ژیان

09:47

خوێندنگەکان لە ڕووی پێداویستییەوە کەموکورتییان هەیە و خەرجییەکانیان بۆ دابین ناکرێت، ژمارەیەکی کەم لە خوێندنگەکان بەشی پیشەییان هەیە و خۆیان پێداویستییەکانیان دابین دەکەن، بەڵام ئەو خوێندنگەکانەی بەشی پیشەییان نییە بە کەموکورتییەوە دەمێننەوە، پەروەردەش وەڵامی داواکانیان ناداتەوە.

10:41

بەندکراو مەحسون ساروحان کە لەشەڕ و پێکدادانەکان بریندار بوو کە چەندین ساڵە چارەسەری بۆ نەکراوە ڕۆژ لەدوای ڕۆژ خراپتر دەبێت، سولحی ساروحان کە داوای ئازادکردنی کوڕەکەی و زیندانیانی دیکەی نەخۆش لە زیندانەکان کرد، کاردانەوەی بەرامبەر ئەو دۆخە هەیە.

08:20

توندوتیژی دەروونی لە شارۆچکەی چەمچەماڵ زیادی کردووە، بەڵام هیچ ڕێکخراوێکی مەدەنی تایبەت بە ژنان لە سنورەکەدا نییە، چالاکوانانی شارۆچکەکەش ڕەخنە ئاڕاستەی ڕێکخراوەکان دەکەن کە گرنگی بە شارۆچکەکە نادەن.

10:45

ژنانی گەنجی باشوری کوردستان دەربارەی کێشەکانی کۆچی گەنجان، ناڕەزایەتی خوێندکاران، گرنگی پەروەردە و چارەسەرییەکان قسەدەکەن، باس لەوەشدەکەن سیستم کار لەسەر تێکشکاندی گەنج دەکات.

09:10

هەرچەندە هیچ ئامارێکی تەواو لەبەردەستدا نییە، بەڵام وەک چالاکوان و پارێزەران باسی دەکەن هاوسەرگیری پێشوەختە لە ڕانیە ڕووی لە زیادبوون کردووە، بەشێک لە خێزانەکانیش تەنها دەیانەوێت کچەکانیان بدەن بە شوو، لە دەرەوەی دادگاش مارەیان دەکەن.

11:55

یاسەمین قادر، ئەندامی کۆمیتەی دادپەروەریی ماڵی ژنانی کانتۆنی عەفرین، تیشکی خستە سەر ئەو کردەوانەی کە لە ناوچە داگیرکراوەکاندا دژی ژنان ئەنجامدراون و وتی: "لە عەفرینی داگیرکراودا ڕۆژانە ژنان دەکرێنە ئامانج و ئەشکەنجە دەدرێن لە شەهبا هاواری ژنانی عەفرین بە جیهان دەگەیەنین".

09:31

خۆسوتاندنی ژنان بەهۆی توندوتیژیییەوە ماوەی چەند ساڵێكە لە كۆمەڵگەی كوردییدا بەردەوامە، بەڵام بەشێكی زۆری ژنان هۆكاری خۆسوتاندنیان دەشارنەوە، پزیشکێکی دەرونیش ئاماژە بەوەدەکات، خۆسوتاندن جارێکی دیکە توندوتیژییە لە بەرامبەر جەستەی خۆتدا.

10:49

دایک و باوک و دۆستانی ئەو منداڵانەی کە لە تل ڕەفعەت لەلایەن دەوڵەتی تورکی داگیرکەرەوە شەهید بوون وتیان کە هەموو ساتێکی ژیانیان بەبیردێتەوە هەرکاتێک دەرگاکانیان دەکەنەوە منداڵەکانیان دێنە بەرچاویان، دەڵین: "دەبێت بکوژەکان لێپرسینەوەیان لەگەڵ بکرێت".

09:00

خەڵکانی ڕەسەنی باکوری ڕۆژهەڵاتی هیندستان سوود لە شێوازێکی دێرین وەردەگرن بۆ دروستکردنی پرد لە گوندەکەیان کە پارێزگاری لە هاوسەنگی سیستمی ژینگەیی دەکات.

10:30

ئەکادیمیای شەهید شیلان لە پارێزگای کۆبانێ لە باکور و ڕۆژهەڵاتی سوریا، کاردەکات بۆ بەرزکردنەوەی هۆشیاریی ژنان و کۆمەڵگەی دیموکراتیک، هەوڵ دەدات کۆمەڵگا بەرەو فکرێکی ئازادیخواز و دیموکراسی ببات.

