civak/jiyan

08:05

Endama Ofîsa Zagonî ya Rêxistina Sara ya li dijî Tundiya ser Jin Arzo Temo têkildarî tundiya li ser jinan ji aliyê zîhniyeta serwer ve tê meşandin, nirxandin kir û da zanîn ku tundî kiryarekî dûrî exlaqê mirovahiyê ye û pêwîst e sînorên hişk jê re bên dayin her wiha divê jin maf û zagonên der barê parastina mafên xwe de bêtir bigihîjin û zordariyê ji xwe re nekin qeder.

14:50

Komeleya "Hena" a li Lubnanî ku di 11’ê Mijdara 2011’an de hate damezrandin hewl dide bibe peyamek piştgiriyê ji bo jinan, wan bi hêz bike, hişmendiya wan di warê cihêreng ên jiyanê de zêde dike, wan perwerde dike û alîkariya wan dike ku çavkaniyek jiyanê bibînin. Komele jin, zarok û heta ciwanên Lubnanî, Filistînî û Sûriyeyê hedef digre.

12:42

Zarokê bi navê Hayan dibêje: “Heya niha min dibistan nedîtiye, tiştê ku ez der barê vê jiyanê de dizanim tenê şer, xizanî û perîşanî ye ku bûye beşek ji cîhana me ya li vir ku di navbera dîwarên kampan û çopê de asê maye.”

11:19

Li Iraqê hejmarek mezin ji rêxistinên mirovî weke rêxistinên alîkariyê, bijîjkî û rêxistinên parastina mafên jinan ên ku li gel serokwezîrê Iraqê tomarkirî ne hene lê rêxistina 21 Newroz rol û misyoneke cudatir di warê bihêzkirina jinan de dilîze.

12:46

Piştî rizgarkirina bajarê Dêrezorê yê Bakur û Rojhilatê Sûriyeyê ji çeteyên DAIŞ'ê, avahiyên ku çeteyan kiribûn navendên îşkenceya jinan veguherîn cihê parastina jinan û mafên wan. Yek ji wan jî girtîgeha jinan e û niha bûye cihê meclisa jinan.

08:06

Ayîşa Xidir, kaniyên avê yên di encama qelişîna erdê de der bûne wekî mûcîzeyek pênase dike û avê ji wan dikşîne mala xwe. Her wiha pezê xwe bi wan av dide ji gîhayên dora kaniyê beşta malan çêdike, ji me re behsa kaniyên ku dîroka wan digihîje hezaran salan jê vedixwin kir û got ku ji bo kanî qirêj nebe, ew her dem derdora wê paqij dike.

10:05

Jinên beşdarî perwerdeya zimanê Kurdî bûne balkişandin ser girîngiya ziman û wiha gotin: "Her zimanek hebûneke lê zimanê Kurdî an jî zimanê zikmakî bi xwe hebûna me Kurdan tevahiyan e. Divê hemû Kurd fêrî ziman bibin."

08:46

Belavbûna nexweşiya leyşmaniya li kampên Idlibê zêde dibe. Ji ber şert û mercên zehmet, bilindbûna pileyên germahiyê, belavbûna kêzikan û nebûna xizmetên bijîjkî, penaber gelek zehmetiyan dikşînin.

08:17

Jinên Bajarê Hesekê ji ber qutkirina ava Elokê bi gazin in û teqez kirin ku li dijî gelê Bakûr û Rojhilatê Sûriyeyê planek qirêj tê meşandin û ev yek ji bêdengiya hêzên navdewletî diyar dibe.

13:28

ÎHD û Xizmên Windayan di çalakiya xwe ya vê hefteyê de xwestin faîlên Mîkdat Ozeken ê 27’ê Îlona 1994’an li tabura leşkeran a Geverê hatî qetilkirin û hîna cenazê wî nediyare bên darezandin.

09:48

Di daneyên ji aliyê Komîseriya Bilind a Plandanînê ya Mexribê ya di 3’ê Tebaxê de hatin weşandin de diyar bû ku rêjeya bêkariya jinên Mexribê ji sedî 15,6 gihîştiye ji sedî 15,9 û li gorî Neteweyên Yekbûyî, Mexrib di nava welatên beşdarbûna jinan di hêza kar de kêm dimîne. Mexrib di nav 135 welatan de, di rêza 128’an de ye.

