ناوەندی هەواڵ

 

کۆردیناسیۆنی پارتی ئازادیی ژنانی کوردستان "پاژک"، سەبارەت بە ٨ـی ئادار، ڕۆژی جیهانی تێکؤشانی ڕاگەیاندراوێکی بڵاوکردەوە.

 

راگەیاندراوەکەی کۆردیناسیۆنی پاژک بەمشێوەیە:

پێش هەموو شتێک ٨ـی ئادار لە ڕێبەرێتی پیرۆز دەکەین کە بە ئایدۆلۆژیای ئازادیی ژنان، ژنی کوردی کردە خاوەن ئایدۆلۆژیا و زانایی، بە بانگەوازی ئاشتی و کۆمەڵگەی دیموکراتیک وەک هێزی پێشەنگ لە گۆڕینی کۆمەڵگادا هێز و ڕۆڵی بە ژنان بەخشی. هەروەها ئێمە بەم بۆنەوە ٨ـی ئازار ڕۆژی جیهانیی ژنان لە هەموو ژنانی شۆڕشگێڕ و ژنانی ئازادیخواز، هەموو ئەو ژنانەی بە تێکۆشانیان ڕەنج دەدەن، هەڤاڵانمان و گەلەکەمان پیرۆز دەکەین.

 

ڕۆژی ٨ی ئادار ئەو ڕۆژەیە کە هەموو ژنان لە تێکۆشانی ئازادیدا بوونە هێمایەک. بەڵام بە قووڵایی هەموو مێژوو و سەردەمەکاندا بەهاکانی ژنان لە بەردەکاندا نەخشێنراون. تێکۆشانی ژنان و تێکۆشانی ئازادیی ژنان بە درێژایی هەزاران ساڵ، بە بەها کۆمیناڵەکانی ژیان، وەک کولتووری بەرخۆدان، بوونەتە هێزی خوڵقاندنی مێژوو. پێمان وایە ئەم بەهایانە، کە لەم جوگرافیایەدا بنیات نراون، بۆ ئازادی، دادپەروەری و یەکسانی بە پارادایمی ئازادیی ژنان تێکۆشان نوێ دەکەنەوە. لە تێکۆشانی ٥٠ ساڵەی ئێمەدا، ئەم بەها و پێوەرانەی ئازادیی بناغەی بەهاکانی کۆمەڵگەن و گۆڕانکاری لە شاخەکانەوە بۆ شارەکانن بەدی دێنن.

 

فەلسەفەی ژن ژیان ئازادی کە لە شاخەکانی کوردستانەوە تا ڕۆژئاوا و لە سەرانسەری ڕۆژهەڵاتدا بڵاوبووەتەوە، بەرهەمی ئەم تێکۆشانە و هێزی ڕێکخستنی ژنانە. ئەم فەلسەفەی ئازادییە بووەتە هەوێنی شۆڕشی ژنان لەم سەردەمەدا. دیسان شۆڕشی ئێمە شۆڕشێکی ئەرێنی و شۆڕشی خوڵقاندنی ئازادیی و نوێیبوونەوەیە. شۆڕشێکە کە مافەکانی خۆی بەڕێکخستن دەکات، دەژی و تێکۆشان دەکات. شۆڕشێکە گۆڕانکاری بەسەر پیاودا دێنێت و بە شێوەیەکی ڕادیکاڵ لە سیستەمی پیاوسالاری دایدەبڕێت.

 

