ڕۆژانە

13:18

زیاتر لە نۆ ڕێکخراوو سەندیکای تەندروستی لە شاری سلێمانی بە بەشداری چەندین پزیشکی بەتوانا، بۆ گەیاندنی هاوکارییە تەندروستییەکان بە ڕۆژئاوای کوردستان کۆنگرەیەکی ڕۆژنامەنووسیان ڕێکخست.

12:54

لە یانزەیەمین ساڵڕۆژی ڕزگاربوونی کۆبانێ لە دەستی داعش، لیژنەی کۆردیناسیۆنی کۆنگرەی ستار دەڵێت: ڕۆحی بەرخۆدانی شارەکە بە زیندوویی ماوەتەوە و بە یەکڕیزی و ئیرادەیەک بۆ ئازادی و دیموکراتیک ڕووبەڕووی هێرشی نوێ دەبێتەوە.

12:50

لە ڕانیە بە دەستپێشخەریی بەڕێوەبەرایەتی گشتیی پەروەردەی ڕاپەڕین و بە بەشداریی هەزاران خوێندکار و مامۆستا، گردبوونەوەیەکی شکۆدار بۆ پشتیوانیكردن لە بەرخۆدانی ڕۆژئاوای کوردستان بەڕێوەچوو و تێیدا جەخت لە یەکێتیی نەتەوەیی کرایەوە.

12:19

شەڕڤانێکی یەپەژە کە بەڕەچەڵەک هاوڵاتی شاری عەفرینی داگیرکراوە و ئێستا لە سەنگەرەکانی بەرخۆدان لە حەسەکە جێگیر بووە، دەڵێت: هێزم لە ڕێبەرەکەمان و گەلەکەمانەوە وەردەگرێت، و هیچ ڕێگەیەکمان نییە جگە لە بەردەوامبوون لە بەرخۆدان.

11:21

میدیای ئازاد دەبێت لە گەل نزیک بێت و دەست لە برینەکانی بدات و بە ڕاستگۆیی ئازارەکانی بگەیەنێت، بۆ ئەوەی سەرەڕای هەموو هەوڵێک بۆ زانیاری هەڵە و شێواندن دەنگی ڕاستی ئامادەیی بمێنێتەوە.

10:24

دەستەی ئەنجومەنی گەلی ڕاپەڕین ئاماری کەمپینی هاوکاری بۆ ڕۆژئاوای کوردستان بڵاوکردەوە، کە تێیدا لە ماوەی تەنها سێ ڕۆژدا تواندراوە سێ تریلە پێداویستی جۆراوجۆر و بڕی ٥٠ هەزار دۆلار لەلایەن دانیشتووانی ناوچەکە و ڕەوەندی کوردییەوە کۆبکرێتەوە.

09:43

ڕۆژنامەنووسی فەرەنسی مانۆن کیرۆل کە چووەتە باکوورو ڕۆژهەڵاتی سووریا، بە جیهان دەڵێت: چۆن بەرخۆدانی ئەم ژنانە، ئەم گەنجانەتان لەبیر کرد؟ نابێت خیانەت لە بەرخۆدانی شەڕڤانان بکرێت.

09:37

ڕۆژنامەنووس نیاز عەبدوڵا دەڵێت: بە درێژایی مێژووی خەباتی ڕزگاریخوازی کوردستان و شۆڕشەکانی کوردستان، ژنی کورد بەشێکی بنەڕەتی بووە لە خەبات و تێکۆشان دژ بە داگیرکاری و فاشیزم.

08:45

بەهۆی هێرش و بۆردوومان لە کۆبانێ منداڵێک گیانی لەدەستداو سێ منداڵی دیکەش لە هەمان خێزان برینداربوون.

08:09

ژنانی کۆیەو ڕۆژئاوا بە گردبوونەوە کارە تیرۆریستەکانی چەکدارانی سەر بە جۆلانی شەرمەزار دەکەن.

