Navenda Nûçeyan- Yekîtiya Ewropayê despêka meha Çileyê qebûl kir ku 620 milyon euro alîkarî bide rejîma li Şamê. Zêdeyî 400 kesayetên naskirî jî îmze danîn bin meqaleyeke li rojnameya Le Monde hatî weşandin.

‘Em qebûl nakin ku çalakiyên ji bo piştgiriya Kurdan bitepisînin’

Îmzevanan, bang kir ku divê ji bo berjewendiyên aborî û jeopolîtîk mafên gelan neyên fedakirin û got, “Em qebûl nakin ku rêveberên me aliyê desthilatdariyeke xeter bigirin, em qebûl nakin ku çalakiyên ji bo piştgiriya Kurdan bitepisînin.” Îmzevanan xwest ku korîdora mirovî ya ji bo bajarê Kobanê divê were domandin û dabînkirina av û elektrîkê ya ji bo wir were garantîkirin.

Îmzevanan diyar kir ku Rojava û projeya wê ya siyasî rû bi rûyê êrîşên hikûmeta demkî ya Sûriyeyê ye û destnîşan kir ku hikûmeta Ehmed El-Şera komareke navendî û antîdemokratîk diparêze.

‘Gelek sivîl hatin qetilkirin’

Îmzevanan di meqaleyê de bal kişand ser rêbaza Sûriyeyek demokratîk û nenavendî û got, “Ji 6’ê Çileyê û şûnde hêzên Hikûmeta Demkî ya Sûriyeyê êrîş bir ser taxên Şêxmeqsûd û Eşrefiyê yên Helebê û piştre yekser berê xwe da Rêveberiya Xweser a Bakur û Rojhilatê Sûriyeyê. Di nava du hefteyan de bi dehan sivîl di êrîşan de jiyana xwe ji dest dan, mal û binesaziyên sivîl hatin hedefgirtin, piranî jê Kurd bi deh hezaran kes bi zorê ji cihên xwe hatin kirin. Gelek sivîl û şervanên jin û mêr bi rengekî derhiqûqî ji aliyê milîsên Îslamî ve hatin kuştin yan jî serê wan hate jêkirin.”

Di meqaleyê de hate ragihandin ku agirbesta ku 20’ê Çileyê hate ragihandin, ji aliyê hikûmeta demkî ve hate binpêkirin û ev tişt hate gotin, “QSD’ê di têkoşîna li dijî DAÎŞ’ê de zêdeyî 12 hezar windahî dan û ji ber vê tevkariya xwe heya niha ji piştgiriya DYE’yê ya di çarçoveya koalîsyona navneteweyî de sûd wergirtiye. Lê belê ev piştgirî roja sêşemê bi dawî bû, QSD car din tenê hate hiştin. Nûnerê taybet ê DYE’yê Tom Barrack di daxuyaniyeke xwe de berpirsyariya têkoşîna li dijî DAÎŞ’ê dewrî hikûmeta Sûriyeyê kiriye; lê di rojên dawî de bi sedan girtî ji aliyê hêzên vê hikûmetê ve hatin berdan.

Sûcên dijî mirovahî

Tundiya li dijî Rêveberiya Xweser û Kurdan mixabin nû nîne. Di meha Adara 2025’an de bi hinceta ku kadroyên rejîma Esad a berê rabûne serhildanê, hêzên hikûmetê li dijî civakên Elewî komkujî pêk anîn, ev êrîş di tevahiya salê de dom kirin. Di meha Tîrmehê de jî civakên Durzî bûn hedefa êrîşên dijwar. Ev polîtîka û komkujiyên li dijî komên etnîk û olî, ji aliyê hiqûqa navneteweyî ve sûcê li dijî mirovahiyê ye.”

Îmzevanan ragihand ku Yekîtiya Ewropayê ji bo jinûve avakirina Sûriyeyê 620 milyon euro pere daye hikûmeta Sûriyeyê û got, “Neteweyên Yekbûyî û dewletên endam divê garantî bike ku korîdora mirovî ya ji bo bajarê Kobanê were domandin û dabînkirina av û elektrîkê ya ji bo wir were garantîkirin.”

