ناوەندی هەواڵ- لە میانی ڕێپێوانی گەنجانی پارتی یەکسانیی و دیموکراسیی گەلان (دەم پارتی) کە بۆ ڕۆژبوونی ڕێبەری گەلی کورد عەبدوڵا ئۆجالان لە سێیەم ڕۆژیدا بەردەوامە، پەیامی ڕێبەر ئاپۆ بۆ گەنجان خوێندرایەوە.

 

پەیامەکەی ڕێبەر ئاپۆ بۆ گەنجان بەمشێوەیەیە:

“مانگی نیسان بۆ من ڕێنیسانسێکە. ژیانەوەیە. ڕێپێوانی گەنجان، ڕێپێوانی بەرەو ئازادییە. درێژەپێدانی ئازادییە و واتادارە. من کاتێک دەچووم خۆم ڕێکخستن دەکرد. کاتێک دەچووم بۆ خوێندنگا گرووپێکم هەبوو کە لەگەڵم دەجووڵانەوە. کۆمەڵایەتی بوون بەم شێوەیە دروست دەبێت. لە منداڵیمەوە تا ئێستا من ئەم شتە دەکەم.

 

سۆسیالیزم کۆمەڵگەیە. کۆمەڵایەتییە. سۆسیالیستیش کۆمەڵایەتیبوونە. لە کوردستانیش پێویستە بەم تێگەیشتنە سیاسەت بکرێت. ناوی ئەو سیاسەتی کۆمەڵایەتییە سۆسیالیستییە. ئەمەش بە ڕێکخستن کردن دەبێت. ڕێکخستنی کارێکی هەرە گرنگە. ئەگەر ئەمە نەکەن، بە توندی ڕەخنەتان لێ دەگرم. بۆ ئەوەش لە هەموو شوێنێک پێویستە خۆتان بەڕێکخستن بکەن. هەموو شوێنێکیش بەڕێکخستن بکەن. پشتگیری کارەکانتان دەکەم، سڵاوی خۆمتان پێ دەگەیەنم.”

 

دوای ئەوەی کە پەیامەکە بە کوردی و تورکی خوێندرایەوە گەل دەستیان بە بەرزکردنەوەی درووشمی “بژی سەرۆک ئاپۆ” کرد و مەشخەڵەکان هەڵکران و یاری ئاگرین تەقێندرا، کاتێک کە پەیامەکە کۆتایی هات درووشمی “سڵاو سڵاو بۆ ئیمرالی سڵاو” لە گۆڕەپانەکە بەرز بوونەوە.

 

دوای ئەوەی پەیامەکە خوێندرایەوە، گەنجان هەڵپەڕکێیان ئەنجام دا.