rojane

09:04

Rêxistina Mafên Mirovan a Îranê ragihand ku di nava 25 rojan de herî kêm 2,000 welatî li herêmên cuda yên welat hatine girtin. Di navbera wan de çalakvanên sivîl û malbatên ku edaletê dixwazin hene.

08:01

Modernîteya kapîtalîst ku wekî "serdema herî tarî ya dîrokê" ji bo jinan tê zanîn, dixwaze bi dagirkirina beden û ruhê jinan civakê hedef bigre, navaroka hemû tiştan vala derbixe û nirxên mirovahiyê tune bike.

07:57

Bi hatina biharê û barana zêde ya îsal re kaniyên ku li quntarên çiyayê Şengalê li ber quba Pîrê Ewra ji ber hişkesaliyê zuha bûbûn der bûn.

07:00

Jinên Ereb ên bajarê Zirganê li Cizîra Rojavayê Kurdistanê dijîn, bicihanîna xalên entegrasyona di navbera QSD û Şamê de ji nêz ve dişopînin lê nebûna dosyayên girîng li ser maseyên lihevkirinan hişê wan mijûl dike.

14:55

Di du êrîşên hewayî li dijî Darfûr û Kordofanê yê Bakurê Sûdanê de herî kêm 28 sivîlan jiyana xwe ji dest dan û bi dehan kes jî birîndar bûn. Berdevkê NY diyar kir ku ji 1 Çileyê heta 15’ê Adar ê di êrîşan de zêdeyî 500 kes mirine.

14:42

Berdevka berê ya TJA'yê Ayşe Gokkan a di rûniştina 4'emîn a doza jinûve tê darizandin de tevî ku dozger û parêzer berdana wê xwestin nehat berdan û doz taloqê 19’ê Hezîranê hate kirin.

14:11

MED TUHAD-FED’ê tekildarî kesên ku piştî pîrozbahiyên Newrozê hatin binçavkirin û girtin li avahiyê xwe de daxuyanî da û got: “Ev nêzîkatiyên dawî nîşan dide ku dixwazin pêvajoyê xera bikin.”

13:28

Ayşegul Dogan diyar kir ku di qada Newrozê de herî zêde daxwaza azadiya Rêberê Gelê Kurd Abdullah Ocalan derketiye pêş û got: “Divê şert û mercên xebata birêz Ocalan bên guherandin û bikaribe bi mirovan re têkiliyan dayne.”

13:02

Bi destpêkirina dema duyam ya xwendinê re bi milyonan keç ji ber Talîbanê nikarin perwerdeya xwe bidomînin û dibistanên li Efganistanê bi kêmbûna mamoste û xwendekarên jin re rû bi rû ne.

12:01

Komîseriya Bilind yê Penaberan ya Neteweyên Yekbûyî diyar kir ku ji ber şerên li Rojhilata Navîn hejmarê koçberên li Lubnan û Îranê zêdetir bûye û ji cavaka navnetewî xwest ku alîkariya lezgîn bidin koçberan.

11:29

Bi armanca pêşxistina nirxên berhemên xwarinê yên mîrasa Tûnisê, çalakiyên Sempozyûma Neteweyî ya der barê nirxandina berhemên xwarinê yên herêmî li paytexta Tûnisê bi beşdariya jinên berhemdar û nûnerên saziyan dest pê kir.

10:43

Zubeyde Ewlaemîn yek ji jinên pêşeng ên deşta Koyê û sînorên Kurdistanê bû koça dawî kir. Ji destpêkê ve tevlî têkoşînê bû xwedî hişmendiya Kurdbûnê bû, di xizmet û xîretkêşiyê de pêşeng bû, ji bo her kesê dayikek bi rûmet û fedakar bû.

09:48

Neteweyên Yekbûyî hişyarî da ku krîza birçîbûnê li çend welatên ku ji ber bêewlehiya xwarinê ya bilind dikşînin, di nav de Yemen jî ji ber aloziyên herêmî û bêaramiyên li Tengava Hurmuzê, xerabtir dibe.

08:04

Endama Şaxa Sendîkaya Karkeran û Serpereştiyara Beşa Jinan Leyla Kerîm got ku jinên ku ji bo xebatê diçin malan û xizmeta kesên nexweş û zarokan dikin, rastî tundiyê tên karê karê zêde dikin û mûçeyê kêm digrin.

07:24

Cîgira Encûmena Cîbicîkar a bajarê Kobanê Mizgîn Xelîl têkildarî êrîşên li ser pergala neteweya demokratîk û yekîtiya gelan axivî. Mizgîn Xelîl teqez kir ku ev êrîş di navbera hêzên hegemon û demokrat de ye.

20:39

Rojnamevan Hacer Silêman, ya ku gendeliya li Banka Navendî ya Sûdanê eşkere kiribû, piştî serbest berdana bi kefalet, carek din hate girtin.

19:21

Çalakiya Nobetê ya li wargeha penaberan a Mexmûrê ku ji bo mîsogerkirina azadiya fîzîkî ya Rêberê Gelê Kurd Abdullah Ocalan hatibû destpêkirin, bi dewirgirtina koma 190’emîn didome.

15:00

Li Hezex, Mûş û Qilebanê Newroza îsal tevî baranê bi coşeke mezin hat pîrozkirin û Kurd bi cil û bergên xwe yên neteweyî herikîn qadên Newrozê, daxwaza azadiya fîzîkî ya Rêberê Gelê Kurd Abdullah Ocalan kirin.

14:54

Li Yezdê welatiya Baheyî Yasmîn Rehmardeh, ji aliyê hêzên ewlehiyê ve hate binçavkirin û piştî birin girtîgehê, ji bo cihekî nediyar ve hate veguhestin.

12:49

Hevserokên MED TUHAD-FED’ê bal kişandin ser binpêkirinên li girtîgehan û diyar kirin ku ji bo hevdîtîna bi Abdullah Ocalan re serî li Wezareta Dadê dane.