ژیان

15:11

دایکانی شەممە لە چالاکی ئەم هەفتەیەشیاندا لەسەر ئەو دۆسیەیە وەستان کە لە چالاکی هەفتەی ٧٠٠ لە لەسەریان کراوەتەوە.

12:02

کودریت فەندیک، یەکێکە لەو ژنە کوردانەی کە ڕووبەڕووی شەڕ و ئاوارەبوون و مردن بووەتەوە، هەرگیز کڕنوشی بۆ کەس نەوی ناکات و ٩ منداڵەکەی بە تەنیا پەروەردە کردووە.

10:35

ڕۆژنامەی یەکسانی لە عێراق، ڕووداو و پێشکەوتنەکانی ژنان لە قەڵەمی ژنانەوە دەگەیەنێتە خوێنەر، ڕۆژنامەنووس سیرە عەدنان کە ماوەیەکی زۆرە لە ڕۆژنامەکەدا کار دەکات و دەڵێت: "لەگەڵ کاری ڕۆژنامەکەدا، ئێمە بینیومانە کە ژنان بە وریاییەوە زیاتر بە دوای ڕووداوەکاندا دەڕۆن و ڕووداوەکان دەبینن، بۆیە لە ماوەیەکی کەمدا سەرنجی ڕۆژنامەکە لەناو ژناندا بڵاوبووەوە و جێگەی خۆی لە ماڵەکاندا گرت".

10:12

کۆمسیۆنی سەربەخۆی مافی مرۆڤی ئەفغانستان "AIHRC"، لە ڕاپۆرتێکیدا سەبارەت بە پەرەسەندنەکانی ئەم دواییەی ئەفغانستان ئاشکرایدەکات، لە شەڕ و پێکدادانەکانی مانگی تەمموزدا ١٩١ کەس کوژراون و ١٠٥٩ کەسی تریش برینداربوون ، هەروەها ٧٨ هەزار و ٩١١ خێزان بەهۆی شەڕەوە کۆچیان کردووە .

09:54

خوێندکارێکی فەلسەفە پێی وایە لە شارۆچکەکان توندوتیژی بەرامبەر بە ژنان زیاترە وەک لە شارەکان و ڕۆڵی ڕێکخراوەکانی ژنانیش بە لاواز پێناس دەکات.

09:25

شاگوڵ عوسمان باس لە ڕۆڵی دایک لە پەروەردەکردنی منداڵەکانی وەک شۆڕشگێر دەکات، ڕۆڵی ژنانیش لە کۆمەڵگەدا و لە ڕووبەڕوو بوونەوەی داگیرکاری لەسەر کوردستان بە گرنگ پێناسە دەکات.

14:20

ڕووخانی ڕژێمی تاڵیبان ڕێگەی بە هەندێک گۆڕانکاری و پێشکەوتنی بەرچاو دا لە بواری ماف و پەروەردەی ژناندا، لە ساڵی ١٩٩٩ هیچ کچێک نەبوو لە قوتابخانەی ناوەندی ناونووس بکرێت و تەنیا ٩هەزار لە قوتابخانە سەرەتاییەکان بوون.

12:02

ئاژانسی نەتەوەیەکگرتووەکان، هۆشداری لە بەرزبوونەوەی ئاستی برسێتی لە جیهاندا دەدات و هۆکاری بەرزبوونەوەی ڕێژەکەش دەگەڕێننەوە بۆ قەیرانی ئابووری، گۆڕانی کەشوهەوا، ناکۆکی دەوڵەتان و ڤایرۆسی کۆرۆنا.

15:42

دوای ٦٢ ساڵ لە کوبا خۆپیشاندانێکی گەورە دژ بە دەسەڵاتیی کۆمەنیستی بەڕێوەدەچێت و هەزاران کەس بەشدارن، سەڕەرای ئەوەی پۆلیسی نهێنی بەربونەتە خۆپیشاندەران، خەڵک هاواری ئازادی دەکەن.

09:05

ئاھەنگی کۆتایی گروپی ٣ و ٤ی پڕۆژەی "تۆیەکی بەھێزتر" لە سلێمانی بەڕێوەچوو، پڕۆژەکە باس لە چۆنیەتی بەدیھێنانی ژیانێکی باشتر دەکات بۆ بەشداربوان.

15:45

ڕێکخراوی ئۆکسفای بەریتانی ڕایگەیاند، بەهۆی برسێتییەوە هەموو خولەکێک ١١ کەس لە جیهاندا گیان لەدەستدەدەن، ئەو ژمارەیەش زیاترە لە ژمارەی گیانلەدەستدان بەهۆی کۆرۆناوە لە ڕۆژێکدا.

