Navenda Nûçeyan- Malpera Dengê Girtiyn Kurd û Îranê, têkildarî girtiya siyasî ya jin a li girtîgeha Evînê agahiyên nû parve kir.

Di malperê de hat diyarkirin ku desthilatdariya Îranê dosyayek nû der barê girtiya siyasî Ferûx Taghî Pûr a li girtîgeha Evînê tê girtin amade kiriye û dibe ku were erêkirin.

Her wiha heta detsnîşankirin ku Ferûx Taghî Pûr ji mafê pêwendiya telefonê û dîtina kes û karên xwe bêpar maye. Ev pêkanîn ji bo bêdengkirinê wek beşek a zêdebûna gefên li ser girtiyên siyasî hat nirxandin.

Her wiha hat destnîşankirin ku biryare Ferûx Taghî Pûr ji ber ‘propagandeya li dijî dewletê ‘ li Şaxa 2’an Dadgeha Lêkolîna navçeya 33’an, bi riya vîdeo konferansê lêpirsîn bikin.

Cihê bibîrxistinê ye, Furûx Taghî Pûr di sala 1994’an de ji dayîk bûye û beşa jimêryarî temam kiriye. Cara yekem di Adara 2020’an de li gel dayîka xwe hatibû girtin û piştî 5 sal cezayê girtîgehê lê hat birîn, heta Sibata 2023’an li girtîgeha Evînê ma û piştî hat berdan tenê di nava çend mehan de dîsa hat girtin.

Piştre di 21’ê Tebaxa 2023’an de bi nêzbûna salvegeran şoreşa ‘Jin, Jiyan, Azadî’ carek din hat girtin û piştî veguhestina girtîgeha Evînê, ji aliyê dadgeha Şoreşê ya Tahranê ve ji ber sûcê ‘Serhildanê’ 15 sal cezayê girtîgehê lê hat birin. Ev ceza ji ber nebûna belgeyên temem, daxist 5 salan cezayê girtîgehê.