ŞIYA KOYE

Koye- Li bajarê Koye yê herêma Federal a Kurdistanê fabrîqeya mhefûran a Koye di 1’ê Gulana 1957’an de hat avakirin, bi salan ji bo jinan hem bû qada debarê hem jî bû qada civakbûnê. Fabrîqeya ku berê nêzî 300 jin tê de dixebitîn, îro tenê 30 jin dixebitin.

‘Weke berê destek û teşwîq tune ye’

Nemam Hemed Mustafa ku di fabrîqeyê de di temenê zarokatiyê de dest bi kar kiriye, wiha got: “Ez di sala 1979’an de li Koye hatim dinyayê û ji 9 saliya xwe ve heta niha di fabrîqeyê de dixebitim. Dema 9 salî bûm, fêrî nexişandina mehfûran bûm. Ji wê rojê ve heta niha li vê derê dixebitim û ez ji karê xwe hez dikim. Di fabrîqayê de berê em 200-300 jin dixebitîn. Mûçeyê me kêm jî bû lê têra me dikir. Em di navbera saet 80:00’ê seherê heta 15:00’ê êvarê dixebitîn. Ji bo xwarina nîvroyê restorana me heye. Niha karê me xirab e, em sê mehan carekê yan mûçe digrin an na. Weke berê destek û teşwîq jî tune ye. Em ji karê xwe nerazî ne.”

‘Mûçe bi awayek rêk û pêk nayê dayîn’

Neman Hamed Mustafa da zanîn ku tevî zoriyên kar ew bi keda xwe li ser lingan dimîne, ev jî wê bi rûmet dike û wiha got: “Karê dirûtinê zor e lê bi kêf e. Em li gorî daxwazan dixebitin. Berê kar gelek bû, niha kêm bûye. Navber zêde bûne, berdewamî nîn e û mûçe bi awayek rêk û pêk nayê dayîn.”

Fabrîqaya Mehfûran a Koye ku bi salan e ji bo jinên Koye bûye çavkaniyek girîng a debarê, îro terka qedera xwe hatiye kirin û jin hêvî dikin fabrîqe careke din vegere rojên xwe yên berê.