شنگال

 

ژنان لە دۆڵی قەرسی شنگال ڕۆژی جیهانی ژنانیان بەرز ڕاگرت و پەیامێکی ڕێبەر عەبدوڵا ئۆجالانیش لە کاتی ئاهەنگەکەدا گرنگییەکی تایبەتی پێدرا، لە پەیامەکەیدا هاتووە: پێشکەوتنەکانتان بە گرنگ دەزانم، بە سەردەمی قارەمانێتی ژنان دەزانم، پیرۆزباییتان لێدەکەم.

 

تەڤگەری ئازادی ژنانی ئێزدی”تاژێ” لە دۆڵی قەرسی شنگال ئاهەنگێکی بۆ ڕۆژی جیهانی ژنان سازکرد، کە تێیدا ژنان بە پۆشینی جلوبەرگی نەریتی خۆیانەوە بەشدارییان کرد.

 

ڕێبەری گەلی کورد عەبدوڵا ئۆجالان پیرۆزبایی خۆی ئاراستەی سەرجەم ژنان و ژنانی ئێزدی لە سەرانسەری جیهان کرد، جێگەی سەرنجی ئاهەنگەکە پەیامەکەی بوو بۆ ژنان، کە تێیدا ڕایگەیاندبوو، زیاتر حەزم لە ژنان بوو، کاتێک لە سۆسیالیزمی پێکهاتەیی تێدەپەڕین، هەڵبژاردنەکە دەبێتە: بۆ ئەوەی سۆسیالیست بین، دەبێت لە پەیوەندییەکی ئازادی ڕاستەقینە لەگەڵ ژنانەوە سەرچاوە بگرێت، تەنانەت بوون بە مرۆڤێکی ڕاستەقینە، دوور لە کۆت و بەندەکانی جیهانی ئاژەڵان، تەنها کاتێک دەکرێت کە پێوەرە یەکسان و ئازاد و ڕەوشتی و جوانکارییەکان لەگەڵ ژناندا جێگیر بکرێن.

 

دوای خوێندنەوەی پەیامەکە، ڕیهام حاجۆ، وتەبێژی تەڤگەری ئازادی ژنانی ئێزدی ”تاژێ” باسی لە واتا و گرنگی ٨ی ئادار کرد.

 

ئاماژەی بەوەشکردووە، ئەمڕۆ زیاتر لە جاران، ڕۆژی هاودەنگی و پێکەوەییە، ڕۆژی خۆشەویستی و دڵسۆزییە، ڕۆژێکە بۆ بەرگریکردن لە ناسنامە و کولتوورەکەمان، هەروەها ئێمەی ژنان لە ماوەی ١٠ ساڵی ڕابردوودا بارگرانییەکی سەختی شۆڕشمان لە ئەستۆ گرتووە، پێشەنگایەتی کۆمەڵگەکەمان کردووە، ئێمە لە تەڤگەری ئازادیی ژنانی ئێزدی”تاژێ” ١٠ ساڵە خەبات دەکەین، لەم ڕۆژەوە بەدواوە هەرچی داوامان لێ بکرێت دەیکەین بۆ پاراستنی ئەم پێکهاتە و ئەم کولتوورە و ئەم شاخە و ئەم گەلە.

 

ئاماژەی بەوەشکرد، ڕۆژانە ژنان لە ڕۆژهەڵاتی ناوەڕاست و عێراق و لە سەرانسەری جیهاندا دەکوژرێن، ئەو ژنانەی خۆڕاگرن و تێکۆشان بۆ مافەکانیان ڕۆژانە لەلایەن سیستمی پیاوسالارییەوە دەکوژرێن، ئێمە ژنانی پێش ساڵی ٢٠١٤ نین، ئێمە ژنی ڕێکخراوین، ئێمە ئەمڕۆ ژنی بەهێزین، خاوەنی ڕەوشت و زانستین، بە زانیاری و ڕێکخستنمان ڕووبەڕووی هەموو هێرش و فەرمانەکان دەبینەوە، بەردەوام دەبین لە خەبات تا ئەو کاتەی خۆمان دەستەبەر دەکەین ئازادی و دەستکەوتەکانمان.

 

ڤیان حەبابی، فەرماندە لە یەکینەکانی ژنانی شنگال ”یەژەشە”، لە ئاهەنگەکەدا وتارێکی پێشکەشکردووتی: ژن هەرگیز ڕادەستی هیچ شەڕانگێزی و بێباکییەک نەبوون، باجەکەی بۆ ئەم دۆزە بە بەخشندەیی داوە، هەزاران ژن گیانی خۆیان بەخت کردووە لە پێناو ئازادی ژنان، بۆ ئەوەی ئەمڕۆ بتوانین بڵێین ئێمە ئازاین، ئێمە لە یەکینەکانی ژنانی شنگال”یەژەشە” دەیکەین، هەروەها تۆڵەی ئەو ژنە ئێزدییانە بکەینەوە کە لە ڕێگەی خەباتەکەمانەوە بە دیل گیراون ئێمە بۆ ئەو ژنانە دەجەنگین کە دڵیان تامەزرۆی ئازادییە و لەم ڕۆژەوە بەردەوام دەبین لە خەباتمان بۆ هەموو ژنانی ئێزدی.