕۆژنامەوانییە کە ٢٧ی کانوونی دووەم لەلایەن دەستپێشخەری کۆمەڵایەتی بۆ ئاشتی لە تورکیا بەڕێوەچوو، ژمارەیەکی زۆر لە هاوڵاتیان و چالاکوانان ئامادەی بوون، لە میانی کۆنفرانسەکەدا پانکارتیکی گەورە لە هۆڵەکەدا هەڵواسرا کە لەسەری نووسرابوو، "هێرش مەکەنە سەر ڕۆژئاوای، زیان بە خوشک و برا کوردەکانم مەگەیەنن، ئێمە مەکەن بە دراوسێی هەتەشە” پەیامێکی ڕوون و ئاشکرای ئیدانەکردنی هێرشەکان و داوای هاودەنگی دەکات.

 

"ئێمە بەرەو بنبەستێک دەڕۆین"

نووسەر ئایشە گول دەڤیچی ۆئۆغڵو لەمیانی کۆنگرەکەدا وتی: دوای زیاتر لە چل ساڵ شەڕ و لە کاتێکدا کە خۆمان بە هیوای ئاشتیەوە لکابووین، جارێکی دیکە دەکێشرێینە ناو بنبەست و تاریکییەکی تەواوەوە، پشتیووانی تورکیا لە چەتەکانی هەتەشە بەو واتایەیە کە تورکیا ڕووبەڕووی کێشەیەکی ئاسایش زۆر ڕاستەقیننەتر دەبێتەوە.

 

ئاماژەی بەوەشکرد، بەردەوامی پشتیوانیکردن لە هەتەشە، گروپێکی سەلەفی، جیهادی دوژمنایەتی ژنان و عەلمانیەت، دەبێتە هۆی زیاتر ناسەقامگیری ڕۆژهەڵاتی ناوەڕاست و پاڵنانی زیاتری لە دیموکراتی و عەلمانییەت، بە هاوکاری ئەمریکا و ئیسرائیل.

جەختیلەوەکردەوە، ئەم هێرشانە دەگاتە لەناوبردنی فرەچەشنی کۆمەڵایەتی، هەروەها ئەم هەڵوێستە وادەکات دەوڵەتی تورکیا کێشەی کوردی و عەلەوی خۆی چارەسەر بکات، گواستنەوە بۆ دیموکراتی، خۆی لەو بازنەی شەڕ و ململانێ ڕزگاری بێت کە ساڵانێکە سەرچاوەی گشتیی ڕژاندووە، بەسەر قەیرانە ئابوورییەکەیدا زاڵ بێت.

 

"ئەوان بچوکترین مەترسی ئاسایشییان بۆ سەر تورکیا دروست نەکردووە”

ئایشە گول دەڤیچی ۆئۆغڵو ئاماژەی بەوەدا، کە کوردەکانی سووریا لە ماوەی سێزدە ساڵەی خۆبەڕێوەبەریدا هیچ مەترسییەکی ئاسایشیان بۆ سەر تورکیا دروستنەکردوو و وێناکردنیان وەک "کێشەی بوون" لە پێداگرییەوە سەرچاوەی گرتووە لەسەر ڕەتکردنەوەی مافی یەکسانی هاوڵاتیبوونیان، چ لە ئاستی ناوخۆ و چ لە ئاستی نێودەوڵەتیدا.

 

دووپاتی کردەوە، کە کورد کە بۆ جینۆساید دەکرێنە ئامانج، نوێنەرایەتی بەرخۆدان دەکەن لە بەرامبەر هەوڵەکانی نوقمکردنی سوسریا و ڕۆژهەڵاتی ناوەڕاست بۆ ناو توندڕەوی سەلەفییەکان، ئەو پێکهاتە ئۆتۆنۆمییەی ئێستا لە ڕێگەی ڕزگارکردنی ناوچەکە لە دەستی داعش بەدیهاتووە.

 

ئاماژەی بەوەشکرد، پێویستە هەمووان قوربانیانی داعش لە تورکیا لەبیر نەکەن، سەرەتا لە کۆمەڵکوژی سوروچ و کۆمەڵکوژی ١٠ی تشرینی یەکەموە دەست پێدەکات لەگەڵ ئەو زەبر و زەنگە قووڵەی کە لەدوای خۆیان بەجێیان هێشتووە، هەروەها هەموو کارێکی هەڵە زەبر و زەنگی مێژوویی بەرهەم دەهێنێتەوە و پرسیاری ئەوەی کردووە "ئایا ئێمە بێزار نەبووین لە مێژوویەک کە بە درۆ نووسراوە و ئێستایەک کە دەنگۆ و وروژێنەری زاڵ بێت؟ ئایا دەتوانین داهاتوویەکی هاوبەش لەسەر ئەم بناغەیە بونیاد بنێین؟ ئایا دەتوانین داهاتوومان بە زمانی ڕق و کینە نابەرپرسیارانە بونیات بنێین؟

 

”چارەسەرێکی ئاشتیانە و دیموکراتی”

ئایشە گول دەڤیچی ۆئۆغڵو، نووسەر بە بیرهێنانەوەی کۆمەڵکوژییەکانی کورد لە سووریا، وتی: ئاشتی بە شەڕ بەدی نایەت، ئاشتی لەسەر دڵی شکاو و بریندار و چەوسێندراە بونیاد نادرێت.

 

لە کۆتاییدا، وتی: ئێمە هاوڵاتیبوونی یەکسان و ژیان بە زمانی دایکی و دیموکراتی ناوخۆیی و ناناوەندی وەک مسۆگەری بۆ ئاشتی و دیموکراتی لەم وڵاتەدا دەبینین، ئێمە دەمانەوێت لەگەڵ کورد و ئەوانی دیکەی ناسنامەی جیاوازدا وەک هاوڵاتییەکی ئازاد و یەکسان بژین، بۆیە داوای گەڕانەوەی خێرا دەکەین بۆ پرۆسەیەکی سیاسی لە سووریا کە فرەچەشنی و ئاشتی و دیالۆگ لە پێشینەدا بێت، ئێمە دەمانەوێت پرۆسەکە لە وڵاتدا کە پەیوەندی بە داهاتووی هەموومانەوە هەبێت، نەک بە دوورکەوتنەوە لە دیموکراتی و سەروەری یاسا، بەڵکو بە پلەی یەکەم بە جێبەجێکردنی مەرجەکانی دیموکرات و سەروەری یاسا، لە ژێر مسۆگەری یاساییدا، بە ڕوونی گشتی و بە گەیشتن بە چارەسەرێکی ئاشتیانە و دیموکراتی لەسەر بنەمای مافە گشتگیرەکان کۆتایی پێبێت.