ناوەندی هەواڵ

 

کوشتنی ژنان لە باشووری کوردستان بەردەوامی هەیەو لە نوێترین ڕووداودا ژنێک لە گەرمیان بە چەقۆ کوژرا.

 

لە راگەیاندراوی پۆلیسی گەرمیاندا هاتووە: نزیکەی کاتژمێر ١١:٣٠ خولەکى شەوى ڕابردوو بەڕێوەبەرایەتی پۆلیسی گەرمیان ئاگادارکرانەوە لە ڕووداوێکی کوشتن لە گوندی تازەدێی سەر بە شارۆچکەى کەلار، دواتر پۆلیس گەرمیان و بەشی نەهێشتنی تاوانی گەرمیان بەخێرایی گەیشتنە شوێنی ڕووداوەکە و دەستیان بە لێکۆڵینەوە کرد.

 

ئەوەشی خستەڕوو، بکوژەکە بە فەرمانی دادوەر و بە مادەی ٤٠٦  دەستگیرکراوە، هەروەها پۆلیسی لەسەر هۆکار و چۆنییەتی ڕووداوەکە بەردەوامە لە لێکۆڵینەوە.

 

بەپێی زانییارییەکان ژنەکە بە چەقۆ لەلایەن هاوژینی پێشوویەوە کوژراوە.