ناوەندی هەواڵ

 

ڕێکخراوی نەتەوە یەکگرتووەکان بۆ منداڵان-یونسێف لە بەیاننامەیەکدا ڕایگەیاند، لە ماوەی ٧٢ کاتژمێری ڕابردوودا لە ئەفغانستان زیاتر لە ٢٧ منداڵ کوژراون، تاڵیبانیش له ڕۆژی هەینییەوه کۆنترۆڵی ٦ پایتەختی هەرێمەکانیان کردووە.

 

بەپێی ئەو ڕاپۆرتانەی بەدەست گەیشتووە، لە ئەنجامی گرژی و ئاڵۆزییەکان لە مانگی ڕابردوودا زیاتر لە هەزار هاوڵاتی مەدەنی کوژراون.

 

سامانسا مۆرت لە ئەفغانستانەوە بە BBC ڕاگەیاندووە: "ئەفغانستان لە مێژە یەکێک بووە لە خراپترین شوێنەکانی سەر زەوی کە منداڵێک بتوانێت تیایدا بژی، بەڵام لەم هەفتانەی دواییدا و بە ڕاستی لە ٧٢ کاتژمێری ڕابردوودا دۆخەکە زۆر خراپتر بووە."

 

لە بەیاننامەکەدا، یونیسێف ڕایگەیاندووە، لە هەر سێ پارێزگای قندهار، خۆست و پاکتیا ٢٧ منداڵ کوژراون، هەروەها لە ماوەی سێ ڕۆژی ڕابردوودا لەو ناوچانەدا ١٣٦ منداڵ برینداربوون.

 

ت.پ