15:40

ژنان وەک هێزێک تێدەکۆشن بۆ پاراستنی کۆبانێ و خەڵکەکەی، هەوڵدەدەن ڕێگری بکەن لەو هێرشە بەردەوامانەی دەوڵەتی تورکیا ئەنجامی دەدات. دەلال ڕەمەزان

09:00

ساڵانە هەزاران توندوتیژی لەم هەرێمەدا تۆمار دەکرێت، بەڵام هێشتا توندوتیژی نەبووەتە بابەتێکی گەرمی دەزگا ڕاگەیاندنەکانی باشوری کوردستان، تەنانەت لە ٢٥ تشرینی دووەمیشدا یەک هەواڵیش لەبارەی ئەو ڕۆژەوە بڵاونەکراوەتەوە.

08:56

ئەگەرچی ڕێکخراوەکان بەردەوام چالاکییەکانیان بڵاو دەکەنەوە، بەڵام وەک چالاکوانان باسی دەکەن، توندوتیژییەکان بەشێوازی جیاواز ڕووبەڕووی ژن دەبێتەوە، پێویستە ڕووبەری ئازادییەکان فراوانبکرێت و گۆڕانکاری لە تێڕوانین بەرامبەر ژنان بکرێت.

09:25

هاوسەرگیری پێشوەختە بووەتە مۆتەکەی ژنانی عێراق، سەرباری زیانە کۆمەڵایەتی و تەندروستیەکانی ئەم هاوسەرگیریە، سزا و یاساکانیش تا ئێستا کێشەکەیان چارەسەر نەکردووە، دەستکراوە نەبوونی دادوەرەکانیش بە یەکێک لە چارەسەرەکانی ئەم پرسە دادەنرێت.

10:10

خوێندکارانی زانکۆی هەڵەبجە ڕژانە سەر شەقام و داوای مافەکانی خۆیان دەکەن، کە پێدانی دەرماڵە و لابردنی سیستمی پارەدانە لە زانکۆکاندا، لە بەرامبەر مافەکانیاندا هێزە ئەمنییەکان هێرش دەکەنە سەریان، خوێندکارانیش هاوار دەکەن، "چیتان دەوێت خوێندکاران دەرماڵەی چەند ساڵەمان".

08:56

هەرچەندە ڕۆژێک تایبەت کراوە بۆ بەرەنگاربوونەوەی توندوتیژی دژی ژنان بەڵام خودی ژنان خۆیان ئاگاداری ئەو ڕۆژە نین، هۆکارەکەشی گرنگی نەدانە بە پرسی ژنان و کپکردنەوەی ئەو ڕووداوە توندوتیژییانەی بەرامبەر بە ژنان ئەنجام دەدرێت.

10:15

بە نزیکبوونەوە لە ٢٥ی تشرینی دووەم، ڕۆژی جیهانی بەرەنگاربوونەوەی توندوتیژی دژی ژنان چالاکییەکان بۆ هۆشیاری و خستەڕووی توندوتیژی و چارەسەرییەکان دەستپێدەکات، بەڵام کەمترین هاوڵاتی دەربارەی ڕۆژەکە و بەرەنگاربوونەوەی توندوتیژی دەزانن.

10:13

ئەندامی بەڕێوەبەرایەتی گوندی ژنوار ڕوکەن ڕۆژدا سەبارەت بە دروستکردنی گوندی ژنوار وەک یەکەم گوند بۆ وەڵامدانەوەی هەموو شێوازەکانی توندوتیژی دژ بە ژنان وتی: "گوندی ژنوار یەکێکە لە بەرهەمی خەبات و بەرخۆدانی ژنان، ژیانی ژنان لە ژنوارەوە دەستیپێکرد، ئەو ژنانەی ناتوانن خۆیان بناسن و بێنە دەنگ، دەتوانن بێنە گوندی ژنوار بۆ ئەوەی بژین و کەسایەتی خۆیان بەهێز بکەن ژنوار گوندێکی پەروەردەیی و فێربوونی ئیرادەیە، هەروەها مۆدێلێکی بچووکی نەتەوەیی دیموکراتییە".

14:06

لە ١٨ی تشرینی دووەمدا، بزوتنەوەی خۆڕسکی ژنانی تێکۆشەری ئەفغانستان لە کتێبخانەی "پێشانگای کتێبی کابول" پڕۆژەیەکیان بۆ بەرزکردنەوەی خوێندن لەنێوان ژنان و گەنجان ڕاگەیاند بۆ ئەو ژنانەی لەلایەن ڕژێمی تاڵیبانەوە ڕێگری لە خوێندن و ڕاهێنانیان کراوە.

08:56

ژنانی بازیان لە ئازادییەکی بەرتەسکدا دەخولێنەوە، ژنانی شارۆچکەکە توندوتیژییەکان باس دەکەن، چالاکوانانیش دەڵێن دوو لەسەر سێی ئەم شارۆچکەیە ئەقڵیەتی پیاوسالاری زاڵە بەسەریدا، باس لە کاریگەرییەکانی قسەی خەڵک و نەبوونی ڕێکخراوەکانی ژنان دەکەن.