19:20

لە گەڕەکی خەربی شاری قامیشلۆ، هێزیك لە گەنجانی گەڕەکەکەوە لەسەر بنەمای خەباتی گەلی شۆڕشگێڕ بەناوی "دەنیز چیا" دامەزرا.

18:46

لە بەردەوامی رێپێوان و گردبوونەوەکاندا، ئەمرۆش لە بەردەم باخی گشتی سلێمانی، خۆپیشاندانی فراوان بە ناوی "یەکشەممەی شەهید دەنیز" بە مەبەستی پشتگیریکردنی ڕۆژئاوای کوردستان بەڕێوە چوو، کە چالاکوانان و هاووڵاتییان لە توێژە جیاوازەکان بەشداربوون.

14:03

لە چوارچێوەی پەرەسەندنی سەربازی بەردەوام لە سووریا و گۆڕینی خوێندنگەکان بۆ پەناگە، هەزاران منداڵ لە مافی خوێندنی پاریزراو بێبەش دەکرێن، تووشی لێکەوتەی قووڵی دەروونی و کۆمەڵایەتی دەبن کە مەترسی لەسەر داهاتوویان هەیە.

13:21

نەسرین ستودە، چالاکوان سەرکوتکردنی ناڕەزایەتییەکانی ڕۆژهەڵاتی کوردستان و ئێران بە ئەڵمانی نازی، یوگۆسلاڤیای پێشوو و ئەفریقای باشوور بەراورد کردو دەڵێت: کاتێک تاوانەکان دژی دانیشتووانێک بەربڵاو و سیستماتیک بن، ئەوا تاوانی دژ بە مرۆڤایەتینن.

12:51

لیندا هیس، چالاکوانی مافەکانی مرۆڤی بەریتانیا ڕایگەیاند، کورد لە ڕۆژهەڵاتی ناوەڕاستدا بە دەست توندڕەویی ئایینییەوە دەناڵێنێت، ژنانی کورد لەسەر لووتکەی چیاکان دەوەستن و پارێزگاری لە ئازادیی دەکەن.

12:29

ئیدارەی خۆبەڕێوەبەریی ڕایدەگەیەنێت، ڕاگەیاندنی ئاگربەست بە بیانووی گواستنەوەی چەتەکانی داعشەوە، دەرخەری ئەوەیە هێشتا مەترسییەکان لەسەر گەل و ناوچەکانمان بەردەوامن، داواش لە گەل دەکات، کە درێژە بە ناڕەزایەتی و چالاکییەکانیان بدەن.

12:14

بە دروشمی "ڕۆژئاوا ڕۆژهەڵاتە کوردستان یەک وڵاتە" مامۆستایان و ۲۱ خوێندکار بە هەڵگرتنی ئاڵای کوردستان، لەبەردەم پەروەردەی ڕۆژئاوا، پشتیوانیان بۆ ڕۆژئاوای کوردستان دەربڕی.

11:06

سەرەڕای هێرشە بەردەوامەکانی چەتەکانی هەتەشە و باندەکانی داعش، ژنانی تل تەمر پشتیوانی بێوچانی خۆیان بۆ هەسەدە دووپاتکردەوە و بەڵێنیاندا کە هێرشەکان بۆ سەر پڕۆژە دیموکراتیکەکەیان تێکدەشکێنرێت.

10:37

ئەمڕۆ لە خوێندنگەکانی باشووری کوردستان لەسەر بریاری وەزارەتی پەروەردەی هەرێم، وانەی یەکەم تەرخانکرا بۆ پشتیوانی بەرخۆدانی ڕۆژئاواو باسکردن لە خۆشەویستی خاک و نیشتیمان.

10:24

بۆ هەر کەزییەک کە بڕاوە، ملیۆنان کەزی تر دەهۆندرێتەوە، لە کامی پەنابەران لە مەخموور، زۆرێک لە ژنان لە ناڕەزایەتییەکدا بە کەزیکردنی قژیان هاودەنگییان نیشان داو وتیان: هەر تاڵێک ئیرادە و شکۆمەندییان بەهێزتر دەکات.