بەبۆنەی هەڵمەتی “کاتی سەرکەوتنی ژنانە” کە کۆردیناسیۆنی کەژەکە ڕایگەیاندووە، مانایەکی زۆر گرنگی هەیە. خاوەن دەربڕینی دروستبوونی سەردەمی ژنانە و گۆڕینی مێژووی پیاوسالارییە کە ژنان بە نەبوون هەژمار دەکات و بەکۆیلەی کردووە و بە جەستەیی و ڕۆحی ژن ڕووبەڕووی کۆمەڵکوژی کراوەتەوە. ژن، کە هێزی سەرەکی کۆمەڵایەتی و کۆمیناڵبوونە، بە دروشمی “کاتی سەرکەوتنی ژنانە” لێپرسینەوە لە کاستیکی بکوژی کۆمەڵگە و وێڕانکار دەکات. ڕێگای ڕزگاربوون لە کۆیلایەتی، جەنگ، کۆمەڵکوژی و ئازارەکانی سیستەمی سەرمایەداری هەموو جیهان و مرۆڤایەتی ڕووبەڕووی دامەزراندی ژیانێکی نوێ کردووتەوە. ئەو تێکۆشانەی کە دەیان ساڵە بەڕێوەی دەبەین و ئەزموونی گەورەمان لێ بەدەست هێناوە ئەم هێز و مێژووەی بنیاتناوە. سەردەمی نوێ کە بە بانگەوازی ئاشتی و کۆمەڵگەی دیموکراتیک دەستیپێکردووە دەبێتە سەردەمێکی نوێ بۆ ژنان و لەسەر بنەمای چەمکی شۆڕشی پۆزەتیڤ بنیاتنانێکی ئەرێنی بەدی دێنێت.

 

ساڵێک بەسەر بانگەوازی مێژوویی ڕێبەر ئاپۆ کە ڕێبەری ئازادیی ژنانە تێپەڕبوو. پێویستییەکانی ئەم بانگەوازە لەلایەن تەڤگەرەکەمانەوە بە وردی هەڵسەنگێندران و جێبەجێ کراون. ئێمە وەک تەڤگەری ئازادیی ژنان، لەسەر بنەمای بەرپرسیارێتی ئەم پرۆسەیە، ڕێبازێکی بنەڕەتیمان گرتووەتەبەر. لەمەودوا دەبێت ئەوەی کە دەکەوێتە سەر شانی دەوڵەت جێبەجێ بکات و دەرفەت بۆ ڕێبەر ئاپۆ بڕەخسێنێت تا ئازادانە بژیت و بەردەوام بێت لە تێکۆشانی لەسەر پڕۆسەکە. ئازادیی ڕێبەر ئاپۆ کە بەردەنگی سەرەکی ئەم پرۆسەیە و بەردەنگی سەرەکی هەموومانە بۆ ئێمەی ژنانی کورد گرنگترینە و ئازادیی ڕێبەر ئاپۆ ئازادیی ژنانە. تاوەکو ڕێبەر ئاپۆ دەرفەتی ئازادیی ژیان و کارکردنی بۆ نەڕەخسێندرێت و مافی هیوای جێبەجێ نەکرێت ئەم پرۆسەیە لەسەر بنەمای سیاسەتی دیموکراتیک بەردەوام نابێت، ئەم پرۆسەیە تەنها لەلایەن ڕێبەرایەتیمانەوە بەڕێوە دەبرێت و جێبەجێ دەکرێت. بۆیە دووپاتی دەکەینەوە کە دەبێت ٨ـی ئادار ببێتە ئازادیی جەستەیی ڕێبەر ئاپۆ و بە بەهێزترین شێوە لەلایەن هەموو ژنانەوە بگۆڕدریت بۆ ڕیفراندۆمێک.

 

بەبۆنەی ٨ـی ئادارەوە بانگەوازی لە هەموو لایەک دەکەین کە بەشداری تێکۆشانی ڕازاندنەوە، دروستکردن و ئازادکردنی شۆڕشی ژنان بن. ئەمڕۆ هەوڵدەدرێت دڕندەیی شەڕ بەسەر هەموو جیهان و بەتایبەتی بەسەر ڕۆژهەڵاتی ناوەڕاستدا بسەپێنن. بۆیە داوا لە هەموو ژنان دەکەین خۆیان بەڕێکخستن بکەن و لە پێناو پاراستنی ئاشتی و بونیادنانی ژیانێکی ئازاد لە بەرامبەر سیستەمی پیاوسالاری کە لەم سەردەمەدا بووەتە بەڵایەک بەسەر مرۆڤایەتییەوە، لە بەرامبەر هێڵی شەڕ، توندوتیژی و مەرگدا یەکگرتوویی خۆیان بونیاد بنێن.

 

هەروەها بەبۆنەی ٨ـی ئازاری ئەمساڵ، ئەو نامەیەی کە ڕێبەرایەتیمان بۆ تەڤگەری ژنانمان نووسیویەتی، ڕێباز و ڕێنماییەکانی سەبارەت بە ئازادیی وەک دیارییەک پێشکەش بە هەموو ژنان دەکەین.