rojane

12:36

Li gorî rapora ASLAB a 2025’an a ‘Nexşeya Tundiyê ya Tirkiyeyê’, bûyerên tundiyê gihîştiye 2 hezar û 289’an. Sûcê herî zêde, birîndarkirin e. Riha û Edene bûn bajarên ku herî zêde tundî lê heye.

12:21

Îro serê sibê li Bedlîs û navçeyên wê Tetwan û Xelatê polîsan bi ser gelek malan de girt. 17 welatî hatin binçavkirin. Di nava kesên hatine binçavkirin de Dayîka Aşitiyê Bedriye Talaş jî heye.

11:57

Li gorî belgeyên Çavdêriya Mafên Mirovan a Sûriyeyê, di meha Adarê de ji ber zêdebûna sûcan 40 kesan jiayan xwe ji dest dane. Çavdêriyê diyar kir ku ev yek j berfirehbûna tundiyê û zêdebûna xetereyên ku ewlehiya sivîlan hedef digre, pêk tê.

11:52

Li Taîzê êrîşên ku di medyaya dijîtal de tên meşandin, jinên di pozîsyonên rêveberiyê de ne dikin hedef. Parêzvanên mafên mirovan hişyarî didin ku kampanya ji bo ewlehiya jinan gef e.

11:03

Bi êrîşên fuzeyan ên Îranê li dijî Îsraîl, Kuweyt, Bahreyn û Urdunê re, bersivdayîna Îsraîlê li Tahranê, tansiyon bilindtir kir. Bîlançoya derketiye holê û rageşiya li Tengava Hurmizê, asta herêmê ya şer radixe ber çavan.

10:38

Di encama şerê di navbera Emrîka-Îsraîl û Îranê de, 50 sivîl li Rojhilatê Kurdistan û Îranê mirin û birîndar bûn.

10:36

Di Trîbunala Jinê ku li Belçîkayê tê lidarxistin de, wê bi parformans, atolye û panelên li Bruksel û Anversê li dijî tundiya li hember jinan, pratîkên edaleta jinfemînîst bên nirxandin.

10:33

Di çalakiyek ku hejmareke zêde çalakvan û kesên bi pirsgirêkên jinan re eleqedar dibin beşdar bûn de, li navenda rojnameya femînîst a li Cezayîrê, hejmara 5’an a Kovara ‘Lablasa’ hat danasîn.

09:29

Wezareta Tenduristiyê ya Lubnanê ragihand ku di encama êrîşên Îsraîlê de 9 kes hatine kuştin û 47 kesên din jî birîndar bûne. Her wiha krîza mirovî jî bi tomarkirina tevgerên mezin ên koçberiyê re xirabtir dibe.

08:41

Tekoşîn û ezmûna gerîlayên Hêzên Parastina Jin (HPJ) ên Rojhilatê Kurdistanê nîşan dide ku ne tenê di aliyê leşkerî û siyasî her wiha di aliyê hişmendiya azad ku pênaseya xwe ji civaka demokratîk digre de, xwedî bandorek xurt e.

08:34

Başûrê Kurdistanê bûye qada herî sereke ya şerê di nav Îran-Îsarîl-DYE de didome. Di demekê ku hikûmeta başûrê Kurdistanê bi fermî siyaseta bê alî parastiye de, bûye hedefa êrîşên dijwar ên Îranê û di navenda guherîna stratejiya leşkerî ya Emrîkayê de ye.

14:00

Jinên Kurd û Ermen ên ku beşdarî Newroza Çolbestan a Dirbêsiyê bûn Newroza 2726’an li gelê Kurd pîroz kirin û daxwaza yekîtiya gelê Kurd li Kurdistanê û entegrasyoneke demokratîk li Sûriyeyê kirin.

13:45

Şêniyên bajarê Qamişlo ya Kantona Cizîrê bi tevlîbûna bi hezaran kesan Newroza sala 2026’an bi dirûşmeya “Em Newrozê bikin Newroza azadiya Rêber Apo û Yekîtiya Demokratîk a Kurdan” pîroz kirin.

13:16

Xaka Sûriyeyê bandora hilweşîner ya pevçûnên bi çek ku bi salan dom dike dijî. Li gorî belgeyên SOHR, ji ketina rejîma baas heta niha herî kêm 789 sivîl, di nav de jin û zarok encama bermahiyên şer jiyana xwe ji dest dane.

12:42

Zarokên ku bi cil û bergên netewî beşdarî pîrozbahiya Newrozê ya li Hesekê bûn, gotin “Em Kurd in, emê xwedî li doza xwe derkevin.”

11:59

Hêzên ewlehiyê bi ser mala Sîma Çambarî, xwendekara beşa Kimyayê ya zanîngeha Reştê ku li Nîşabûrê dimîne girt û ew binçav kir.

11:39

TJA’yê ji bo doza aktîvîsta xwe Ayşe Gokkan a ku di 26’ê Adarê de ye, banga beşdarbûnê kir.

11:29

Kampanyaya ‘Sêşema na ji darvekirinan re’ ragihand ku jiyana girtiyan di metirisyeke mezin de ye û gelek girtî rûbirûyî kêmbûna xwarin û lênêrîna bijîşkî ne. Kampanyayê bal kişand ser xetereya darvekirina girtiyan.

11:20

HRANA’yê diyar kir ku di nava 24 saetên borî de di encama şerê di navbera Îsraîl-DYE û Îranê de, 174 kesan li Rojhilatê Kurdistan û Îranê jiyana xwe ji dest dane û birîndar bûne.

10:22

UNICEF’ê piştrast kir ku di dema zêdebûna pevçûnên li Rojhilata Navîn de zêdetirî 2 hezar û 100 zarok hatine kuştin an birîndarkirin û piraniya wan li Îranê ne.