08:04

Hişmiya Mehmûd a ku zêdetirî 45 sal in, li gundê Dirdara dijî û zêdetirî 25 roj in li hember êrîşên dagirkeriyê li ber xwe dide ji ajansa me re da payîn ku îro ew li hember dagirkeriyê bi sekn û berxwedana xwe, şerê hebûna xwe dikin her wiha da zanîn ku şev û roj ji ber topên dagirkeran ranazên lê ew ê heya kêliya dawî li ber xwe bidin.

08:28

Hevseroka Desteya Perwerdayê ya herêma Cizîrê Rohat Xelîl û Rêveberiya Akademiya şehîd Egîd a branşên Kurdî Şîlan Mihemed der barê sala nû ya xwendinê de axivî got: "Ji bo sala nû ya xwendinê hemû mamoste di perwerdeyan re hatine derbaskirin û xwendekar jî bi kelecanek mezin li benda vebûna dibistanê ne."

08:08

Xena Yûnan a 77 salî ku bi eslê xwe Aşûrî ye ji navçeya Til Temirê ye, behsa êrîş û komkujiyên ku ji Sêfo heya Sîmêl, ji Sîmêlê heya Xabûrê û niha êrîşên dewleta tirk li ser navçeya Til Temirê dike û da zanîn ku bi vî temenê xwe yê mezin, ew ê li hember dagirkeran şer bike û daxwaz ji NY’ê kir ku komkujiyên li ser gelê Aşûrî de yên dê dîrokê de pêk hatine êdî rawestînin û bihêlin ku êdî rehet bijîn.

12:34

Seroka Desteya Rêveberiya Weqfa Qahîreyê ya Pêşketin û Hiqûqê, Întisar Al-Saeed got: "Piraniya nifûsa Misrê gundî ne û bêguman jin dê ji kêmbûna avê zirarê bibînin, nemaze li deverên ku ji kêmbûna avê bi bandor bûne. Di encamê de ji % 40 wê ji cotkar û xebatkarên çandiniyê, çavkaniya xwe ya jiyanê winda bikin. Jixwe piraniya karkerên ku di çandinyê de kar dikin jin in.”

09:40

Li Tûnisê xemsariya li ser zewacê bûye diyardeyek. Her diçe di warê zewacê de xemsariya jinan zêde dibe. Gelo sedema vê yekê zîhniyeta femînîst û pêşketina wê ya ku gihîştiye qonaxeke girîng e an na? Gelek pispor hewl didin sedem û faktorên ku pêşî li vê rewşê vekirine fam bikin.

08:39

Pîşeya ajokariya wesayîdan û hînkirina kesan ji bo ajokariyê li Lîbyayê demeke pir dirêj tenê aidî mêran bû lê di van salên dawî de di dema şer de li bajarê Bingaziyê ev herdu pîşe di nava jinan de jî belav bû, ji ber wê jinên ku wesayîdan diajon rastî nêrînên matmayî tên.

11:27

Widian Muhammed der barê komxebat û kursên ku jin li Enbar û parêzgehên mayî beşdar dibin de dibêje; "Pêngava herî girîng avakirina civakek ku girîngiyê dide nêrîna jinan e, ji bo ku di riya xwendin û şopandinê de jin bibin xwedî hişmendiya baş û bi hêz û zana bin.”

08:29

Dayikên Efrînê yên koçberî kantona Şehbayê bûne û li kampa Berxwedan ruxmî mezinbûna temenên wan jî dîsa li berxwe didin wiha dibêjin: " Berî ku jiyana xwe ji dest bidin bila em Efrîna xwe bibînin."

11:38

Bi bilindbûna pileyên germê re di vê havînê de, ne tenê peydakirina panelên cemedê û nexweşiya xurînê pirsgirêka tekane ye, ji ber tava dijwar gelek jin û zarok di kampan de nexweş ketine û tenduristiya wan xirab bûye.