حەسەکە

 

بۆ ڕێزگرتن لە نزیکبوونەوەی ڕۆژی لەدایکبوونی ڕێبەری گەلی کورد عەبدوڵا ئۆجالان کە ٤ی نیسانە، ئەنجومەنی ژنانی پارتی یەکێتی دیموکراتیک "پەیەدە" لە گەڕەکی کەبابەی شاری حەسەکە ئاهەنگێکی سازکرد، لە ئاهەنگەکەدا هاوسەرۆکانی ژنی ڕێکخراوەکانی کۆمەڵگەی مەدەنی، کۆنگرەی ستار، و لایەنە سیاسییەکان ئامادەبوون، دوای خولەکێک ڕێزگرتن حەمدیە شەمدین بەڕێوەبەری ئەنجومەنی ژنانی پەیەدە قسەی کرد.

 

"تەنها ڕێبەر ئاپۆ دەتوانێت ئەم قەیرانە چارەسەر بکات"

حەمدیە پیرۆزبایی ڕۆژی لەدایکبوونی ڕێبەری گەلی کورد عەبدوڵا ئۆجالانی لە هەموو ژنانی کرد و وتی: ڕۆژی لەدایکبوونی ڕێبەرەکەمان ڕۆژی لەدایکبوونی هەموو مرۆڤە ئازادیخوازەکانە، پێش هەموو شتێک پیرۆزبایی لە دایکی دەکەین و وەک ڕۆژی زیندووبوونەوە و ئازادی بۆ هەموو گەلی کورد پێناسەی دەکەین، ڕێبەری گەلی کورد عەبدوڵا ئۆجالان ڕێبەری ڕزگاری مرۆڤایەتییە لە ستەم و ستەمکاری و وتی: ئەو پڕۆسەیەی کە سووریا پێیدا تێدەپەڕێت پرۆسەیەکی زۆر هەستیارە، تەنها ڕێبەر ئاپۆ دەتوانێت ئەم پرۆسەیە و ئەو قەیرانەی کە سەرهەڵدەدات چارەسەر بکات، لەبەر ئەم هۆکارەش ​​داوا لە ژنان دەکرێت زیاتر خۆیان ڕێکبخەن و بانگەوازە مێژووییەکە هەڵبگرن بۆ ئەوەی بتوانین وەڵامی ئەم پرۆسەیە بین.

 

دوای وتارەکە ئاهەنگ و هەڵپەڕکێ بەردەوام بوو.