ڕۆشێل جونیوڕ

 

سوەیدا- شاری سوەیدای سووریا شایەتی پەرەسەندنێکی خوێناوی بێ وێنەی بەخۆیەوە بینی، گوندەکان گۆڕدراون بۆ بەرەکانی شەڕ و شوێنی پەرستن بۆ پەناگە بۆ ڕزگاربووانی کۆمەڵکوژییەکان، لە کاتێکدا کە لێدوانە فەرمییەکان تەنیا ژمارەی قوربانیان و ئاوارەکان دەخەنە ڕوو، دەنگی ژنان لە دڵی دۆخەکەوە بەرز دەبێتەوە بۆ گێڕانەوەی چیرۆکێکی ترسناکتر لە ژمارەکان.

 

لە چەند ڕۆژی ڕابردوودا شاری سویدەی سوریا بووەتە گۆڕەپانی شەڕی توندوتیژی نێوان لایەنە ناوخۆییەکانی دروز و گروپە چەکدارەکانی سەر بە جیهادییەکانی هەتەشە، ڕاپۆرتەکانی لەسێدارەدانی مەیدانی و تاڵانی سیستماتیکی و سووتاندنی ماڵ و دوکانەکان ئاشکرا دەکەن کە لەلایەن گروپە تیرۆریستییەکانی سەر بە جیهادیەکانی هەتەشە ئەنجامدراون.

 

"ئەمە دەوڵەت نییە، بەڵکو سیستمێکی تاوانکارییە"

سەمیە یوسف، هاوڵاتی گوندی سامیع، ساتەکانی هەڵهاتن اا تەقەدا باس دەکات، بەناچاری لە نێو تەقەی چاکەکاندا، بە درێژایی ڕێگایەکی لاوەکیدا هەڵهاتین، بە تانک و چەکی قورس هێرشیان کردە سەر گوندەکە، بەسەر هاوڵاتیاندا ڕۆیشتن و بێ بەزەییانە لە شەقامەکاندا کوشتیان، تەنانەت نەمانتوانی تەرمەکان دەستنیشان بکەین؛ خانووەکان سووتێنران و تاڵان کرابوون، و... دڕندەییەکان لە دەرەوەی پێناسرکردن بوون.

 

قسەکانی سامیە یوسف گوزارشت لە گەورەیی ئەو کارەساتە دەکات کە گوندەکەی شاهیدی بووە، ئەو بە دەنگێکی توڕەییەوە وتی: ئەوەی بەسەر ئێمەدا هاتووە تەنانەت بەراوردیش ناکرێ بەو کارەی مەغۆلەکان یان تاتارەکان کردوویانە، ئەوەی ئێمە تووشی بووین کاری یەک دەوڵەت نییە، بەڵکو زیاتر کاری ڕێکخراوێکی تاوانکارییە کە هەڕەشە لە هەموو مرۆڤایەتی دەکات، هەرکەسێک دەستی پشتیوانییان بۆ درێژ بکاتەوە، هاوبەشی تاوانەکەی ئەوان ئەهریمەنێکن کە بە خوێنی سارد دەکوژن، لە ڕاگەیاندنەکان درۆ دەکەن، ئینجا هاوڵاتیان سەرئەبڕن و جیهان هەڵدەخەڵەتێننکە ئەوان ئاشتیخوازن.

 

ئاماژە بەوە دەکات کە هەندێک گروپە خێڵەکیەکانیان قۆستەوە بۆ ئەوەی پاڵیان پێبدەن بۆ داگیرکردنی سوەیدا، ئەوان بە هاندانیان بۆ وروژاندنی نائارامی و دابینکردنی بیانوویەک بۆ دەستێوەردان لە دروشمی گەڕاندنەوەی ئاسایش و سەقامگیریدا، فریویان دا، بەڵام هەر کە چوونە ژوورەوە، تایبەتمەندییە تائیفیەکان لە کردەوەکانیاندا دەرکەوت.

 

سەبارەت بە پێشوازیی هاوڵاتیانی سوەیدا لە ئاوارەکانی ناوچەکانی دیکە، وتی: ئێمە دەرگاکانمان بەڕووی هاوڵاتیانی ‌‌‌حوراندا کردەوە، بە مرۆڤایەتی پێشوازیمان لێکردن، ماڵ و خواردنمان لەگەڵیاندا بەش کرد، بەڵام ئەوان بە دزی و دەستدرێژی وەڵامی مامەڵە باشەکەمانیان دایەوە.

