مەدینە مامەد ئۆغلۆ

 

ئامەد-بەبۆنەی یادی ٧٦ ساڵەی لەدایک بوونی ڕێبەری گەلی کورد عەبدوڵا ئۆجالان کە دەکەوێتە ٤ی نیسانەوە، خەڵک لە ڕێپێوانێکی پارتی دیموکراسی و یەکسانی گەلان (DEM) لە شاری ئامەدەوە بەڕێکەوتن و بەرەو گوندی ئامارا لە ناوچەی خەلفەتی بەڕێکەوتن.

 

ئامادەکارییەکان بۆ ئاهەنگگێڕانی ٧٦ هەمین ساڵیادی لەدایکبوونی ڕێبەری گەلی کورد عەبدوڵا ئۆجالان کە لە٤ی نیسانی ١٩٤٩، لە گوندی ئامارای ناوچەی خەلفەتی سەر بە شاری رەحا لە باکووری کوردستان لەدایک بووە، لە کاتێکدا ڕێپێوانەکە لەلایەن پارتی دیموکراسی و یەکسانی گەلان((DEMلە ئامەد دەستیپێکرد دوێنێ گەیشتە سەروچ، ڕێپێوانی ئەمڕۆش لە گەڕەکی خەلفەتی لەلایەن تەڤگەری  ژنانی ئازادی TJA ڕێکدەخرێت، بەرنامەکە لە ڕۆژی٣ و ٤ی نیسان، پارکی چواری نیسان، لە ناوەڕاستی ناوچەی خەلفەتی و لەو ماڵەدا بەردەوام دەبێت کە ڕێبەری گەلی کورد عەبدوڵا ئۆجالان لێی لەدایک بووە.

 

پێدەچێت دەیان هەزار کەس بەشداری پرۆگرامەکە بکەن کە پلاتفۆرمی دامەزراوە دیموکراتییەکان بەڕێوەی دەبات، ئەو ژنانەی کە هێشتا لە ناوەندەکانی ترەوە بۆ ئاهەنگ گێڕان دەڕۆن ڕایانگەیاندووە کە داواکارییەکانیان بۆ ئازادی نوێ دەکەنەوە و تێکۆشان لە ڕێپێوانەکەدا چڕتر دەکەنەوە.

 

ئەو ژنانەی لە ئامەدەوە بەشداری ئاهەنگەکە دەکەن ئاماژەیان بەوەدا کە ئەمساڵ ئاهەنگەکە بە جۆش و خرۆشەوە دەبێت، ئەمساڵ بەسەر ئەو قەدەغە و ئاستەنگانەی کە لە ساڵانی ڕابردوودا ڕووبەڕوویان بوونەتەوە زاڵ دەبن و ئاهەنگ دەگێڕن، ژنانیش بانگهێشتی هەمووان دەکەن بۆ ئەوەی لە ٤ی نیسان لە ئامارا کۆببنەوە.

 

"ئاهەنگی ئەمساڵ قەرەباڵغتر و سەرنجڕاکێشتر دەبێت"

 هاجەر کۆرت ئەندامی ئەنجوومەنی شارەوانی دەڵێت:"ڕێپێوانەکە لە ئامارا زیاتر بە جۆش و خرۆشتر دەبێت لە ساڵانی پێشوو. ئێمە بە جۆش و خرۆشەوە یادی لەدایکبوونی ڕێبەری گەلی کورد عەبدوڵا ئۆجالان دەکەین ،داوا دەکەین گۆشەگیری توند لەسەر ئەو هەڵبگیرێت ،خۆی و سەرجەم زیندانیانی سیاسی ئازاد بکرێن، ئێمە بۆ خۆمان و زمان و ناسنامەی خۆمان لە ئامارا دەبین، وەک ژنان بەهێزترین بەشداریمان دەبێت چونکە هەرگیز هیوامان لە ئاشتی لەدەست نەداوە و بەردەوام دەبین لە خەبات لە پێناویدا ،وەڵامی بانگەوازەکەی ڕێبەری گەلی کورد عەبدوڵا ئۆجالان دەدەینەوە و دەچینە مەیدان."

 

"تێکۆشانەکە فراوانتر دەکەین"

 گوڵشین دەمیر پارێزەر ئەندامی دەستەی بەڕێوەبەری لقی ئامەدی کۆمەڵەی پارێزەران بۆ ئازادی ڕوونیکردەوە کە، بانگەوازەکەی ڕێبەری گەلی کورد عەبدوڵا ئۆجالان بۆ ئاشتی کاریگەری لەسەر ئێمەی ژنان زیاتر لە کەسانی تر هەیە، ئێمە لە ئامارا دەبین بۆ بڵاوکردنەوەی بانگەوازی ڕێبەری گەلی کورد عەبدوڵا ئۆجالان بۆ ئاشتی و بە گۆرانی و دروشمەکانمانەوە لەوێ دەبین، گۆشەگیری ڕێبەری گەلی کورد عەبدوڵا ئۆجالان هێشتا بەردەوامە ،دەبێت کۆتایی پێبێت، کۆبوونەوەی خێزان، پارێزەران ڕێک و پێک بێت و بەم هەنگاوانە، هەنگاوەکانی ئاشتی ڕاستگۆیانە دەبن. ئێمە لەگەڵ ئامارادا دەڕۆین داوای ئاشتییەکی شەرەفمەندانە دەکەین، بۆ پاراستن و پەرەپێدانی. وەک ژنان، ئامارا پڕ دەکەین لە ڕەنگ و دەنگی خۆمان."

 

لە بەرامبەردا ئامینە کایا یەکێک لە بەشداربووان وتی:"لە ئامارە بە ڕەنگ و دەنگی ژنان داواکارییەکانیان بەرز دەکەنەوە چونکە ئاهەنگی ئەمساڵ بە بانگەوازی ڕێبەری گەلی کورد عەبدوڵا ئۆجالان بۆ ئاشتی و ئازادی قەرەباڵغتر و جۆش و خرۆشتر دەبێت، ژنان لە تورکیا ڕووبەڕووی هەموو جۆرە ئەشکەنجە و هەڕەشەیەک دەبنەوە. لە ٤ی نیسان هاوار دەکەین دژی ئەم کۆمەڵکوژییانە و جەخت لەسەر گرنگی ئازادی و تێکۆشانی ژنان دەکەینەوە، ئێمە ئێستا بە پرۆسەیەکی مێژوویدا تێدەپەڕین و پەرۆشیمان بۆ ڕێپێوانەکە گرنگی ئەم پرۆسەیە زیاتر و زیاتر دەکات".

 

جەختی لەوە کردەوە کە ڕۆژی ٤ی نیسان بە ڕەنگی ژنان، داواکارییەکانمان بۆ ئاشتی و خەبات، پێکەوە لە گۆڕەپاندا دەبین و لە ئامارادا بە بەهێزترین شێوە وەڵامی ئەم بانگەوازە دەدەینەوە، لەو ڕۆژەدا جارێکی تر بە ئاهەنگ، ئەو دەنگەی بەرزی دەکەینەوە ڕاستی گەلی کورد دەردەبڕین.