rojane

13:27

Raportek hevbeş a FAO û WFP eşkere kir ku 13 welat, tevî Sûriye, di bin xetereyek cidî ya birçîbûnê de ne, di heman demê de hişyarî da ku pevçûn, krîzên aborî û guherîna avhewayê bêewlehiya xwarinê ya cîhanî kûrtir dikin.

13:23

Rejîma Îranê, li Parestû Ehmedî cezayê 74 qemçî, du salan qedexeya derketina derve û du salan dûrketina ji xebatên hunerî, birîn.

12:35

Li Adenê, pirsgirêkên ku ji ber qutbûnên ceyranê ku 10 saetan derbas dike, girantir bûye. Ev rewş bû sedem ku gelek kes di çarçoveya protestoyên ku navê ‘Şoreşa Nivînan’ lê kiriye bişev li kolanan û di rêyan de razin. Xwepêşandan her ku diçe zêde dibin.

11:53

Îro li navçeya Bayindir a bajarê Îzmîrê li Tirkiyeyê, mînîbuseke ku karkerên çandiniyê tê de bûn wergeriya. Di encamê de 22 karker birîndar bûne.

11:19

Çavdêriya Mafên Mirovan a Sûriyeyê ragihand ku ji destpêka sala 2026’an heta 17’ê Hezîranê, hezar û 749 kes li deverên cuda yên Suriyeyê hatine qetilkirin. Ev dane bi belgeyan hatin tespîtkirin.

10:38

Rayedarên Talîbanê ragihandin ku heta niha li Heratê zêdetirî 19 jin ji ber ‘qûralên hîcabê pêkneanîne’ hatine binçavkirin û ev pêkanîn dê bidome. Li gorî rapora Neteweyên Yekbûyî, 30 jin hatine binçavkirin.

08:56

Rojbîn Bor li ser xweparastinê mînaka Rojava ji bo parastina kolektîf da û got, “Li Rojava ne tenê rêxistineke çekdarî hebû; li wir dibistaneke rizgariya jinan derket holê ku ji hêla îdeolojîk û zanistî ve gihîştiye astek baş.”

20:43

Jinek Kurd kabîneya hikûmeta nû ya Iraqê de wezîfeya ‘Rawêjkara Serokwezîr’ wergirt û ev wezîfe wê ji bo karûbarê jinan be.

20:13

Niştecihên herêma Ruweysat ya li parêzgeha Kairouan a Tunisê îro li ber Wezareta Jîngehê li paytextê xwepêşandanek li dar xistin. Xwepêşender tekez bi wê yekê kirin ku, çi dibe bila bibe, ewê dev ji mafên xwe bernedin û jîngeha xwe bi parêzin.

15:57

Daneyên nû nîşan dide ku piştî 40 rojên şer bêkariya jinan zêdetir bûye. Vê krîza ku zêdetir bandorê li jinên debara malê dikin kiriye, nîşan dide ku dê xizanîbûna jinan zêdetir bike.

15:36

Li gorî rapora ku Fona Zarokan a Neteweyên Yekbûyî (UNICEF) ragihandiye dibêje ku ji sedî 75 zêdetir zarokên li Afganistanê di bin xetereya hişkesaliyê de dijîn.

15:02

Şerên ku ji aliyê desthilatdar û hêzên hegemon ve li Rojhilata Navîn tên meşandin, fikarên mezin li ser rewşa zarokan çêdike. Herî zêde zarok ji qirkirin, wêranî, talan û hilweşînê zirarî dibînin.

12:58

Jinên Belûç li hember Kana Zêr ku li ser ax, erd û herêma wan bê çêkirin dinava xwepêşandanê de ne. Ji bo parastina gund û jîngeha xwe jin pêşengtiyê dikin.

11:36

Li Karamanê wesayîdeke ku karkerên çandiniyê tê de bûn ket çem, sê zarok mirin, çar kes birîndar bûn. Qezayê careke din mijara rêwîtiya bi ewle ya karkerên çandiniyê yên demsalî derxist holê.

10:05

Rêjeya hevberdanê li Iraqê û herêma Kurdistanê zêde bûye. Derûnînas Niştiman Cemîl diyar kir ku sedema hevberdanê zewaca di temenê biçûk de, pirsgirêka aborî û civakî ye.

09:42

Rastîya ku jinên Kurd li çar beşên Kurdistanê dijîn, ji hêla dorpêçkirinek pir-qatî ve tê teşekirin ku tê de zordariya zayendî û netewî bi hev ve girêdayî ne.

09:17

Hiqûqnas Several Ballikaya, têkildarî zagona çarçoveyê ya ku li bendê ye bînin meclîsê bang kir ku divê “zagoneke beşdariyê” ya ku demokratîkbûnê esas digre çêbibe hişyarî kir ku paşxistin hêviyên civakî qels dike.

09:08

Bi gotinên xwe yên ‘Ez bûm Newroz, ez bûm Mazlum’, Sema Yûce mîrateyek ji jiyanek mezintir li dû xwe hişt, ne tenê bû şahida serdemekê, di heman demê de bû sembolek zindî di bîranîna têkoşîna rizgariya jinên Kurd de.

08:15

Endama Rêveberiya Hêzên Ewlekariya Hundirîn Gulîstan Ferhan diyar kir ku jinan li Rojavayê Kurdistanê gelek serkeftin bidest xistine û tekez kir ku rola jinan di nava Hêzên Ewlekariya Hundirîn de, sereke ye.

20:51

Li Arjantînê yek ji sembolên têkoşîna mafên mirovan Lîdîa "Taty" Almeîda di 95 saliya xwe de jiyana xwe ji dest da. Lîdîa Almeîda yek ji kesayetên pêşeng ên ku di têkoşîna eşkerekirina aqûbeta bi hezaran kesan de cîh girtiye.