 

ئاماژەی بەوەشکردووە، بێ ماڵ و حاڵ بوون، ڕۆژانە خەبات دەکەین بۆ دۆزینەوەی خۆراک، شەوەکە لە مەزارگەی عەین زەمان بەسەر دەبەین، کە دەیان خێزان لە ژێر سەقفێکدا کۆدەبنەوە، لە ماڵێکەوە بۆ ماڵێکی دیکە بە دوای سەلامەتیدا داگەڕێین، بەڵام هیچمان نەدۆزیەوە.

 

سەمیە یوسف پەیامێکی ئاراستەی جیهان کرد و وتی: ئەوەی دەگوزەرێت دەرکەوتنی سیستەمی دەوڵەتی نییە، بەڵکو باڵادەستی باندێکی تاوانکارییە کە لە پشت دروشمی ناڕاستەوە خۆیان حەشارداوە، تەنانەت سوننە میانڕەوەکانیش لە دڕندەیی خۆیان ڕزگاریان نابێت، هەرکەسێک ویژدان و ئەخلاقی هەبێت لەبەرامبەر ئەو تاوانکارییە بێکارانە ڕاناوەستێت،بە هیچ شێوەیەک بەخشندەی کەس ناکەن و لە کۆتاییدا یەکتر لەناو دەبەن.

"منداڵان لە دڵی شەڕدا"

جود ڕەباح، هاوڵاتی گوندی سامیع، ڕادەی ئەو ئازارانە دەگێڕێتەوە کە بەسەر هاوڵاتیانی گوندەکەی و ناوچەکانی دەوروبەریدا هاتووە. ئاماژەی بەوەشکردووە، هەموومان بەبێ جیاوازی کاریگەریمان لەسەر بوو، هیچ بژاردەیەکی دیکەمان نەبوو جگە لە هەڵاتن لە تۆپبارانەکان، پەنامان بۆ ماڵێک لە سوەیدا، پاشان شوقەیەکی دیکە، بەڵام بە زەحمەت بە سەلامەتی مایەوە، تەقینەوەکان لە هەموو ئاراستەیەکەوە دەوریان داین، لەکاتێکدا منداڵانی بچووک لە تەمەنێکی بچووکەوە لە ترسدا دەژیان.

 

ئاماژەی بەوەشکردووە، خانووەکان تاڵان کران، گوندەکان سووتێنران و ئەو تیرۆرەی کە ئەزموونمان کرد لە یادەوەرییەکانماندا چەسپاوە، هەرچەندە کات تێپەڕێت ناسڕێنەوە.

"گوندەکە بە تەواوی وێران بوو"

نەزیهە مەلاک، هاوڵاتی گوندی سعلە، وردەکارییەکانی ئەو کارەساتە دەگێڕێتەوە کە گوندەکەی خۆی گرتەوە و وتی: قەڵغانەکان گوندەکەمانیان گرتەوە، دواتر ئاگر هات و سووتاندی ئێمەیان لە ماڵی خۆمان ئاوارە کرد، سەدان کەسیش بێ ڕەحم بوون کوژران، تەنانەت دار زەیتونەکانیش کە هێمای خۆڕاگری بوون، ڕزگاریان نەبوو، زیاتر لە ٣٥٠ کەسیش ڕزگاریان نەبوو، کوژراوەکان لە منداڵانەوە تا بەساڵاچووان، بە شێوەیەکی دڕندانە سەربڕدراون تانک و چەکی قورس هێرشیان کردە سەر گوندەکە و کەسیان لە دوای خۆیان نەهێشتەوە، ئێمە بەو جلوبەرگانەی لەبەرمان بوو هەڵاتین، جگە لە ترس هیچی ترمان نەبوو، گولەکانیش بەدوای ئێمەدا هاتن. ئەمڕۆ ئەگەر گوندەکە لە تیرۆر ڕزگاریش بووبێت، ئیتر شیاوی نیشتەجێبوون نییە، چونکە لەسەر ڕووی زەوی سڕدراوەتەوە.