لە نێوان قەیران و ئاڵەنگاریەکاندا، ئاژانسەکەمان، "NuJINHA"، وەک دەنگی پێشەنگی ژنان لە ڕۆژهەڵاتی ناوەڕاست و باکووری ئەفریقا دەرکەوتووە، کە تایبەتە بە چارەسەرکردنی پرسەکانی ژنان لە هەموو چوارچێوە و ئەزموونە هەمەچەشنەکانیاندا، ئەو ئاژانسەیە ڕۆشنایی خستۆتە سەر ژیانی ژنان لە دامودەزگاکان، لە کاری گشتی و مافی مرۆڤ، لە شەقام و کامپی کۆچبەران، لە ناوچەی شەڕ و ناوچە جێناکۆکەکان، لە شارە گەمارۆدراوەکان، لە سیاسەت و میلیتاریزم و تەنانەت لە دادگا و بوارە جیاوازەکانی تری کارکردن.

ئاژانسەکەمان لە ٦ی کانوونی دووەمی ٢٠٢١ەوە دەستیپێکردووە، لە نێوان قەیرانە بەردەوامەکانی مافی مرۆڤ و ئاسایشی لە ڕۆژهەڵاتی ناوەڕاستدا کاردەکات، کە ناوچەیەک بە کارنامەی سەرمایەداریی ڕۆژئاوایی سنووردارە و دەسەڵاتدارانی دەوڵەتی پیاوسالاری زاڵن بەسەریدا، ئەم دەسەڵاتانە قەیرانی ناوخۆیان دروست کردووە بە هەوڵدان بۆ خنکاندنی بوونی ژنان دەست پێدەکات و تەنها بە گەیشتن بە دادپەروەری کۆمەڵایەتی کۆتایی دێت.

 

پێنج ساڵە ماندوونەناسانە و بە ئیرادەیەکی بێوچان کارمان کردووە بۆ باشترکردنی پێگەی ژنان و گەورەکردنی دەنگیان لە بوارە جیاوازەکاندا، ئەم ساڵانە گەشتێکی ئاڵەنگاری و کۆڵنەدان بووە، بەو پێیەی ئاژانسەکە هەوڵی داوە ببێتە سەکۆیەکی ئازاد کە ڕۆشنایی بخاتە سەر پرسەکانی ژنان و ئازار و ئەزموونەکانیان بکاتە بەشێک لە یادەوەری بەکۆمەڵ و هۆشیاری کۆمەڵایەتی.

 

ئاژانسەکەمان وشەکەی وەک ئاڵای خۆی هەڵگرتووە، چیرۆکەکانمان کردووە بە پردێک کە ڕابردوو بە ئێستاوە ببەستێتەوە، ڕێگەی خۆشکردووە بۆ داهاتوویەکی دادپەروەرتر، ئێمە شوێنێکمان داوە بە ژنان تا مێژووی خۆیان بنووسن، دوور لە پەراوێزخستن، بۆ ئەوەی بتوانن ببنە بەشدارێکی کارا لە کۆمەڵگەدا، هێزمان لە هاودەنگی دروستکرد، تۆڕێکی هیوا و بەرخۆدان لە هاوکاری لەگەڵ دامەزراوەکان و دەنگە ئازادەکان لە سەرانسەری جیهان.

 

ئاژانسەکەمان بە بوێرییەکی نەگۆڕەوە ڕووبەڕووی گوتاری میدیایی پیاوسالاری و سزای دەوڵەت بووەوە کە ڕەگ و ڕیشەی لە ڕەگەزیدا هەبوو، هەموو هەوڵەکانی بۆ دابەزاندنی ژنان بۆ پلەی پلە دوو یان وەک کەسێکی کەمتر سەیردەکرد، دامەزراندنی ئاژانسەکە وەڵامێکی ژنان بوو بۆ پەراوێزخستنی ژنان لە میدیای پیاوسالاردا، هەروەها بۆ پشتگوێخستنی پرسەکانیان یان بچووککردنەوەیان بۆ وێنەی زیانڵێکەوتوو یان کاڵا، جێگرەوەیەکمان پێشکەش کرد، وتارێکی ژنانی جیهانی کە ئاڵەنگاری عەقڵی پیاوسالاری باڵادەست دەکات، کە هەوڵدەدات جەستەی ژنان کۆنترۆڵ بکات، ڕواڵەت و دەنگ و ژیانی ئەوان پێناسە بکات.

 

ئاژانسەکە لە سفرەوە دەستیپێنەکرد، بەڵکولەسەر میراسێکی هەبووی میدیای ژنان بونیاد ناوە، بەڵام بە هێزێکی زیاترەوە، گرنگی بە یەکخستنی ڕیزەکانی ژنان و بەستنەوەی خەباتەکان لە سنوورەکانەوە بوو، لە غەززەوە و خۆڕاگری ژنانی لە بەرامبەر شەڕ و پەراوێزخستن، بۆ لیبیا کە لە لایەن زلهێزە نێودەوڵەتییەکانەوە پارچە پارچەکراوە، هەروەها لە عێراقەوە کە لە دوای لەشکرکێشییەکەی ساڵی ٢٠٠٣ەوە لە گێژاودا بووە، بۆ میسر و کێشە کۆمەڵایەتی و مافەکانی مرۆڤ، هەروەها لە سووریاوە کە لە ئایدۆلۆژیای بەعسەوە گواسترایەوە بۆ ئایدۆلۆژیای جیهادی، بۆ ئەفغانستان کە ژنان ڕووبەڕووی ستەم و چەوساندنەوەی تاڵیبان دەبنەوە و ڕۆژهەڵاتی کوردستان و ئێرانیش کە ژنێک لە پێناو نیشاندانی تاڵێک قژی بکوژرێت، بۆ یەمەن و سودان، کە قەیرانە مرۆییەکان قورسایی لەسەر ژنان دادەنێت و دواجاریش کوردستان، کە ژنان شەڕێکی دوولایەنە دەکەن، دووپاتکردنەوەی مافەکانیان و پاراستنی ناسنامەیەکی بەکۆمەڵ کە هەڕەشەی پارچەپارچەبوونیان لەسەرە، لە ژنانی تێکۆشەرەوە کە بوونەتە ئاماژەی بەرخۆدان تا خەباتی ڕۆژانەیان دژ بە هەڵاواردن و توندوتیژی، ژنان لە دڵی خەبات بۆ ئازادی و یەکسانی دەمێننەوە.

 

ئەمڕۆ ئاژانسەکەمان دەچێتە ساڵی شەشەمی کار کردنییەوە، درێژە بە گەشتەکەی دەدات بۆ ئازادی و دادپەروەری، بەبێ جیاوازی لەسەر بنەمای زمان، ئایین، ڕەنگ یان باوەڕ، پێمان وایە هەموو گەلان و کۆمەڵگەکان مافی خۆیانە بە یەکسانی و ئازادی و ژنان لە پێشەنگدا بژین، ئەم ساڵانە بناغەی گەشتێکی درێژتریان داناوە، گەشتێک کە تێیدا دووپاتی دەکەینەوە، کە دەنگی ژنان ئامادە دەمێننەوە و پرسەکانیان لە دڵی ئەرکی میدیایی و مرۆییماندا دەمێننەوە، ئاهەنگ دەگێڕین بۆ دەستکەوتەکانمان و بەردەوامین لە کارکردن بۆ داهاتوویەکی دادپەروەرتر و شکۆمەندتر بۆ ژنان لە ناوچەکەمان و جیهاندا.

 

بەڕێوەبەرێتی ئاژانسی هەواڵی ژنان"NuJINHA"