سلێمانی

 

ئەمڕۆ ٤ی نیسان، لەکارێزە کڵاوە لە شاری سلێمانی، لە لایەن ژنانی باشووری کوردستان، بە ئاماددە بوونی ژنان و چالاکوانان و سیاسەتمەداران، بە جلوبەرگی ئاڵاو واڵای کوردانەوە، بەبەشداری هاوڵاتیانی پارچەكانی تری کوردستان، بە پێشکەشکردنی وتاری ژنانی باشووری کوردستان، ئەندامی کۆمیتەی ئازادی ڕێبەر ئۆجالان، چالاکی هونەری و نەمام ناشتنیان ئەنجامدا، ئاهەنگێكی فراوانیان بەبۆنەی لەدایک بوونی ڕێبەری گەلی کورد عەبدوڵا ئۆجالان سازکرد.

 

"نەمامی ئاشتی بە لە دایکبوونی ڕێبەرەکەمان لەدایک بووە"

لەگەڵ دەستپێکردنی ئاهەنگەکەدا، ژنانی باشووری کوردستان ڕاگەیەندراوێکیان خوێندەوە، دواتر کۆمیتەی لەسەرەتایی دەستپێكی ئاهەنگەکە، سارا ڕەزا،چالاکوانی سیاسی ،بەیانامەیەکی خوێندەوە، تاێیدا باسی لەوەکرد، ئێمە وەک ژنانی کورد، بەرپرسیارین کە فکر و ڕامان و بۆچوونەکانی ڕێبەر ئاپۆ بڵاوبکەینەوە، هەم بۆ ئازادی خۆمان و هەم بۆ ئازادی  ژنان و هەموو کۆمەڵگە خەبات و تێکۆشان بکەین.

 

لەکۆتایی قسەکانیشیدا وتی: لە ۷٦هەمین، ساڵڕۆژی لە دایکبوونی ڕێبەر ئاپۆدا، نەمامی  ئازادی لە کوردستان و هەموو جیهاندا دەچێنین، بۆ ئەوەی ئەم ساڵە ببێتە ساڵی ئازادی جەستەی ڕێبەر ئاپۆ و دیسان ببێتە ساڵی ئاشتی و کۆمەڵگەی دیموکراتیک، بەڵێنی بەرزکردنەوەی ئاستی خەبات و تێکۆشان دەکەینەوە.

 

" هەوڵ بۆ پرسی ئاشتی دەدەین"

ئەبوبەکر مەجید، ئەندامی گروپی کۆمیتەی ئازادی ڕێبەر ئاپۆ، وتی: ئێمە ئاشقی دیموکراتیک و دادپەروەرین، پێنج هەزار ساڵە چاوەڕێی ئازادی و پێکەوەین، لەدوای لەدایکبوونی ڕێبەری گەلەکەمان" عەبدوڵا ئۆجەلان" ئەو ئازادیە پێکتێنێت، لەدایکبوونی ئازادی دەستپێدەکات، هەروەها ئێمەی کورد کە تینووی ئازادیی گەلەکەمان و ڕێبەرەکەمانین ئاواتەخوازین کە ڕێبەرەکەمان لەگەڵماندا هەوڵی ئاشتی بدات، هیوادارین گەلەکەمان لە هەرجێگەیەکی ڕۆژهەڵاتی ناوەڕاستدایە بەدەم بانگەوازی ڕێبەرەکەمان بۆ پرسی ئاشتی هەوڵ بدات.

 

"لەدایکبوونی ڕێبەرەکەمان ئازادبوونی ژنانی جیهانە "

ڕۆزە حەسەن، نوێنەری کۆنگرەی ستار لە باشووری کوردستان، باس لەوەدەکات، بە بۆنەی ڕۆژی لەدایکبوونی ڕێبەری گەلی کورد عەبدوڵا ئۆجەلان کە پێدەنێتە ۷۷ ساڵەی تەمەنیوە وتی: ئێمە لە لایەن ژنانی باشووری کوردستان بەئامادەکردنی چەندین چالاکی و دروشمی تایبەت و نەمام ناشتن بۆ ڕێبەرەکەمان چالاکیمان ئەنجامدا، تێدا پەیام و دروشمەکانی ڕێبەرەکەمان بەرز دەنرخێنین، تەواوی ژنان لەپارچەکانی کوردستانەوە سەردانی ئەم یادەیان کردۆتەوە.

 

ڕۆزە حەسەن لە کۆتاییدا وتیشی: ئێمەی ژنان بە لە دایکبوونی ڕێبەرەکەمان دوبارە نوێبوینەوە و ژیاینەوە، ژنان لەسەر بیری ڕێبەر ئاپۆ لە تەواوی پارچەکانی کوردستان خەبات بۆ ئازادی ژن دەکەن، بەردەوام درێژەدەری خەباتی دەبین، هەوڵ بۆ ئازادی و پێکەوەی دەدەین.