rojane

09:26

Kongra Star bi armanca jiholêrakirina bermahiyên zihniyeta baviksalar di civakê de, dewreyeke perwerdeya bîrdozî ji bo mêran li ser bingeha avakirina civakeke demokratîk da destpêkirin.

09:10

Parêzer Eren Keskîn, destnîşan kir ku mafê hêviyê ne lutif e, mecbûriyetek e û diyar kir ku divê zû were bicîhanîn û got ku divê ev maf ne tenê ji bo Abdullah Ocalan, ji bo hemû cezayên muebbet ên girankirî û girtiyên nexweş bê sepandin.

09:05

Aktîvîsta mafên mirovan Heyat El-Halîmî da zanîn ku demokrasiya herêmî û sîstema nenavendî li Tûnisa bi riya şaredariyan hatiye damezrandin, deriyê sereke yê beşdarbûna jinan a li jiyana giştî û siyasî ye.

08:56

Li Lîbyayê zaroktî ber bi çarenûsek nediyar ve diçe, zagon çavên xwe digrin, civak bêdeng dimîne û şer jî vê yekê rewa dike. Dem hatiye ku polîtîkayên ku keçan diparêzin dawî li bûyerên zewaca zarokan bînin.

08:45

Berpirsa Rêxistina Nû ya Ji Bo Parastina Jîngeh û Mafên Jinan Hêrû Wekîl bal kişand ku buyerên tundî û qetilkirina jinan tên tên veşartin û got ku li şûna veşartinê divê bên lêkolînkirin û sûcdar bên cezakirin.

08:36

Jinên Koçber yên ji bajarê Serêkaniyê ya dagirkirî ku li bajarê Qamişloyê bicih bûne, dan zanîn ku ew ê her tim têbikoşin da ku bi ewle û rûmet vegerin bajarê xwe.

08:32

Jinên ji êlên Ereb ên Kampa Waşokanî destnîşan kirin tê xwestin şerê navxweyî di nav gelan de bê derxistin û gotin ku Rêberê Gelê Kurd Abdulah Ocalan di serdemeke wiha hesas de, bi nameya xwe ya ji bo êlên Ereb, banga xurtkirina jiyana hevpar dike.

21:02

Jinên ku di 1’emîn salvegera yekem a mirina biguman a Rojîn Kabaîş de, li gelek bajaran meşiyan, gotin “Bila mirina Rojînê were ronîkirin” û bang li jinan kirin ku bi hev re li dijî polîtîkayên bêcezatiyê bisekinin û hevgirtina xwe xurt bikin.

20:56

Şandeya Jinan a Bakur û Rojhilatê Sûriyeyê ya hevdîtinên xwe yên li Swîsreyê didomîne, bi Endamê Meclîsa Bajarê Lozanê David Babo re civiya.

20:48

Neteweyên Yekbûyî, ragihand ku li Sûdanê bi hezaran sivîl jiyana xwe ji dest dane û li welat tundî gihîştiye astên xeternak. NY’ê, ragihand ku ji destpêka salê ve hezar û 850 kes li Sûdana Başûr jiyana xwe ji dest dane.

18:10

SOHR’ê, ragihand ku 26’ê Îlonê li bajarê Sefîra yê rojhilatê Helebê cenazeya jinekî li ber mala wê hate dîtin û der barê bûyerê de agahiyên berfireh nehatin bidestxistin.

17:47

Rêxistina Tenduristiyê ya Cîhanê (WHO), di rapora xwe ya nû de ragihand ku ji ber berdewamiya şer, şert û mercên jiyanê xirabtir dibe û ev rewş li Yemenê dibe sedema belavbûna bi lez a şewba kolerayê.

15:32

Şaxa ÎHD a Amedê û Xizmê Windayan, di hefteya 868’an de çalakiya xwe ya ‘Bila Winda bên dîtin, kiryar bên darizandin’ domand. Xizmên Windayan aqûbeta Zozan û Orhen Eren ku di 1997’an de hatin windakirin pirsîn.

15:22

Hêzên Îsraîlê êrîşên xwe yên li ser Zîvala Xezayê didomînin. Wezareta Tenduristiyê ya li Xezayê ragihand ku di 24 saetên dawî de 83 kesan jiyana xwe ji dest dane.

15:08

Rewşa bajarê Raskê, yek ji encamên polîtîkayên vederkirin û bêparhiştina Komara Îslamî ya Îranê li dijî gelê Belûc û neteweyên din nîşan dide. Van polîtîkayan bi qelskirina binesaziyê baweriya gel dişkînin û li pêşiya civakên cihî dibin asteng.

14:30

Komeleya Jinên Azad a Kurdistanê (KJAR) diyar kir ku îşkenceyên sîstematîk û nebûna tedawiyan li girtîgehên Îranê tê jiyîn, cînayetek eşkere û bi hedef e.

13:58

Halîde Turkoglu, li ser miharên rojane axivî û diyar kir ku divê komîsyona meclisa Tirkiyeyê bi Abdullah Ocalan re bicive û divê "mafê wî yê hêviyê" tavilê were dayîn.

13:54

Dayikên Şemiyê di çalakiya xwe ya hefteya 1070'emîn de daxwaza darizandina sûcdarên kuştina Abdulmecit Baskin a di bin çavan de kirin.

13:50

Tora Bijîşkên Sûdanê (SDN) Hêzên Piştgiriya Lezgîn tawanbar kir ku ji ber dorpêça wan a berdewam a li ser EL-Faşêr paytexta eyaleta Darfûra Bakur, karesta mirovî dijwartir kiriye.

13:43

Li bajarê Silêmanî kombûna jinên çalakvan û partiyên cuda ji bo goftûgokirin û amadekariya ji bo Platforma Yekîtiya Jinên Kurd li Başûrê Kurdistanê li hev civiyan.