Navenda Nûçeyan – Li Efganistanê, qedexeyek din li qedexeyên Talîbanê yên ku hebûna jinan li qadên giştî hedef digirin, zêde bû.

Li navçeya Malistan a parêzgeha Gazniyê, sê kes ji aliyê rayedarên Talîbanê ve ji ber hebûna xwendekarên jin di merasîma vekirina dibistanê de hatin girtin. Kesên ku hatine girtin rêveber û mamosteyek ji Lîseya Keçan a Mîr Adîna, û her wiha rêvebera dibistanek Îngilîzî ya li navçeyê dixebite, di nav wan de ne.

Li gorî raporan, berpirsên Talîbanê beşdarbûna xwendekarên jin di merasîma vekirina projeyek giştî de, ku di çarçoveya ji nû ve avakirina avahiya lîseyê de hate lidarxistin, wekî sedema binçavkirina wan nîşan dan. Serokên gundan û rêberên herêmî ji bo berdana mamosteyên girtî serî li rêveberiya navçeyê dan, lê hemû hewldan bêencam man.

Li gorî agahiyan, projeya dibistanê ya ku behsa wê tê kirin, duyemîn projeya bingehîn e ku ji hêla "Tîma Hamiyari" ve tê kirin, ku rêxistinek e ku armanca wê baştirkirina derfetên perwerdehiyê ji bo keçan e. Kiryarên Talîbanê wekî beşek ji zextek sîstematîk a li ser perwerde û beşdariya keçan di jiyana giştî de tê dîtin.