11:57

رەشیدە جیهاد کە ئێستا دایکی دوو منداڵە و دوای چەندین ساڵ بڕیاری دا بچێتەوە بەر خوێندن و ببێتە خاوەن بروانامە، دەڵێت:" کاتێک وازم لە خوێندن هێنا، تەمەنم ١٥ ساڵ بوو، دوای سەختییەکی زۆر و هەبونی منداڵێکی خاوەن پێداویستی تایبەت، چومەوە بەر خوێندن و سەرکەوتوو بووم".

10:39

پڕۆگرامی خۆراکی جیهانی سەر بە ڕێکخراوی نەتەوە یەکگرتووەکان ڕایگەیاند، مەترسی لەسەر ئاسایشی خۆراک لە جیهاندا دروست بووە، بەشێوەیەک ڕێژەکەی گەیشتووەتە لە ٧٤٪.

09:23

خولێکی پەروەردەیی بۆ ژنان لە حەلەب بەرێوەدەچێت و ئەو ژنانەی بەشداری خولی پەروەردەیی کۆنگرەی ستار بون ، دەربارەی بەشداریکردنیان لەو پەروەردەییە وتیان:" پەروەردە بۆ بەرزکردنەوەی ئاستی ژنان و بیری ئەوان زۆر گرنگەو لە ڕێگەی پەروەردەوە زانیاری مرۆڤ زیاتر دەبێت و گۆڕانکاری لە کاسایەتی دروست دەبێت".

12:00

هاوڵاتییەک بەناوی ڕەندا ئیبراهیم کە لە کلینکی گەل لە شاری قامیشلۆ کار دەکات، دەربارەی کار و بەشەکانی کلینکەکە بۆ ژنها دوا و دەڵێت: ئامانج لە کردنەوەی کلینکەکە هاوکاریکردنی هاوڵاتیانە.

11:40

دایە ئەسمەر یەکێکە لە شایەتحاڵەکانی هێرشی ٧ ساڵ بەر لە ئێستای داعش بۆ سەر شەنگال، کە ڕووبەڕووی سەختیەکی زۆر بووەتەوە و دەڵێت:" ئەوەی بینیم وەکو وایە دوێنێ ڕوویدابێت و هەمووکات لەبەرچاومە و هیچ کات لەبیری ناکەم".

09:40

شەن، ژنێک گەشتیارەکان کۆدەکاتەوە و هەمووان دەکەتە هاوڕێی یەکتر، بەڕووخۆشی و دەمبەخەندەوە ڕێگا دوورەکان بۆ گەشتیارەکان کورت دەکاتەوە، گەشتیارەکانیش باسی بوێری شەن دەکەن.

12:55

پەیامنێرانی ژن تیڤی لە سێیەمین ساڵیادی دامەزراندنی ژن تیڤیدا دەڵێن: ئامانجمان گەیاندنی هەست و تێکۆشان و بەرخۆدان و خەباتی ژنانە، لە دژی ئەقڵیەتی پیاوسالاری زاڵ و توندوتیژی دژی ژنان، لە ڕێگای هەواڵ و ڕاپۆرت و بەرنامەکانەوە ڕاستییەکان بۆ جیهان ئاشکرا دەکەین.

10:00

لەگەڵ ئەوەی شەڵتەرەکان بۆ پاراستن و چارەسەری کێشەی ئەو ژنانە دانراوە کە توندوتیژیان بەرامبەر کراوە یاخود لە کۆمەڵگەدا ڕووبەڕووی کێشە بوونەتەوە، بەڵام تا ئێستا ناوی شەڵتەر بە خراپی لەناو کۆمەڵگادا بڵاوە، هەروەها ترس لەسەر ژیانی ئەو ژنانەش هەیە کە تیایدان و کێشەکانیان بنەبڕ ناکرێن.

10:15

سەنتەری گەشە ماوەی ساڵێکە لە هەڵەبجە بۆ پاراستن و پەرەپێدانی تواناکانی ژنان لە هەڵەبجە دەستیپێکردووە، سەر بە ڕێکخراوی خەڵک بۆ گەشەپێدان'ە، لە سەنتەرەکەدا کار لەسەر تواناکانی ژنان دەکرێت لە بواری ئابوری سەربەخۆ و پاراستنی ژنان لە توندوتیژی.