Îmzevanên ewilî yên metna ku ji aliyê zêdeyî 400 kesayetên naskirî ve hatiye îmzekirin, bi vî rengî ye:

* Gilbert Mitterrand - Serokê Weqfa Danielle Mitterrand

* Olivier Faure - Parlamenterê Seine-et-Marne

* Grégory Doucet - Serokê Şaredariya Lyon

* Jean-Luc Mélenchon - Ji Hevserokatiya Enstîtuya La Boétie

* Marine Tondelier - Endama Konseya Herêmî ya Hauts-de - France

* Dylan Boutiflat - Ji Sekreteriya Navneteweyî ya Partiya Sosyalîst

* Marie Pochon - Parlamentera Drôme

* Mathilde Panot - Ji parlamenteriya Val-de-Marne

* Gabriel Amard - Parlamenterê Rhône

* Thomas Portes - Parlamenterê Seine-Saint-Denis

* Danielle Simonnet - Parlamenterê Parîs

* Rémi Féraud - Senatorê Parîs

* Laurence Harribey - Ji senatoriya Gironde

* Geneviève Garrigos - Endamê Konseya Paris, rêveberê berê yê Amnesty International

* Zerrin Bataray - Parêzer, Endama Konseya Herêmî ya Auvergne-Rhône-Alpes

* Hélène Conway-Mouret - Senatora nûneriya Fransiyên li dervey welêt, Alîkara Serokatiya Komîsyona Karên Derve û Parastina Neteweyî

* Cyrielle Chatelain - Parlamentera Isère, Seroka Koma Meclîsa Ekolojîst û Sosyal a Neteweyî

* Noël Mamère - Endamê berê yê Parlamentoya Ewropayê û Serokê berê yê şaredariya Bègles

* Antoine Back - Alîkarê Serokatiya Şaredariya Grenoble

* Pascal Troadec - Alîkarê Serokatiya Şaredariya Grigny

* Anna Pic - Parlamentera Manche, Seroka Koma Navneteweyî ya Partiya Sosyalist

* Laetitia Hamot - Ji Serokatiya Şaredariya La Crèche

* Michael Löwy - Dîrektorê lêkolînê yê CNRS emeritus

* Barbara Glowczewski - Dîrektora lêkolînê ya CNRS emeritus

* Pierre Dardot - Fîlozof

* Ugo Palheta - Sosyolog, Endamtiya perwerdeya Zanîngeha Lille

* Laurent Jeanpierre - Siyasetmedar, Profesorê Zanîngeha Paris 1

* Laurence De Cock - Dîroknas

* Geneviève Azam - Ekonomîst, Ji endamtiya Desteya Rêveberiya Weqfa Danielle Mitterrand

* Olivier Grojean - Ji endamtiya perwerdeya Zanîngeha Paris 1

* Hamit Bozarslan - Dîrektorê lêkolînê yê li EHESS’ê

* Engîn Sustam - Endamê perwerdeya Zanîngeha Parîsê 8

* Alain Damasio - Nivîskar

* Erik Orsenna - Nivîskar, Endamê Akademiya Fransî

* Titi Robin - Muzîkjen hunermend

* Alessandro Pignocchi - Nivîskar 

* Élise Thiébaut - Nivîskar û Rojnamevan

* Laurence Thiriat - Derhêner

* Corinne Morel-Darleux - Nivîskar, ji Rêveberiya Weqfa Danielle Mitterrand

* Olivier Rabourdin - Lîstokvan

* Guillaume Meurice - Komedyen û xebatkarê bernameya radyo

* Audrey Vernon - Komedyen û lîstikvan

* Peggy Pascal - Ji Hevserokatiya Koma URD (Rewşa Lezgîn, Rehabilitasyon, Pêşveçûn) û ji Dîrektoriya Giştî ya Véronique de Geoffroy

* Céline Méresse - ji Serokatiya CRID

* Anne Feray û François Sauterey - Hevserokên MRAP’ê

* Tony Rublon - Serokê Komeleya Dostatiyên Kurd a Bretagne

* Chloé Gerbier - Ji Terres de Luttes hiqûqnas

* Mûrat Okundu - Berdevkê People’s Bridge

* Eric Buchet - Serokê Experts Solidaires

* Gustavah Massiah - Damezrînerê CEDETIM, alîkarê serokatiya berê ya ATTAC

* Aïssa Rahmoune - Sekreteriya Giştî ya FIDH

* Roseline Kisa, Pascal Torre - Hevserokên France Kurdistan û Sylvie Jan - hevkarê damezrîner

* Les Soulèvements de la Terre