ناوەندی هەواڵ

 

شاڵاوی ئەنفال، یەکێکەی دیکەیە لەو جینۆسایدانەی بەسەر گەلی کورددا هاتووە، بە هەشت قۆناغی جیاواز لە ٢٣/٢/١٩٨٨ تا ٦/٩/١٩٨٨ بەردەوام بوو، کە زیاتر لە ١٨٢ هەزار هاوڵاتی مەدەنی ئەنفال کران.

 

یەکەم قۆناغی شاڵاوی ئەنفال لە دوکان و دۆڵی جافایەتییەوە دەستی پێکرد، بۆ ئەو یادەش ئەمڕۆ لە لایەن پارێزگاری سلێمانییەوە لە مەزاری ئەنفالکراوانی دۆڵی جافایەتی یادی کرایەوە و تاجەگوڵینە لەسەر مەزارەکە دانرا.

 

شاڵاوی ئەنفال لە ناوچەی دۆڵی جافایەتی و دوکانەوە بە سەرپەشتی عەلی کیمیایی دەستی پێکرد، بە ئەنفالکردنی ناوچەی بادینان کۆتایی هات، کە ٪٩٠ گوندەکانی باشوری کوردستان خاپوور کران، زیاتر لە ١٥ ملیۆن مین چێندران، هەروەها ملیۆن و نیوێک هاوڵاتی بۆ ئۆردوگا زۆرە ملێیەکان گوێزرانەوە، نزیکەی ٪١٠ کوردی باشوری کوردستان ئەنفالکران.

 

ت.پ