rojane

10:51

Berdevka Komîteya Azadiya Girtiyên Siyasî Şîva Mehbubî, destnîşan kir ku Şerîfe, Pexşan û Werîşe ji bo mirovahî û mafên mirovan xebatên bêhempa kirine û wiha got: “Divê rejîm bibîne ku xwepêşandan li derveyî girtîgehan in û nikare wan paşguh bike.”

09:34

Jinên koçber ên Sûdanî ku ji ber şer koç kiribûn û piştî aramiyek bi sînor dîsa vegeriyan welatê xwe, bi projeyên ku jin pêşengiya wan dikin, jiyanê ji nû ve diafirînin.

08:42

Rêvebera Saziya Zimanê Kurdî ya li Kobanê Ronîda Elî tekez kir ku ji bo mîsogerkirina mafên gelê Kurd di destûra nû ya Sûriyeyê de, girîng e ku nasname û zimanê wan ê dayîkê, her wiha mafên hemû pêkhateyan werin naskirin.

08:32

Tevgera Azadiya Jinên Êzidî (TAJÊ) ji ber erêkirina cezayê darvekirinê yê Şerîfe Muhammedî daxuyaniyek weşand û banga xurtkirina têkoşîn û berxwedana li dijî polîtîkayên darvekirinê kir.

08:22

Navenda Dara Zanebûnê ya pêşketin û fêrkirina zarokan ku li Qamişloyê hatiye vekirin, bi 3 zimanan perwerdehiyê dide zarokan da ku bi riya bernameyên perwerdeyî û şahiyên nûjen jêhatiyên zarokan baştir bike û şiyanên wan bipêş bixe.

20:09

Hat ragihandin ku di 24 saetên dawî de li Xezayê, ku ji ber êrîş û dorpêça Îsraîlê birçîbûn lê heye, pênc Filistîniyên din ku du ji wan zarok in, ji birça jiyana xwe ji dest dane.

19:17

Parlamenterên jin ên Kurd li dijî pesendkirina cezayê darvekirinê yê Şerîfe Muhammedî de daxuyanî dan û bang li civaka navneteweyî kirin ku ji bo parastina mafê jiyanê yê hemû jinên di bin gefê de tevbigerin.

16:05

Meclîsa Kombûna Jinan a Zenûbiya ya kantona Reqayê diyar kir ku li Xezayê jin û zarok di bin şertên giran ên mirovî de ne. Ji bo rakirina dorpêçê û bê astengî gihandina alîkariyên mirovî bang li civaka navnetewî kirin.

15:59

Du zarokên li parêzgeha Beyda ya Yemenê dema ku pez diçêrandin, di teqîna mayînekê de mirin.

15:52

Li Fakulteya Hunerên Bedew a Zanîngeha Şamê bikaranîna "modelên tazî" hate qedexekirin. Rexnegir dibêjin ku rêziknameyên wiha ne tenê kalîteya perwerdeyê, lê di heman demê de pêşeroja hunerê li Sûriyeyê jî dixe xeterê.

15:46

Li bajarê El Faşer ê Sûdanê ji ber şerên ku didome, bi hezaran kes rû birûyî birçîbûnê bûne. NY banga demildest a gihandina alîkariya mirovî ji bo herêmê kir.

14:50

Girtiya 31 salan, Gulten Akgul serbest hat berdan.

14:47

Komeleya Bihêzkirin û Hişyarîkirina Jinan li Suweydayê ji bo jinan civîna desteka derûnî lidar xist. Jinên ku zehmetiyên kişandine anîn ziman, gotin ku divê ji bo jinan perwerdeya xwe parastinê bê dayîn.

14:26

Li ser rêya Şamê û Suweydayê ya Sûriyeyê 12 kesên ku piraniya wan jin û zarok in, li herêma di bin Heyet Tehrîr El-Şam a cîhadîst de ye hatine revandin.

12:20

Amnesty Internationalê destnîşan kir ku Îsraîl bi armanca têkbirina Filistîniyan a bi fîzîkî, serî li polîtîkayek bi zanabûn a birçîhiştinê dide.

09:57

Hunermedên serbixwe yên li Rojhilat û Îranê bi astengiyên komên girêdayî hikumetê re rû bi rû ne. Karîkaturista bajarê Sineyê Şeyda Fedaî got li dijî vê yekê ji bo pêşeroja hunerê pêdîvî bi afirandina hevgirtin û qadek serbixwe heye.

09:49

4 sal berê Talîbanê rêveberiya Efganistanê desteser kir. Girtina dibistanên zarokên keçan, zextên medyaya dîjîtal, girtina jinên çalakvan û koçberiya darê zorê ya rêveberiya Talîbanê qeyrana mafên mirovî kûrtir dike.

09:43

Mamoste û aktîvîst Şîne Elî Xeyat a ji Başûrê Kurdistanê bal kişand ser nedayîna mûçeyan û wiha got: "Nedayîna mûçeyan du qat zêdetir bandorê li jinan dike. Pêwîste em wek jin û ciwanan ji bo guherîna pergalî xwe birêxistin bikin û têbikoşin."

09:25

Tevî ku rêjeya jinên Mexribî yên girtî kêm jî êşa wan a piştî serbestberdanê nîşan dide ku ew bi demxekirina civakî û nêrîna zihniyeta serdest re rûbirû dimînin.

09:16

Jinên Bakur û Rojhilatê Sûriyeyê tekez kirin ku hevdîtina bi Rêber Abdullah Ocalan re ne tenê daxwazek mirovî û zagonî ye, stûneke bingehîn ji bo pêşvebirina azadiya jinan û piştgiriya têkoşîna gelan e.