ناوەندی هەواڵ

 

لە لاپەڕەی تایبەتی خۆی لە تۆڕی کۆمەڵایەتی ئێکس، سەبارەت بە ڕاگەیاندنی ڕێککەوتنی ئاگربەستی هەمیشەیی لەلایەن هەسەدەوە، ئیلهام ئەحمەد، هاوسەرۆکی فەرمانگەی پەیوەندییەکانی دەرەوەی ئیدارەی خۆبەڕێوەبەریی دیموکراتیکی هەرێمی باکوور و ڕۆژهەڵاتی سووریا، پەیامێکی بڵاوکردەوە.

 

دەقی پەیامەکەی ئیلهام ئەحمەد بەمشێوەیەیە:

''سوپاس و پێزانینی قووڵی خۆمان بۆ وڵاتان و لایەنە نێوەندگرەکان دەردەبڕین کە لە پێشەنگییانەوە ئەمریکا و فەرەنسا لە پای هەوڵی ماندوو نەناسانەیان لە گەیشتن بە ڕێککەوتنێک لە نێوان حکومەتی سووریا و هێزەکانی سووریای دیموکراتیک کە هەنگاوێکی بەرچاو بەرەو سەقامگیری پێکدەهێنێت''.

 

هیوادارین ڕۆڵی گەرەنتیکار لە پرۆسەی یەکگرتندا بگێڕن، جێگیرکردنی هێزە ئەمنییەکان زۆر گرنگە بۆ دەستەبەرکردنی پرۆسەیەکی یەکگرتوویی بەرپرسیارانە و ورد، کە گەرەنتی هاوبەشی و پاراستنی شکۆی هەموو پێکهاتەکانە و ڕێگە خۆشکردنە بۆ گەشەپێدانی دادپەروەرانە و هاوسەنگ لە سەرانسەری هەموو ناوچەکاندا.

 

ئێمە پابەندبوونمان بە سەرخستنی پرۆسەی یەکگرتنەوە دووپات دەکەینەوە کە خزمەت بە یەکێتی سووریا دەکات و ئاشتی مەدەنی بەهێز دەکات و قۆناغێکی نوێی سەقامگیری و گەشەسەندن دادەمەزرێنێت و گەڕانەوەی سەلامەت و شکۆمەندانەی خەڵکی عەفرین و سەرێکانی بۆ زێدی خۆیان مسۆگەر دەکات.